Huôv tsar kôngz lông sir zôngv chuôz zênhx jông zos iz hâur têx hâux lưv tsênhv chênhz  tâu côngv chox car . Ban Chấp hành Đảng bộ huyện Mai Sơn tso tơưv Nghị quyết số 04-NQ/HU hnuz 25/2/2021 lok sâuv huôv tsar kôngz lông zôngv jông chuôz zênhx đros đraiv huôv tsar nuôv zax txos shông 2025, xav txos shông 2030. Yax 2 shông fuô lês, cêr to tâuz ntơưv têx tsêr luôv, HTX,  paz pơưs, tus khênhx tâu yôngv siaz,  xav uô, têz uô kôngz, tiz nênhs lês zênhv hnuz zênhv kriz đar.

Muk txos huyện Mai Sơn,  pov njôngr ntâu qơư uô kôngz lông chuôz zênhx jông nhoz trâu têx vax ntông txir nox njuôz xiaz tâu zôngv jông chuôz zênhx zưs đêx, uô kôngz trơưk faz hữu cơ, trơưk cêr xav  VietGAP...

Muk shuôk vax txir na  taz tov zuôr tâu đê ntơưv HTX Mé Lếch, xã Cò Nòi, tix lâus  Nguyễn Quốc Hội, Phó Giám đốc HTX Mé Lếch, thav pâuz: HTX tsa tơưv shông 2018, đros  20 thành viên. Txix li tsa tơưv, HTX  cxiv tsa cêr chai , cov têx thành viên tu saiz ntông nox txir zos lưv ciz tsưr ziv , chok nxiak nhaz xênhz hur  trơưk cêr xav VietGAP;  muôx ntơưr sox saiz  hnuz nhôngs chos, thâuv ntu hloz thiaz huôv tsar. HTX muôx 100 ha txir  na Thaiz thiaz na dai, njus  13-15 tấn/ha,  tâu đê thâuv luz 7 hli  tax txos luz 12  ntiax têz,  gri muôs txix 30-35 cxênhz đaiv nhiax / chiaz na dai; 50-55 cxênhz đaiv nhiax / chiaz na Thaiz.  Tsik xav têx nhiax sir tas , sâu tâu 400-600 triệu đaiv nhiax/ha.

Muk txos xã Nà Bó,  shuôk vax txir xaz lênhx tsar ntơưv  HTX kôngz lông Ngọc Hoàng, gas siaz têx ndêx bê tông pov hmaz xaz lênhx tsar vor tas đros têx txir lox, khênhx, liaz plôngs iz thax tsav . Pos Nguyễn Thị Dung, Phó Giám đốc HTX Kôngz lông Ngọc Hoàng, thav: Nhiv no , HTX chos jê 100 ha xaz lênhx tsar trơưk faz hữu cơ,  cêr xav VietGAP;  siz khov đros yax  100 ziv pêx xênhv nhoz têx  huyện Mộc Châu, Yên Châu, Thuận Châu chos nzir  100 ha xaz lênhx tsar liaz hlưz; têx txir đê tâu yênhx shông yax 2.500 tấn, muôs tâu  20.000-22.000 đaiv nhiax / chiaz, sâu tâu  400-500 triệu đaiv nhiax /ha/ shông.

Txix shông 2020 txos nhiv no, HTX kôngz lông Ngọc Hoàng muôs  600 tấn txir xaz lênhx tsar liaz hlưz muk trâu têx têz qơư Phaz Cik, Anh, Nga, Hàn Quốc. Đuô li, têx thành viên HTX lês tsưr ziv cxaz chiv, paz xaz lênhx tsar txi txir trâu luz pax Tsiaz  têz qơư, gri muôs 35.000-40.000 đaiv nhiax /chiaz, tâu gri siaz đuô njuôk li tsênhz chiv.

Sir zôngv chuôz zênhx jông trâu cêr uô kôngz lông, txix shông 2020 txos nhiv no, hur si huyện chos yiaz tâu 1.107 ha ntông nox txir, cxaz têx têz chos ntông nox txir ndê 11.000 ha, tâu  95,6%  njuôk li cêr xav ntơưv nghị quyết. Hâur ntơư, 3.500 ha ntông nox txir chos trơưk faz chuôz zênhx jông, tâu  64,8%  cêr xav, 1.200 ha ntông nox txir chos trơưk faz hữu cơ, bâuv 50%  cêr xav ntơưv nghị quyết; yax 985 ha đhok têx car tsuôs txuôs đêx, tsar 608,8 ha njuôk li shông 2020;  jê 998 ha  muôz ntơưr chưngr nhav  uô trơưk cêr xav VietGAP, tsar 706,9 ha njuôk li shông 2020.

Tas nro huyện  muôx  51 tsêr luôv, HTX  taz tov uô trơưk cêr xav VietGAP, tsar 41,2%  njuôk li shông 2020; yax 1.217 ha ntông nox txir tâu muôz ntơưr chiv lêx thax tsav ar chos; UBPX tỉnh côngk nhav  2  thax tsav cà phê sir zôngv jông chuôz zênhx chos thiaz muôx  5 kror qơư ntiv hnaz muôs trâu luôs oz chas têz qơư.

Đuô li, huyện  tsênhv huôv tsar têx zav siz khov uô tơưv, zuôr, muôs cà phê, caz tsiz, nôngz cưk, kol ntông,  poz cưk kaz jiz, tâuv pâur, jâuz... đros têx tsêr mayr jov. Txos nhiv no, têx têz siz khov uô tơưv nto  8.622,4 ha; lês trơưr, huôv tsar 47  zav kôngz, txir, tsiax đêx hur, đros têx qơư đar yax 2.397 ha.

Thav txos huôv tsar kôngz lông zôngv chuôz zênhx jông zuk thax tsav, pos  Cầm Thị Khay, Phó Chủ tịch UBPX huyện Mai Sơn, thav pâuz: UBPX huyện  tsik so chox car têx phòng, ban chuyên môn ntơưv huyện đros UBPX têx xã, thị trấn,  têx tsêr luôv, HTX, têx ziv pêx xênhv xav đuô cêr uô kôngz lông. Shơư cxuô zav pênhr nhiax cxơưz cxiv cxuô zav jông paz max uô kôngz đros đraiv sir jos gruô hu, paz  tsêr luôv cxiv tsa têx dự án uô kôngz txir, jov tsês kôngz txir zuk thax tsav;  yôngv siaz txiax njis nhiax txiax sơưr đơưk tus, huôv tsar hợp tác xã đros đraiv zav nux gri hax huv zov chênhr  thiaz cxiax cxênhv OCOP.  Tsik tsês fuô lês sir zôngv lax luôv điện tử hâur cêr zuôr muôs kôngz txir...

Sir jos cov txos shông 2025, tas nro huyện muôx 5.400 ha ntông nox txir uô trơưk cêr zôngv jông chuôz zênhx; 2.700 ha ntông nox txir uô trơưk faz hữu cơ. Nux gri sâu tâu yax 200 triệu đaiv nhiax /ha têz chos zôngv chuôz zênhx jông; 70%  têx tsêr luôv, HTX uô kôngz lông  lês trơưk lưv ciz uô trơưk cêr xav VietGAP, hữu cơ, GlobalGap; 50%  têx têz chos ntông nox txir  trơưk cêr xav VietGAP tâu muôz ntơưr chiv lêx thax tsav chos, muôx qơư jov, ntiv hnaz têx hax huv. Yênhx shông,  uô tơưv  txix  25%  hax huv muôs trâu luôs têz qơư ; 30%  paz max nênhs sir hâur zuk têz qơư ; 45%  paz max têx tsêr máy  jov hâur zuk thiaz luôs tỉnh...

Txix cêr kror paz ntơưv cấp ủy, nov hâu , kror sir jos tias ntơưv têx ziv tuz kôngz, HTX, tsêr luôv zuk thax tsav, huyện Mai Sơn taz tov tsa yênhx têx thax kôngz lông sir zôngv chuôz zênhx jông , kôngz lông hữu cơ  trâu têx hax huv zov chênhr,  paz max cxơưz cêr tsar nzir ntơưv saz kôngz lông trơưk faz truôx njês, cxiv tsa côngz bê lax luôv,  cxơưz kôngz lông ntơưv huyện Mai Sơn zênhv hnuz zênhv nqa muk đêz ./.