Cxơưz paz huôv tsar nhiax txiax paz pơưs, hợp tác xã (HTX), tỉnh tưz cxiv tsa, cxaz nzir thành viên Ban Chox car huôv tsar nhiax txiax paz pơưs; tsik so fuô kria, muôz lok zôngv ntâu zav pênhr nhiax paz cxiv tsa yiaz 37 HTX; kriz 5 jias fuô kria trâu 200 lưv têx nênhs nhoz HTX; kriz 11 lớp kria nzir tiz nênhs trâu HTX ntơưv phường, xã, đros trâu tso muk shuôk, cơưv shâuv tsưr ziv uô nox trâu HTX uô ntêx nyuôk trâu cxuô luz tỉnh.

Tsik so đros Bộ Công Thương thiaz UBPX têx tỉnh Lào Cai, Lạng Sơn kria pâuz xor mông uô ntâuz ntơưr muôs hax huv trâu oz chas têz, paz tsêr luôv thiaz HTX tsov xav tsưr ziv uô nox, cxiv kho tsưr ziv muôs hax huv trâu têz qơưk đrâuv. Tso, gruô hu HTX muk txuv têx jias cxơưz cêr lax luôv, kria cxuô kror qơư pâuz hax huv; tưz paz 59 HTX, ziv nênhs uô luôv sâu bê thiaz kria pâuz hax huv sâuv kror qơư uô luôv điện tứ Sơn La (www.sonla.sanviet.vn) thiaz Sanviet.vn; đros ntơư, siz chos kriz 3 jias cơưv cxơưz cêr lax luôv trâu têx tỉnh Quảng Ninh, Bạc Liêu thiaz Thành phố Hà Nội, xav hur si 163 triệu nhiax.

HTX Anh Xen, tâu cxiv tsa hli 11/2020, ntơưv jok Suối On, xã Kim Bon, muôx 7 thành viên. Đros trâu hlôngr yiaz tsưr ziv uô nox, HTX tưz đros tsêr luôv chos luk zuôr kôngz txir nox, cơưv shâuv tsưr ziv uô nox, tsik tsês cơưv shâuv tsưr ziv uô nox yiaz, muôz têx kôngz txir nox muôx gri lok chos thiaz huôv tsar kôngz lông sir zôngv chuôz zênhx jông, paz chos tâu têx kôngz txir nox hloz jông, sâu nju thiaz muôx gri. Tix lâus Xen Xênhv Vax, Giám đốc HTX, kria pâuz: Nhiv no HTX chos tâu zuôr luôs 3 ha mắc ca, shông no, tsov xav zuôr sâu tâu yax 6 tấn txir nhôngk, xav hur si sâu tâu 400 triệu nhiax. Tsik tas li, HTX tsênhv đros 20 ziv nênhs côngv chos 29 ha mắc ca, paz tsưr ziv chos trơưk tsưr ziv hur thiaz chos luk zuôr tas chor txir.

Đros ntơư, tsênhv pov muôx iz cxia tsưr ziv huôv tsar kôngz lông muôx kaz hâu li: Tsưr ziv chos ntông txir xaz lênhx tsar ntơưv HTX Kôngz lông Ngọc Hoàng, xã Tà Hộc; chos ntông thênhx caz ntơưv HTX txir nox jok Ôn, phường Thảo Nguyên; chos ntông mo môngk ntơưv HTX Chiềng Hặc, xã Chiềng Hặc; chos ntông txir thênhx caz quýt ntơưv HTX Nghĩa Hưng thiaz HTX thênhx caz hữu cơ Phù Yên, xã Mường Cơi; đros têx qơư chos jâuz hur ntơưv HTX kôngz lông Chiềng Phú, xã Yên Châu; HTX uô luôv kôngz lông Mường Tấc, xã Phù Yên thiaz HTX Kôngz txir nox Sơn La, phường Chiềng An...

Têx HTX kôngz lông tưz paz cxơưz nhiax txiax ziv nênhs thành viên trơưk faz muôs nôngz kôngz, chuôz zênhx uô liax têz, kria tsưr ziv uô nox yiaz, paz chos ntâu kôngz txir nox trơưk cxênhx cxênhv VietGAP, GlobalGAP thiaz sir jos tâu muôs trâu oz chas têz. Viv li, têx thành viên zênhv hnuz zênhv sâu tâu nhiax ntâu, xav fênhx đraz HTX sâu tâu 2 tỷ nhiax/shông, tiz nênhs uô nuv sâu tâu 72 triệu nhiax/shông.

Sir jos txos kaz shông 2025, hur si tỉnh muôx 938 HTX kôngz lông, txênhz 82,78% hur si têx HTX; xav fênhx đraz iz tus nênhs uô hâux lưv hâur HTX sâu tâu 78 triệu nhiax/shông. UBPX tỉnh zok trâu Sở Tài chính, Liên minh HTX tỉnh thiaz têx cơ quan cik txos cxênhz yuôx, paz nhiax uô ntêx trâu hâux lưv huôv tsar HTX; moz siaz tik bê lax luôv, kria qơư chos kôngz txir nox. Tsik so cxơưz cêr lax luôv, kria cxuô kror qơư pâuz hax huv; tso tơưv cêr chai gruô hu tsêr luôv, tập đoàn siz chos huôv tsar, tu jông thiaz uô luôv kôngz txir nox. Đros ntơư, tsik tsês cxênhz yuôx, đơưk cêr txov nhêv thiaz kriz đar tsưr ziv HTX yiaz uô nox muôx kaz hâu...

Đros trâu tsưr ziv uô siz luôs jok thiaz tsov xav mênhx pêv, hâux lưv fuô lês tsưr ziv huôv tsar HTX zuôr paz hlôngr yiaz hax huv, tik bê lax luôv kôngz txir nox thax tsav, kriz đar tsưr ziv uô nox, gruô hu cxưx nhiax uô thiaz cxơưz huôv tsar nhiax txiax paz pơưs. Đhâu no, por hưv pêx xênhv luz nênhx tâu jông thiaz zos qơư chuôz zov chênhr paz nhiax txiax- xã hội ntơưv tỉnh tsik tsês huôv tsar truôx njês.