Nhiv no, huyện Sông Mã muôx têz chos nto 38.322 ha, hâur ntơư, jê 11.000 ha ntông nox txir cxuô zav, muôx: 7.760 ha lưv tsiz, 1.820 ha mo môngk... Uô tâu muôx yax hâur cêr huôv tsar kôngz txir trơưk faz hax huv, truôx njês, Đảng bộ huyện Sông Mã tso tơưv Nghị quyết số 04-NQ/HU lok sâuv chox car lês Đề án huôv tsar kôngz txir zôngv chuôz zênhx jông thax tsav ntu 2020 - 2025, xav txos shông 2030. Chox car UBPX huyện cxiv tsa têx cêr xav huôv tsar kôngz txir thiaz jêx jok truôx njês; huôv tsar cxuô zav ntông nox txir zov chênhr; saiz car, sox njôngr ntơưr chiv lêx thax tsav chos,  qơư ntiv uô poz muôs trâu luôs oz chas têz thax tsav huyện.

Txix shông 2020 txos nhiv no, huyện muôz yax 10 tiv nhiax, fuô lês têx qơư chos kôngz, zus tsiax, li:  Chos txir kiar Hạ Đen, lưv tsiz, mo môngk; chos đuô blêx blâuv tan Lương; zus kaiz ntês kê, kaiz đuz graix hâur vax, huôv tsar zus nhux sha mê nhuôv siz khov cov muôx nux gri, đros zuôr muôs hax huv... Paz têx tsêr luôv,  HTX lok sâuv tuôr xav muôz ntơưr chênhr nhav VietGAP; niak ntơưr lo, zuôr hnaz ntiv uô poz têx huv; cxiv tsa têx zav nhax pâuz thiaz tâus qơư uô tơưv huv; fuô kria, yâu mông, zuôr têx huv kôngz txir sâuv têx qơư fuô luk trâu sơưr đơưk pâuz; lês cxiax cxênhv iz luz xã iz zav huv (OCOP)...

Nhiv no, Sông Mã muôx 1.004 ha ntông nox txir zôngv chuôz zênhx jông tu, chos; 910 ha lưv tsiz tsik trơưk chaix, txuôk chaix; 52 HTX zôngv chuôz zênhx jông uô tơưv... Têx nôngz ntông nox txir sâu nju, kaz muôx trơưr, li: Lưv tsiz siar nzor, siar lis, mo môngk Đài Loan, mo môngkÚc, lưk jôngr tơưr njuôz, lưl jôngr diễn; xav hur si têx txir ntông nox đê tâu 47.576 tấn/shông. Shông 2024, zuôr sir kôngz txir ntơưv huyện hâur zuk têz qơư tâu 36.945 tấn, txênhz 77,7%; muôs trâu luôs têz qơư 680 tấn, txênhz1,4%. Xav hur si nux gri tâu yax 1.114 tiv đaiv.

Iz chas ntơư, tuz kông hâur hur si huyện trâu siaz hlôngr cêr xav, zôngv tsưr ziv jov, zuôr muôs têx txir, yôngv siaz nux gri hax huv. Txos nhiv no, hur si huyện muôx jê 3.000 luz qơư yuôz kruôr txir lưv tsiz, đas jos uô tâu 1.500-2.000 tấn txir hnôngk/hnuz. Yênhx shông, têx qơư jov uô tâu 9.900 tấn txir lưv tsiz. Đuô li, hur si huyện muôx 15 zav huv OCOP tâu txix 3 hnuz kuz tror sâuv, nto mông,li: Jiz mur, graix caz puôz nhux, mo môngk yuôz kruôr jôngx, cxur blâuv tan lương, hlưz txir lưv tsiz yuôz kruôr, txir kiar đuz (hạ đen)...

Hâur saz zus tsiax, huyện fuô kria têx cêr chai nhiax paz thiaz cêr chia pêx xênhv chuôs tâu pênhr xuz txaik; siz khov đros têx tsêr luôv xav truôx cêr muôs muk têx hax huv; tso tơưv đề án huôv tsar tu zus tsiax lox ntơưv têx xã thax tsav 3, jok lok sik txov nhêv. Txis nhiv no, xav hur si paz tsiax lox tas nro huyện tâu 191.650 tus, yax 1,2 triệu tus tsiax zâu. Têx qơư zus njêk đar 455 ha, têx njêk zus thiaz ntâuk cxov hâur đêx tâu yax 1.000 tấn. Muôx 78% chor ziv nênhs tu zus tsiax lox cxiv puôz guôx truôx, khor tu zus; 139 ziv tu zus tsiax lox, tsiax zâu trơưk zav vax lôngs, siz bâus muôs tâu txix 150 triệu txos 700 triệu nhiax/shông...

Shông 2025, huyện Sông Mã tsik tsês kriz đar qơư uô tơưv hax huv, sir jos siz khov zuôr muôs thiaz zôngv chuôz zênhx jông fiv chia muôz kôngz txir huôv tsar truôx njês, yôngv siaz nux gri hax huv, fiv huv cêr khov vav pâur muôs hâur zuk thiaz luôs têz qơư. Txix li cêr xav ntơưv cấp ủy, nov hâu thiaz cêr hlôngr yiaz ntơưv pêx xênhv tuz kôngz, huyện Sông Mã iz truôv jux juk haik tsênhz qơư sơưr zos thax tsav kôngz txir zov chênhr ntơưv tỉnh Sơn La./.