Hnuz 8/9, têx đồng chí Quàng Văn Hương, Phó Chủ tịch Hội đồng Dân tộc ntơưv Quốc hội; Hoàng Thị Đôi, Ủy viên Hội đồng Dân tộc ntơưv Quốc hội, Lưv thơưx Paz chuyên trách Paz đại biểu Quốc hội tỉnh đros Paz đại biểu Quốc hội tỉnh Sơn La tưz muôz nhiax paz kho đơưk têx zav mas ntux nas hiav thax tsav tỉnh Sơn La.

Uô cov tâu trơưk chai lok sâuv vax tsê thiaz têx paz cưk kria, yôngv siaz cêr choz kria ntơưr lol sâuv cxuô zav, saz Choz kria ntơưr Sơn La tưz fuô lês jông ntâu faz tsưr ziv kriz đar qơư cơưv, uô jông kria cov muôx yar cơưv tâu chai li têz qơư xav, cxiv kho qơư choz kria ntơưr nhaz xênhz.

Hur si tỉnh muôx 1.094 hợp tác xã, yax 39.500 thành viên. Hâur ntơư, 883 hợp tác xã kôngz lông, muôx phênhv shuôv kria tsưr ziv uô nox yiaz, cxiv tsa têx tsưr ziv siz chos uô lax luôv, xav tơưv hax huv jông, paz tâu tiz nênhs siaz nhiav thiaz thành viên sâu tâu nhiax.

Xav txix hâu shông txos nhiv no, pêx xênhv xã Sốp Cộp chos yiaz 38 ha txir thênhx caz, lưk pax, cxaz trâu hur si têz chos ntông nox txir txos 450 ha, hâur ntơư, yax 270 ha tưz tâu sâu txir, xav sâu tâu 760 tấn txir, phênhv ntâu zos thênhx caz, lưk pax, thênhx caz zâu tơưr nhiak... paz trâu pêx xênhv sâu nju nhiax.

Xã Chiềng Mai muôx yax 3.600 ha cà phê, phênhv ntâu chos trâu têx jol Củ, Phiêng Quài Tong Chinh, Sàng Nà Tre, Thộ Pát, phênhv ntâu zos zav nôngz Arabica, sâu nju siz bâus tâu 23 tấn/ha njuôk xav chiv shông no sâu tâu zuôr luôs 78.000 tấn txir nhôngk.

Hnuz xiaz 7/9, ntơưv thax qơư nuôv zax Mộc Châu Island, Ban tso yar jias tưr Gâux Njuôz nuôv zax hair nênhs tsơưs Việt Nam. Jias no, muôx nov chox car Sở Txux chi, Thể thao thiaz nuôv zax tỉnh Sơn La, hlôngr njêx muôs têx đơn vị paz nhiax, têx cơ quan thông tấn báo chí hâur têz qơưk.

Hnuz xiaz 7/9, Hội Chữ thập đỏ tỉnh Sơn La tưz đros Hội Chữ thập đỏ Thành phố Hà Nội thiaz ziv nênhs Chữ thập đỏ Niav nzơưv Ngọc Mai - Thường Tín siz chos krưr huv têx ziv nênhs thiaz shuv xênhz muôx luz nênhx txov nhêv ntơưv xã Song Khủa.

Hnuz xiaz 6/9, đồng chí Hoàng Quốc Khánh, Bí thư Tỉnh ủy thiaz côngz xưv tưz cxênhz yuôx côngz xưv bax cxiv puôz yar cơưv phổ thông nội trú liên cấp tiểu học - THCS ntơưv têx xã đriv têz: Xuân Nha, Chiềng Sơn thiaz Lóng Sập.

Hnuz xiaz 4/9, đồng chí Hoàng Quốc Khánh, Bí thư Tỉnh ủy tưz mul cxênhz côngz xưv bax muôz nhiax cxiv tsa uô yar cơưv phổ thông nội trú liên cấp tiểu học - THCS ntơưv têx xã đriv têz: Yên Sơn, Lóng Phiêng thiaz Phiêng Pằn.

Hnuz xiaz 4/9, Paz côngz xưv ntơưv Tsêr kho moz Hữu nghị Việt Đức zos PGS.TS Hoàng Long, Phó Giám đốc Trung tâm Choz kria thiaz Chox car têx tsêr kho moz uô thơưx chox tưz njuôk tsov, cxênhz yuôx hâux lưv njuôk, kho moz, côngz xưv chox car têx tsêr kho moz, kria pâuz thiaz paz tsưr ziv uô hâux lưv trâu Tsêr kho moz Ntâu khoa tỉnh.

Hnuz 2/9, ntơưv jol Bon, xã Mường Chiên tưz kriz têx txux động “Tưr hnar tsôngk hair nênhs tsơưs thiaz ndis saiz têx txux chi”.

Hâur têx hâux lưv hnuz nthuôr txux chi xã Mường La shông 2025, tưz tso yar siz tưr ntâuk bôngr, têx cêr lov jêv chax chês cênhz cưv, lok six chôngz pêx xênhv thiaz kruô nuôv zax tuôx côngv lov jêv ntưk.

Saiz hloz hnuz Tsa tâu têz qơưk, txix hnuz xiaz 1-2/9, UBPX xã Phù Yên tưz tso yar lês têx hâux lưv “Têx kar hno kaz”, têx cêr lov jêv txux chi thiaz qơư check in ntơưv vax pax 2/9, tiểu khu 1 tok pêx xênhv thiaz têx kruô tuôx uô si hâur hnuz so.

Hnuz xiaz 1/9, chôngz pêx xênhv thiaz kruô nuôv zax tưz tuôx chôngz ntơưv lax trôngz Mộc Châu côngv têx cêr lov jêv hnuz tsa tâu Têz qơưk; têx hâux lưv ntơưv Tuần Txux chi, Nuôv zax shông 2025 “Mộc Châu – Suôz cưr cxiax tênhv chaix siz hluz”.

Hnuz xiaz 1/9, xã Co Mạ tưz kriz Ciaz tênhv hnuz tox siaz Co Mạ shông 2025. Jias no muôx thơưx car Ban Tuyên giáo thiaz Dân vận Tỉnh ủy; thơưx car iz cxia xã nhoz jê đros hur si pêx xênhv thiaz kruô nuôv zax.

Hnuz xiaz 1/9, xã Mường La tưz krizJias tưr đhia "Mường La truôx siaz hla trâu ntu nênhx yiaz", Saiz hloz 80 shông hnuz Cách mạng hli ziv yênhx côngz thiaz Tsa tâu têz qơưk xiaz 2/9.

Hnuz 31/8, đồng chí Đặng Ngọc Hậu, Phó Chủ tịch UBPX tỉnh tưz chox car jias đros têx sở, ngành thiaz UBPX cxuô xã, phường siz chos cơưv tso yưv đhâu ti vi lok sâuv fuô lês cêr chai krưr nhiax trâu pêx xênhv ndax saiz hloz 80 shông hnuz Cách mạng Hli Ziv yênhx côngz thiaz Tsa tâu têz qơưk xiaz 2/9.