Txos nhiv no, hur si tỉnh muôx 2.964 ha qơư tu zus tsiax đêx; 7.000 luz guôx tsiax đêx. Têx tsiax đêx hâur thax tsav tỉnh hli 7 tâu zuôr luôs 611 tấn, muôx 602 tấn njêk, tsar 1,94% njuôk li chaix no tsaiz no; 8,7 tấn tsiax đêx txơưr, tsar 1,78% njuôk li chaix no tsaiz no.

Nhiv no hâur thax tsav tỉnh tsênhv yuôr 7 dự án FDI taz tov uô nox đros trâu sâu bê nhiax pênhr 153,6 triệu nhiax đô la.

Txix thâuv hâu shông txos nhiv no, thôngz tỉnh tưz tsa tâu 29 luz hợp tác xã yiaz (HTX), yôngv tas nro nto 1.179 luz hợp tác xã, muôx 11.800 lênhx siz chos côngv uô nox. Hâur ntơư, muôx 998 luz hợp tác xã taz tov uô nox; phênhv ntâu zos uô kôngz lông, txênhz zuôr luôs 80%.

Ndê nux gri, yôngv cêr siz tưr, tỉnh tưz saiz hloz cxiv tsa, saiz car, huôv tsar côngz bê lax luôv, paz kôngz, txir nox Sơn La pâur muôs tâu truôx njês hâur cêr luôv ntiax têz.

Hnuz19/8, UBPX tỉnh Sơn La tưz zok kror qơư tok thiaz liv đêx kiak nênhs đrôngs Sơn La. Ntơư, zos luôs hâux lưv saiz hloz 80 shông Hnuz tsa tâu têz qơưk Cộng hoà xã hội chủ nghĩa Việt Nam (2/9/1945 - 2/9/2025).

Hnuz 19/8, ntơưv xã Phiêng Khoài, UBPX tỉnh Sơn La tưz kriz jias piz cxiv puôz Yar cơưv phổ thông nội trú liên cấp Tiểu học - Trung học cơ sở xã Phiêng Khoài. 

Đros trâu nduô lox đar 164 caik xưv phaz, tox trôngz hâur pêk tiax tuk, đêx ar tros, muôx ntâu tus đêx, pêx xênhv xã Mai Sơn kriz cêr uô nox, hâuk, txix li zuk đêx ar txơưv zênhx huôv tsar kôngz txir, yar hlo mak ntông nox txir, trơưk faz chos trâu thax tsav tsik tu, sir zôngv chuôz zênhx jông chia cov kaz thiaz muôx gri trâu têx kôngz txir.

Hnuz 18/8, đồng chí Nguyễn Đình Việt, Phó Bí thư Tỉnh ủy, Chủ tịch UBPX tỉnh, tưz cxênhz yuôx côngz xưv bax Jâus Cxiv puôz Yar cơưv Phổ thông Nội trú liên cấp Tiểu học – THCS Phiêng Khoài, xã Phiêng Khoài. Đros muk muôx đồng chí Xuân Xênhv Tsaz, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh.

Hnuz 18/8, đồng chí Nguyễn Đình Việt, Phó Bí thư Tỉnh ủy, Chủ tịch UBPX tỉnh, Thơưx Paz đại biểu Quốc hội tỉnh, tưz mul cxênhz côngz xưv bax kriz uô tiar Dự án đêx ntưk thiaz qơư liv đêx kiak nênhs thành phố Sơn La. Ntơư zos qơư uô chia saiz hloz 80 shông tsa tâu Têz qơưk Cộng hòa xã hội chủ nghĩa Việt Nam (2/9/1945 - 2/9/2025). Đros mul muôx đồng chí Nguyễn Thành Công, Phó Chủ tịch UBPX tỉnh; thơưx car têx sở, ban, ngành. 

Côngz xưv yaik qơư nhoz yiaz tsênhv njiz ntâu cêr txov nhêv, tuôr thênhv txos dự án txox cêr lox muk lok hâur thax tsav Mộc Châu tiv njiz cêr khuôv đais hâur tsov xav hâur pâuk ar, gri nhiax thêv, kror jông siaz côngv đros uô ntơưv pêx xênhv thiaz hâux lưv bax pênhr ar yaik qơư nhoz yiaz... Chia đơưk tâu cêr txov nhêv no, têx đơn vị cik txos thiaz UBPX têx phường Mộc Châu, Mộc Sơn, Vân Sơn taz tov sir jos đơưk cov tâu têx "cêr chor nhov" hâur côngz xưv yaik qơư nhoz yiaz, zênhx max uô tiar dự án.

Hnuz 17/8, ntơưv xã Thuận Châu, tưz kriz đhia Trail Thuận Châu 2025 đros cêr xav “Nênhr tơư Khau Tú”. Ntơưv no zos nuv uô tsênhz mênhx saiz hloz 80 shông Hnuz Cách mạng Hli Ziv yênhx côngz (19/8/1945 - 19/8/2025) thiaz Tsa tâu têz qơư Cộng hòa xã hội chủ nghĩa Việt Nam (2/9/1945 - 2/9/2025).

Hnuz 16/8, ntơưv xã Chiềng Mung, Tập đoàn Mavin tưz kriz Jâus piz uô tsêr máy uô tơưv jâuz krâur zus tsiax thiaz jov kôngz lông Mavin Mai Sơn.  

Đros cxuô kror qơư hâur hur si têz qơưk, hnuz 16/8, ntơưv Yar tiax lox Tây Bắc, Công an tỉnh Sơn La thiaz Văn phòng hlôngr njêx muôs Báo Pêx xênhv ntơưv Sơn La tưz siz chos kriz hâux lưv "Đros Việt Nam hla trâu ntu nênhx yiaz" trơưk njiaz luk “Iz tỷ truôv cêr hla trâu ntu nênhx yiaz”, saiz hloz 80 shông hnuz Cách mạng Hli Ziv (19/8/1945-19/8/2025), hnuz Tsa tâu Têz qơưk Cộng hòa xã hội chủ nghĩa Việt  Nam (2/9/1945-2/9/2025) thiaz Hnuz cênhz cưv Công an pêx xênhv 19/8/1945-19/8/2025). Hâux lưv tâu kriz cấp tỉnh thiaz iz cxix ntơưv têx xã, phường hâur thax tsav tỉnh, gruô hu chôngz cán bộ, đảng viên, pêx xênhv, têx cán bộ, chiến sĩ công an siz chos lês. 

Hnuz 16/8, ntơưv Yar tiax lax Tây Bắc, Công an tỉnh tưz tso yar tưr đhia saiz hloz 80 shông hnuz cênhz cưv Công an pêx xênhv Việt Nam (19/8/1945 - 19/8/2025) thiaz 20 shông hnuz Tas nro tsôngv pêx xênhv por hưv cêr nhaz xênhz Têz qơưk (19/8/2005 - 19/8/2025).

Hnuz 16/8, ntơưv phường Mộc Châu, Trung tâm fuô kria hax huv kôngz, txir nox, Bộ Kôngz lông thiaz Môi trường tưz đros Hội Tuz kôngz tỉnh Sơn La, UBPX phường Mộc Châu, kriz luôs hâux lưv “Kria tsưr ziv uô kôngz lông, tu zus tsiax cxu” shông 2025.

Hnuz 16/8, ntơưv Yar tiax lox Tây Bắc, Tỉnh đoàn Sơn La tưz tso yar nthuôr txux chi hnuz nthuôr cêr lov jêv “Chia siaz ntu nênhx yiaz” muôx yax 3.000 lênhx hluôk zos shâuv xênhz ntơưv têx Yar cơưv: Đại học Tây Bắc, Cao đẳng Sơn La, Cao đẳng Y tế Sơn La, THPT Chuyên Sơn La thiaz THPT Tô Hiệu.

Hnuz 16/8, Hội Cxơưz paz cêr cơưv tỉnh Sơn La tưz đros Trung ương Hội Cxơưz paz cêr cơưv Việt Nam krưr huv trâu têx shuv xênhz xã Mường Lạn, Púng Bánh mas ntux nas hiav.