Txos tix lâus Trịnh Việt Cường, tổ pêx xênhv nhoz Pa Khen, phường Cờ Đỏ luz vax txir khơưz. Nưk ziv nênhs muôx zuôr luôs 8 ha txir khơưz, txix shông 2023, tưz cxưx yax 100 triệu nhiax zuôr car tok đêx cxênhv zưs yax 4 ha txir khơưz kaz jiz, txo chês, trâu qir cov txir khơưz txi txơưr chaix.

Chox tuz sâu xos muk ndis luz vax txir khơưz cê tơưs pax ho cê muôx txir tưz siar sâuv chês, tix lâus Cường haik: Chia chos txir khơưz cov tơưs pax, txi txir zuôr tsuv uô siaz ntêr. Thâuv piz tu txir khơưz txi txơưr chaix, tsuv uô jông njuôk tsov saiz tsoz txir khơưz puôk tâu txâuk shông, puôk tas pax, txi txir nzor; ntu tu mak zuôr tsuv trâu qir hữu cơ txâuk trâu têx txir, phax tar caz hmoz, zôngv qir cxiz cov txi txir nzor. Txix têx tsưr ziv haik ntơư vax tsê tưz muôx txir khơưz txi txơưr chaix txix luz 11 hli yênhx shông tax txos luz 5 hli shông tov kaz. Fênhx đraz iz chiaz muôs tâu 60.000 nhiax, tâu gri yax 3 bâus njuôk li chiv txir siar trơưk chaix.

Tsik zos tix lâus Cường ziv xưz, ntâu ziv Tuz kôngz ntơưv phường Cờ Đỏ, xã Tân Yên, Chiềng Hắc thiaz iz cxia ziv pêx xênhv txơưr cux hlôngr tu txir khơưz siar txơưr chaix. Iz chas ntơư, têx ziv pêx xênhv chos txir khơưz tsênhv tok lok six chôngz kruô tuôx ndis uô si, đê txir khơưz cias ntơưv vax, sâu tâu nhiax txiax nju đuô.

Niav lâuk Nguyễn Thị Hồng, kruô nuôv zax nhoz thành phố Hải Dương, haik: Cur tuôx txos ntơưv no thiax pâuz pov txir khơưz Mộc Châu nhiv kruôr tơưs pax đuô tơư xưz, chak ntâu luz vax txir khơưz tưz siar, têx kruô tuôx nis txos tưz tâu đê txir lơưv. Txơưv txir tsik lox li têx txir khơưz trơưk chaix, taz sik nox luz txir gis, muôx đêx ntâu thiaz muôx njik kâuz kaz jiz liax. Đhâu ndis đê txir khơưz nox cias ntơưv vax, curr tưz zuôr gra muk puz têx cxênhz jê

Tưz zos zôngv têx tsưr ziv khoa học kỹ thuật paz max, txir khơưz tsik trơưk chaix Mộc Châu zênhv hnuz  zênhv muôs tâu gri đuô. Txir khơưz tsik trơưk chaix tsik ntâu li têx txir huv cxhaix, taz sik tuz luôv puôr lênhx nriar zuôr ti gâuk ntơưv vax, iz chiaz tâu txix 60.000 - 120.000 nhiax. Tix lâus Lê Mạnh Tường, truz luôv tỉnh Hưng Yên, haik: Đhâu cias Tsiaz xưz mak pêz tuôx nriar zuôr txir khơưz kaz jiz thôngz têx vax. Txir khơưz siar nzor, luz txir zâu, muôx njik kâuz, taz sik gra txos kror tưs tiz nênhs zuôr tas txos ntơư. Ntu no, cur zuôr tâu 500 ciar/hnuz.

Hur tiz si xav yax 3.500 ha, Mộc Châu zos trôngx têz qơưk muôx txir khơưz ntâu yax hâur tỉnh. Chia paz tuz kôngz muôs cov tas têx txir khơưz truôx njês, thị xã Mộc Châu tưz chox car cxuô phòng chuyên môn đros têx xã, phường kria Tuz kôngz chos, tu txir khơưz kaz jiz, cov têx txir jông gâux, muôs tâu gri.

Pos Nguyễn Thị Hòa, Giám đốc Trung tâm Kỹ thuật kôngz lông thị xã Mộc Châu, haik: Muôx huôz chuô, đêx ar fiv huv, ho tâu cấp ủy, nov hâu paz max, tưz zênhv hnuz zênhv muôx ntâu HTX, ziv Tuz kôngz cxưx nhiax đhok têx chuôz zênhx tso đêx zưs, zôngv chuôz zênhx jông, kỹ thuật paz max tu cov têx txir tơưs pax, txi txir txơưr chaix. Yiz chês, trâu qir fiv huv thiaz tso đêx zưs, ntâu ziv tuz kôngz chos txir khơưz tưz yênhx côngz, muôx txir khơưz siar tsik tu, txix luz 11 hli tax txos thâuv chiv txir huv chaix siar.

Zuôr tsuv tâu gruôs, uô jông tu thiaz shâuv ntâu tsưr ziv hâur ntâu shông, têx ziv tuz kôngz chos txir khơưz ntơưv Mộc Châu tưz zôngv yênhx côngz kỹ thuật tu txir khơưz xiar txơưr chaix, paz max cov têx txir huv chaix tsơưs, jav đhâu cêr phiv liv “tâu txir, tsik tâu gri”, paz têx pêx xênhv chos txir khơưz sâu tâu nhiax txiax nju thiaz têx kruô nuôv zax muôx nzir qơư ndis thâuv tuôix txos têz qơưk thax qơư nuôv zax Mộc Châu.