Lưv ciz uô hur zos uô ntêx lông, yax hlo mak sir yuôx por hưv ntông thiaz qir nhoz trâu têx bê ntơưr tso chai ntơưv têx têz qơư yuôr txir mo môngk. Zơưs Hà Văn Sơn, Giám đốc HTX Kôngz txir hur Chiềng Hặc, xã Chiềng Hặc, thav pâuz: HTX muôx 25 ha mo môngk, hâur ntơư, 14,5 ha mo môngk tâu muôz ntơưr chênhr nhav uô trơưk VietGAP thiaz tâu côngk nhav zos thax qơư chos mo môngk zôngv chuôz zênhx jông. Iz chas têx qơư chos txir mo môngk ntơưv têx thành viên, HTX tsênhv khov 64 ziv chos txir mo môngk zuk thax tsav, đros trâu thax qơư chos jê 160 ha mo môngk. Ntu no, HTX taz tov trâu siaz fuô, kria têx ziv nênhs thành viên cux li têx ziv siz khov uô đros HTX ndo njôngr tu saiz, txiar pax, txo por tsês têx chês tsik jông, ntêr yax thiaz muôx caz hmoz hiav, chok nxiak muôx đêx trâu têx ntông. Lar haik, mak pêz tuôr xav mênhx têx qơư chos txir mo môngk muôs trâu luôs oz chas têz, sir zôngv yuôx por hưv đros tsuôs shôngz ntông trơưk ntơưr sâu tso chai ntơưv têx têz qơư zuôr txir thiaz lês ntov hnuz nhôngs đrus đhâu hnuz. NTơưv no zos kror uô ntêx hlo, chok nxiak kaz, hur ntơưv têx txir, fiv huv muôs trâu luôs oz chas têz.

Kaz shông 2024, yax 300 ha mo môngk ntơưv têx jok Nà Ngà, Huổi Sét, Huổi Mong thiaz Văng Lùng ntơưv xã Chiềng Hặc tâu côngk nhav zos qơư chos mo môngk sir chuôz zênhx jông. Shông 2024, huyện Yên Châu tưz muôs trâu luôs têz qơư li 4.000 tấn txir mo môngk, tâu tus gri li 1,3 triệu nhiax đô la, bâuv li 33 tiv ntâu đaiv nhiax. Hla trâu chiv mo môngk shông 2025, chia cov uô tâu jông đuô shông shông 2024, Phòng taz tov saz lax, taix khov UBPX huyện paz hnar krưr txir thiaz muôx ntơưr lo pâuz qơư chos tơưv txir mo môngk cxuô ziv nênhs uô tơưv, HTX, chia têx txir kaz, fiv huv têx cêr xav muôs trâu luôs têz qơư.

Hok ntơưv xã Hát Lót, thax qơư chos mo môngk ntâu ntơưv huyện Mai Sơn, muôx 934 ha, txênhz 25,4% xav hur si têx mo môngk ntơưv huyện. Kaz shông 2024, xã Hát Lót tâu côngk nhav zos iz hâur pêz thax tsav ntơưv huyện tâu côngz “Thax qơư uô tơưv txir mo môngk zôngv jông chuôz zênhx”. Hợp tác xã Ngọc Lan, muôx 400 ziv chos txir mo môngk ntơưv xã Hát Lót, taz tov trâu siaz chos txir mo môngk zôngv jông chuôz zênhx. Trung tâm Uô kôngz txir huyện tưz kriz kria têx paz nênhs cơưv nzir cov toz, kria tsưr ziv chos txir mo môngk trâu têx ziv pêx xênhv zôngv chuôz zênhx jông.

Txos nhiv no, hur si tỉnh muôx zuôr luôs 20.000 ha mo môngk, têx txir đê tâu 77.700 tấn. Têx nôngz mo môngk GL4, GL6, mo môngk Thái Lan thiaz mo môngk iz txưv chos (mo môngk khênhx, mo môngk lox) tâu huôv tsar chos. Tsưr ziv tu saiz thiaz đê txir cxix cxuô, chok nxiak hur thiaz kaz muôx cuôz. Yax 1.400 ha mo môngk tưz tâu muôz ntơưr chiv qơư chos, kriz đar cêr muôs txir mo môngk trâu têz qơư Trung Quốc thiaz zuôr tâu cêr pâur muôs trâu iz cxia têz qơư txơưr, li: Mỹ, Úc, Nhật Bản...

Cêr sir zôngv chuôz zênhx jông, chok nxiak kaz thiaz fiv huv txox chai ntiax têz xav, uô tơưv kror muôx yax trâu têx txir mo môngk Sơn La, kriz ntâu cêr muôs trâu txir trâu luôs têz qơư txix li đêx ar txơưv pênhv, muôx nux gri nhiax txiax siaz trâu thax tsav thiaz paz haik tsênhz côngz bê lax luôv kôngz txir Việt Nam trâu cêr pâur muôs ntiax têz.