Shông 2016, Sông Mã zos huyện xuz thơưx fuô lês cxiv tsa zav paz trâu kôngz txir, tsiax đêx hur, đros 4 zav ntông nox txir; txos nhiv no, tưz huôv tsar ndê 47 zav kôngz txir hur, muôx 45 zav ntông nox txir, 1 zav tu zus kaiz, 1 zav jiz mur.

Nhiv no, têx zav kôngz txir, tsiax đêx hur tưz huôv nzir txiax njis, tsik zos gruô hu nhiax txiax ntơưv tsêr luôv, hợp tác xã thiaz tuz kôngz, cxơưz cxiv huôv tsar kôngz lông, jêx jok truôx njês xưz, mak tsênhv tsa yênhx têx thax tsav uô tơưv uô cê, chok nxiak jông kaz, hur.Txix ntơư, nênhs sir zôngv tâu chuôs têx kar nox hur cxuô zav, tâu cxênhz yuôx, tâus tâu qơư uô tơưv, yênhx cêr sưv uô hax huv trơưk zav muôx gri truôx njês.

Zơưs Phạm Quang Thành, Thơưx phòng Kôngz lông thiaz Huôv tsar jêx jok  huyện Sông Mã, thav pâuz: Txix li jê 11.000 ha ntông nox txir, shông 2024, têx txir đê tâu yax 47.580 tấn; hâur ntơư, sir hâur zuk têz qơưk 37.000 tấn, muôs trâu luôs têz qơưk 680 tấn thiaz uô tsês yax 9.900 tấn; xav hur si nux gri tâu 1.114 tỷ đaiv nhiax. Lar haik, thax tsav huyện muôx 981 ha lưv tsiz, đê tâu txir yax 14.400 tấn/shông, huyện tưz huôv tsar truôx zav siz khov uô tơưv txir lưv tsiz, nhiv no, muôx 48 tus lêx ntơưr hov qơư  chos, 50 HTX thiaz 1 công ty tu trơưk tsưr ziv VietGAP, cxiv tsa 50 zav siz khov uô tơưv, jov kra thiaz zuôr sir têx txir lưv tsiz.

Hợp tác xã uô kôngz lông Ngoan Hậu, jok Tân Lập, xã Chiềng Khương, huyện Sông Mã tsa tơưv shông 2022, muôx 8 thành viên, uô 20 ha lưv tsiz siar nzor thiaz lưv tsiz miền;hâur ntơư, 15 ha tâu muôz chênhr nhav VietGAP. Shông 2024, HTX zos 1 hâur 3 zav uô kôngz txir hur tâu Sở Kôngz lông thiaz Huôv tsar jêx jok côngk nhav yiaz thiaz tâu huyện paz cxiv tsa thax tsav uô trơưk VietGAP, hnaz ntiv uô poz. Zơưs Bùi Sơn Hậu, Chủ tịch HĐQT, Giám đốc HTX, thav tiak: Hâur 2 shông (2023 thiaz 2024), têx txir lưv tsiz siar nhôngk tsiak ntơưv HTX tâu yar 100 tấn, muôs tâu nhiax luôv 1,5 tiv đaiv. Đuô li, HTX tsênhv zuôr, uô tsês 50 tấn hlưz lưv tsiz.Tov kaz tâu muôz chênhr nhav thax tsav chos tâu txir hur, HTX taz tov sir jos cxiv tsa hlưz txir lưv tsiz cov tâu huv OCOP 3 luz hnuz kuz kiz tỉnh.

Ntơưv huyện Mai Sơn muôx 11.500 ha ntông nox txir cxuô zav, têx txir đê tâu jê 100.000 tấn/shông, huyện sir jos cxiv tsa zav siz khov uô tơưv, uô tsês thiaz sir zôngv kôngz txir. Zơưs Nguyễn Khắc Hào, Thơưx phòng Kôngz lông thiaz huôv tsar jêx jok, thav pâuz: Têx tsêr luôv, HTX thax tsav huyện sir jos zôngv chuôz zênhx jông trâu cêr uô tơưv, đros trâu yax 1.140 ha ntông nox txir tưz tâu chênhr nhav VietGAP, 2.500 ha uô trơưk faz hữu cơ. Txix hâu shông txos nhiv no, huyện tsa nzir 2 zav yaiz zos kôngz txir hur,muôx txir tsơưz, buô tuô nox, yôngv hur si têx zav kôngz txir hur ntơưv huyện ndê 51 zav.

Tov zuôr luôs 10 shông uô nuv, HTX uô kôngz txir Ngọc Hoàng, xã Nà bó, huyện Mai Sơn tưz huôv tsar ndê 200 thành viên, siz khov chos yiaz jê 300 ha thanh long, hâur ntơư 70 ha tâu chai muôs trâu luôs têz qơư. Zơưs Nguyễn Quang Vinh, Giám đốc HTX, kria tiak: HTX tưz tâu muôz 2 bê lêx ntơưr kria qơư chos txir xaz lênhx tsar muôs trâu luôs têz qơư, 5 ha tâu chênhr nhav uô trơưk hữu cơ. Hâux lưv cxiv tsa zav uô tơưv siz khov, paz HTX yôngv siaz huv jông, kriz đar cêr pâur muôs sir huv. Txix hâu chiv txos nhiv no, HTX muôs 200 tấn txir xaz lênhx tsar muk trâu têz qơưkTrung Quốc, Hàn Quốc thiaz iz cxia têz qơưk EU.

Txix hâu shông txos nhiv no, hur si tỉnh muôx nzir 8 tsêr luôv thiaz HTX tâu muôz ntơưr xav nhav zav uô tơưv kôngz txir, tsiax đêx hur; muôx 288 zav taz tov lês hâux lưv, tsar 91 zav njuôk li shông 2021. Hâur ntơư, muôx 39 zav jâuz hur, 78 zav txir hur, 5 zav cà phê, 10 zav yuôx zêx, 5 zav graix buô, 3 zav graix kaiz, 7 zav jiz mur, 21 zav tsiax đêx, 2 zav graix kra kruôr, 13 zav uô kôngz txir, tsiax đêx hur, 2 zav uô luôv kôngz txir thiaz 1 zav zos ndêz yuôx zus đruôz hưx. Đros ntơư, hur si tỉnh muôx 181 ntơưr lêx chiv qơư chos ntông nox txir, têz chos đar 4.740 ha; 101 kror qơư chos trơưk tsưr ziv VietGAP, GlobalGAP; cxiv tsa 154 zav huv OCOP tâu txix 3 hnuz kuz tror sâuv.

Pos Hoàng Thị Thu Hiền, Thơưx phòng Zav jông, uô tsês thiaz huôv nzir cêr pâur muôs, Sở Kôngz lông thiaz Huôv tsar jêx jok, thav pâuz: Cêr huôv tsar têx zav siz khov, tsik zos tsa yênhx têx thax tsav uô tơưv uô cê, sir zôngv chuôz  zênhx jông, chok nxiak kaz thiaz hur xưz, tsênhv paz kôngz txir Sơn La muôs tâu muk đêz đar hâur zuk têz qơưkthiaz ntiax têz. Nhiv no, tas nro tỉnh muôx  216 mã số chiv qơư chos; hâur ntơư 205 ntơưr paz max muôs trâu têx têz qơưk Hoa Kỳ, EU... Iz chas ntơư, 29 zav huv kôngz txir thax tsav tỉnh tâu muôz ntơưr por hưv, muôx por hưv kria qơư chos trâu yuôx zêx Shan tuyết Mộc Châu, cà phê Sơn La, mo môngk khênhx Yên Châu... Đros trâu sir  zôngv lưv ciz uô tơưv trơưk VietGAP, GlobalGAP thiaz huôv tsar têx huv OCOP, zav siz khov tưz cxơưz cxiv kôngz lông Sơn La huôv tsar trơưk faz fiv huv, truôx njês.

Nhiv no, tỉnh Sơn La taz tov paz tsêr luôv, HTX cxiv tsa thax tsav uô tơưv uô cê, sir zôngv lưv ciz uô jông, tâu chênhr nhav VietGAP, GlobalGAP; cxiv tsa côngz bê lax luôv, kria đêx ar chos, cxơưz paz lax luôv, yâu mông têx huv thiaz tsik tsês cxênhz yuôx têx  huv cov hur. Đros ntơư, cxơưz paz têx tsêr luôv, HTX tsik tsês cxiv tsa trâu cêr sir zôngv chuôz zênhx jông, yôngv siaz pênhr xưv uo tơưv, uô tsês, tsưx hưv, yôngv siaz cov jông, têx huv muôx nux gri. Shông 2024, tas nro tỉnh muôx nzir 20 zav uô tơưv yiaz, yôngv nzir hur si ndê txos 308 zav uô  tơưv zos kôngz txir, tsiax đêx hur.