Thôngz tỉnh nhiv no, muôx 641 kror qơư trâu kruô so; hâur ntơư, muôx 29 tsêr kruô, resort tưz tâu xair, ntơư mak muôx: 1 tsêr kruô 5 hnuz kuz, 1 tsêr kruô 4 hnuz kuz, 4 tsêr kruô 3 hnuz kuz, 1 resort 3 hnuz kuz, 9 tsêr kruô 2 hnuz kuz thiaz 13 tsêr kruô 1 hnuz kuz, fiv huv cxuô zav kruô nuôv zax. Têx tsêr kruô, resort tưz tâu txix 3 hnuz kuz tror sâuv puôr lênhx jông, muôx txâuk qơư so thiaz qơư nthuôr txux chi ntơưv cxuô qơư thiaz tỉnh.

Thảo Nguyên Hotel & Resort zos resort txâuk chai 3 hnuz kuz jông yax ntơưv tỉnh, đar yax 6 ha, thax qơư so no, tâu cxưx nhiax uô jông siz luôs, yênhx ntâu thax qơư zâu, li: thax qơư villa biệt thự; thax qơư đar hâur đruôz đraz; thax qơư Osaka; trôngz cux zêv, muôx 250 qar tsêr pư, muôx yêz điện tok thâux kruô muk lok zôngx ziv; thax qơư tso yar nthuôr txux chi uô lov jêv, qơư thể thao hâur tsêr thiaz yar puôv; thaz nzưr muôs hax huv cxuô zav Tây Bắc; tsêr nox hâuk jông, pak luôv đêx, đros trâu ntâu zav txơưr. Shông 2023, Thảo Nguyên Hotel & Resort tâu kruôk thiaz tik bê zos thax qơư so ntux trâus têz xênhz jông yax châu Á ntơưv Trôngx luk saz lax nhiax txiax ntiax têz Asia; shông 2024, tâu chứng nhav “VITA Green” jông trơưk Bộ tiêu chí Nuôv zax njuôz ntơưv Hiệp hội Nuôv zax Việt Nam.

Zơưs Lê Văn Ánh, Giám đốc Thảo Nguyên Hotel & Resort, haik: Pêz cxivv tsa Thảo Nguyên Hotel & Resort yênhx iz thax qơư so jông hâur Têz qơưk thax qơư nuôv zax Mộc Châu; uô tưz jông kho vax tsê, têx qơư nuôv zax, uô si, qơư muôs huv jông txơưr hlo, cov kruô tuôx pov yiaz, tsik thôngx lưv kror, jông huv siaz, fiv huv têx zav muôx txơưv lok sâuv đêx ar, huôz chuô, uô trâu kruô tso siaz lus thâuv tuôx so ntơưv no.

Muôx yax 300 luz tsêr kruô, homestay, Têz qơưk thax qơư nuôv zax Mộc Châu txênhz 50% têx tsêr so thôngz tỉnh. Cxuô zav qơư so puôr lênhx cxix cxuô, muôx qơư nox hâuk txix 60% tror sâuv; hâur têx hnuz so kruô so txưv 100%.

Têz qơưk thax qơư nuôv zax Mộc Châu Island zos iz thax qơư nuôv zax, uô si jông yax Tây Bắc, muôx ntâuốtatt ntâuz zav chia uô si, tsêr so jông ntâu zav; thax qơư nox hâuk muôx têx kar hno kaz thiaz qơư jông trâu cxuô qơư thiaz tỉnh nthuôr txux chi, lov jêv. Tix lâus Hoàng Mạnh Duy, Phó Giám đốc Têz qơưk thax qơư nuôv zax Mộc Châu Island, haik: Pêz uô tưz jông njuôk tsov chia uô têx tsêr kruô cov jông txơưr lưv kror qơư, li tsêr kruô siz txuôk jông li tàu siêu tốc; luz jok so Lune Village, lok sik thax qơư so glamping  txâuk trâu yax 300 lênhx pư, zos iz zav txơưr hâur kaz ntux, kruô tuôx pov tưz nhiav so.

Iz chas têx tsêr kruô, qơư so tâu uô jông, Sơn La tsênhv muôx ntâu zav tsêr kruô, trơưk cênhz cưv ntux trâus têz xênhz, txux chi muôx txơưv, li bungalow qơư so thiaz nuôv zax tox siaz Tà Xùa, têx tsêr so nhoz tâus ntus pak điện đêx Sơn La ntơưv xã Quỳnh Nhai. 

Tix lâus Nguyễn Mạnh Tuân, Giám đốc thax qơư nuôv zax Pauon Ecolakes, xã Quỳnh Nhai haik: Pêz tsi njênhk huôv tsar têx qơư so nuôv zax, kar hno, ndis uô si sâuv vịnh Bình Yên, uô lax luôv thâux kruô ndis nuôv zax sâuv pak đêx... chia têx kruô tâu ndis ntus muôs, lav hlưz cov cax siaz.

Trơưk têx tsêr kruô, qơư so jông cxuô tsar cxuô zav, tưz zênhv hnuz zênhv uô jông, cxơưz trâu nuôv zax huôv tsar. Tsuôk xav hâur 6 luz hli hâu shông xưz, têx qơư so, qơư lax luôv nox hâuk tưz sâu tâu yax 2.208 tỷ nhiax, txênhz zuôr luôs 50% tas nro cxuô cêr lax luôv.

Chia cov hax zav lês tâu jông, tỉnh tror gruô hu cov muôx nhiax uô tsêr kruô; puôz tiz huôv tsar ntâu zav cêr lax luôv, fiv huv têx kruô hâur têz qơưk thiaz oz chas têz qơưk. Têx tsêr luôv, đơn vị lax luôv sir jos njok nthuôr phaz nzưr, uô jông cxiv tsa côngz bê Sơn La cov jông, yênhx trôngx têz qơưk tâu kruô nhiav saz Tây Bắc.