Muk txos trâu jok Chung Chinh, shuôk luz vax txir lê đar yax 1 ha ntơưv Câuk Xênhv Muôk zis nênhs, iz hâur têx zis ntơưv xã xuz chos zav nôngz lê VH6 txix shông 2017. Zơưk Câuk thav pâuz: Zav nôngz lê VH6 tsik yuô muôx caz nox, fiv huv trâu đêx ar, huôz chuô ntơưv thax tsav tox siaz Tà Xùa. Tsik tas ntâu đas jos tu, tsuôk zos moz siaz yiz chês, tso qir thiaz phax tar caz nox xưz ntông zênhx huôv tsar jông lơưv. Đros trâu 400 tsoz txirlê, chiv shông no xav sâu tâu yax 3 tấn txir, muôs tâu 20.000 txos 25.000 đaiv/chiaz. tsik xav têx pênhr mak sâu tâu yax 60 triệu đaiv.

Hok tix lâus Mang Xênhv Shôngx, nhoz trâu jok Tà Xùa, thav li no: Shông 2023, zis nênhs tâu Phòng Kôngz lông thiaz Môi trường xair chia côngv lês dự án chos lê, tưz paz yax 200 tsoz ntông chia chos trâu 5.000 m² têz. tâu kria tsưr ziv txix khơưz kror, tso qir, yiz chês, tov kaz oz shông, ntông tưz hloz jông, siaz yax 2 mét, njênhk tiak shông tiv pêz zuôr piz txi txir.

Txix li muôs tâu gri, zênhv hnuz zênhv muôx ntâu zis pêx xênhv hâur thax tsav xã tưz hlôngr iz cxia qơư chos kôngz tsik jông chia chos txir lê. Txos nhiv no, hur si xã muôx yax 70 ha txir lê VH6, hâu ntơư, zuôr luôs 10 ha tưz piz txi txir, phênhv ntâu chos ntơưv têx jok Chung Chinh thiaz jok Tà Xùa.

Zơưs Hồ Xênhv Muôk, Chủ tịch UBPX xã Tà Xùa, haik pâuz: Txix thâuv hlôngr chia chos ntông nox txir li txir nkhơưz kaz jiz, lê, yax hlo zos zav txir lê VH6, tưz paz trâu ntâu zis pêx xênhv sâu tâu 40-50 triệu đaiv/chiv. Hâur ntu zuôr txos, UBPX xã zuôr tror siz khov đros têx cơ quan chuyên môn cxiv tsa qơư chos lê uô cê; paz zuz thiaz paz zôngx ziv chia trâu pêx xênhv tâu txaik nhiax lok uô kôngz lông; kriz kria nzir tsưr ziv tu thiaz zok nriar qơư muôs txir trâu pêx xênhv. Đros trâu hâux lưv kriz đar qơư chos, xã cux moz siaz tu cos tâu jông đros trâu huôv tsar nuôv zax ndis shuôk uô si, paz trâu pêx xênhv sâu nju nhiax txiax truôx njês.