Txix li hlôngr fiv tsưr ziv saiz car caz hmoz trâu kôngz chos, txos tsơưs yax cêr ruôr hiav, yax hlo mak yuôx por hưv kôngz txos tiz nênhs đas jos, UBPX tỉnh tưz tso tơưv Cêr tuôr xav lok sâuv hâux lưv fuô lês Cxiax cxênhv saiz car caz hmoz hiav ntu 2021-2025 thax tsav tỉnh Sơn La. Sở Kôngz lông thiaz huôv tsar jêx jok chox car têx đơn vị hâur ngành, đros UBPX têx huyện, thành phố fuô kria, cơưv nzir, choz kria tiz nênhs bax nzir; fuô lês siv iz cxia qơư sir zôngv IPM trâu têx yuôx zêx, blêx, ntông nox txir, jâuz...

Chi cục Kôngz chos thiaz Por hưv kôngz lôngnhiv kruôr fuô lês qơư sir zôngv IPM chos 1,5 ha jâuz krưr ntơưv HTX An Tâm, xã Mường Sang, huyện Mộc Châu thiaz Tôngx Xênhv Tsaz, ziv nênhs nhoz jok Hua Tạt, xã Vân Hồ, huyện Vân Hồ. Têx thành viên HTX, ziv nênhs tâu Chi cục paz yax 1,1 tấn qir, yuôx por hưv kôngz cxuô zav; kriz tâu 2 paz cơưv nzir, hlôngr tsưr ziv saiz car caz hmoz cxuô zav IPM trâu 60 tus tuz kôngz 2 huyện Mộc Châu, Vân Hồ, côngv xair nôngz, tsưr ziv chos thiaz tu saiz, trâu qir, sir zôngv têx zav caz nox caz chia tir tar, txo tsơưs hiav kôngz tiv têx caz nox hiav; qêz suô têx par liax, phax tar caz hmoz hiav trơưk cêr xav phax phôngz jông đuô tir tar. 

Tov kaz tâu paz qir thiaz kria tsưr ziv, têx thành viên HTX An Tâm tưz uô trơưk têx tsưr ziv tu saiz jâuz, phaiz kênh kôngz, ntông chos fiv huv sâuv têx thax têz, tu saiz, trâu qir fiv huv thiaz zos ntâu tsơưs. Lar haik, tsik so muk shuôk liax chia pov thiaz phax tar tuô caz hmoz. Têx fâuv jâuz krưr tsênhv tâu sir zôngv IPM cov huôv hloz jông, caz hmoz hiav tsơưs.

Shông 2023, Chi cục Kôngz chos thiaz Por hưv kôngz lông tỉnh tưz fuô lês “Qơư sir zôngv IPM trâu cêr chos txir chuôz thox hmaz”. Yax 1 shông fuô lês qơư chos trơưk IPM trâu txir chuôz thox hmaz ntơưv xã Chiềng Lương, huyện Mai Sơn, qơư chos 5 ha, pov tâu, têx qir têz qơưk sir zôngv tsơưs txix 15-20% njuôk li chos trơưk kuz tsưr ziv; chos tuôz siz, tiv tsôngv caz hmoz hiav tsơưs yax 20-30%; tiv tsôngv txir hov 1 txâuk chai xav muôs trâu saz châu Âu tâu 20-30%, muôs tâu gri 30.000-40.000 đaiv nhiax/chiaz; hov txâuk chai xav muk muôs trâu ciaz khư txênhz txix 30- 40%, muôx gri 18.000-21.000 đaiv nhiax/chiaz, siaz đuô 15-20% njuôk li chos trơưk kuz tsưr ziv; nju li 18-20 tấn txir/ha.

Txix shông 2021 txos nhiv no, hur si tỉnh fuô lês 11 kror qơư sir zôngv IPM trâu ntông chos nox txir thiaz jâuz krưr ntơưv hur si têx huyện, thành phố. Cêr sir zôngv tsưr ziv IPM trâu cêr uô kôngz, txir nox txo tsơưs têx yuôx por hưv kôngz lông sir zôngv trâu kôngz, txir chos. Trơưk cxênhz tâu, têx yuôx por hưv kôngz lông tâu tuz kôngz sir zôngv bâuv li 757 tấn shông 2017, txo tsơưs li 300 tấn shông 2023. Kror siz thôngx lox yax ntơưv têx qơư no puôr lênhx hlôngr cêr xav uô kôngz, txir ntơưv tuz kôngz, tok txos hâux lưv huôv tsar kôngz lông sâu nju, txix li ntơư txo tsơưs têx yuôx por hưv kôngz lông, cxiv tsa faz kôngz lông siz luôs huv cxuô zav xênhz txơưv har jôngr har tsuôs truôx njês. Sở Kôngz lông thiaz huôv tsar jêx jok tsik so đros cxiv tsa têx qơư, kria tuz kôngz pâuz thiaz sir zôngv IPM sâuv têx par liax, đhâu ntơư, lês muk đêz đar hâux lưv sir zôngv IPM trâu cxuô kror qơư.

Txix li zênhv hnuz zênhv taix khov muôx têx kôngz, txir jông pâur muôs, hâux lưv sir jos lês zôngv IPM tâu saiz zos chưx cxơưz paz huôv tsar uô kôngz lông muôx liv, truôx njês, uô tâu ntâu kôngz txir kaz, hur, nhaz xênhz.