Tror muk txos Tsêr maik xơưk tsôngv hnar Phù Yên nhoz jok Chát, xã Gia Phù, huyện Phù Yên hâur luz tsêr đar 5.000 thiar xưv phaz, lax nzias, têx nênhs uô hâux lưv taz tov trâu siaz uô cov tiar têx hax huv kaz shông, chia cov muôx nzir nhiax nox tsiaz. Tsêr luôv tưz tâu cxơưz paz thiaz zôngx ziv txix li têx sở, ngành ntơưv tỉnh, huyện. Yax hlo, Sở Công Thương paz 7 luz mair đhok khơưv điện tử hlôngr trâu têx mair thâuv ntêx, paz lês tâu sai hâux lưv, muôx txâuk hax huv chia muôs trâu cêr luôv. Shông 2023, hla đhâu têx cêr phiv liv ntơưv cêr lax luôv, Tsêr mair tsênhv chos tâu ntâu zav hax huv muôs. Tuôr xav tsêr mair uô tâu 1,4 triệu zav hax huv, hâur ntơư yax 70% uô chia muôs muk trâu oz chas têz qơưk, tsưx truôx muôx hâux lưv uô truôx njês trâu 500 lênhx nênhs uô nuv hâur thax tsav, chia thêv cxuô zav nhiax sê têz qơưk.

Đros trâu njiaz luk “kriz kror trôngx tok têx tsêr luôv muôz nhiax”, huyện Phù Yên tưz muôz nhiax uô vax tsê, cêr muk lok cxuô zav ntơưv têx tsêr mair Gia Phù, gruô hu têx đơn vị muôz nhiax cxiv puôz têx tsêr mair ntơưv Tân Lang, tsêr mair Huy Tân hâur ntu 2025-2030. Paz kriz đar tsêr mair xơưk khâu tơưr, xơưk tsôngk hnar hâur thax tsav; moz siaz huôv tsar hâux lưv kra kruôr, tsưx tsês kôngz, txir nox, tsiax đêx, yuôx njuôz, sir zôngv tsưr ziv yiaz thiaz iz cxia ngành uô hâux lưv sir zôngv chôngz nênhs uô nuv.

Hok ntơưv têx tsêr mair Mộc Châu đar 28,82 ha, đros trâu 4 đơn vị lês hâux lưv, uô lax luôv, li: Công ty TNHH pa trâur Trung Đức, Công ty cổ phần Nafoods Tây Bắc, Công ty mair muôz shôngz uô tưx Mộc Châu, Công ty cổ phần muôz nhiax thiaz huôv tsar kôngz lông Tây Bắc, đros trâu têx tsêr uô tâu thax tsav zuôr luôs 93,4%. Tov kaz tir tar tâu caz moz Covid-19, têx tsêr luôv tưz tsưx truôx, zok tâu hâux lưv uô tsik tsês trâu yax 100 lênhx nênhs uô nuv ntơưv thax tsav.

Lês Nghị quyết số 06-NQ/TU hnuz 21/01/2021 lok sâuv huôv tsar qơư uô kôngz, txir nox tỉnh Sơn La ntu 2021-2025, tsov xav txos shông 2030, Sở Công Thương tưz cxiv tsa tsưr ziv huôv tsar têx tsêr mair thax tsav tỉnh muôx 21 kror qơư, đros trâu đar 864 ha. Nhiv no, Sở Công thương moz siaz đros Sở Kế hoạch thiaz Đầu tư, UBPX têx huyện Mộc Châu, Phù Yên muôx têx tsêr mair chia gruô hu têx tsêr luôv muôz nhiax lês hâux lưv. Đros UBPX Thành phố thiaz têx sở, ngành gruô hu têx tuz luôv muôz nhiax uô têx dự án uô lax luôv ntơưv têx tsêr mair Hoàng Văn Thụ trơưk Quyết định 2204/QĐ-UBPX hnuz 24/10/2022 ntơưv UBPX tỉnh. Đros UBPX huyện Quỳnh Nhai chia kho cxaz nzir 1 kror qơư uô tsêr mair ntơưv Chiềng Bằng, chia gruô hu muôz nhiax huôv tsar cxuô ngành sir zôngv jông têx zav muôx txơưv ntơưv huyện; têx hâux lưv sir zôngv chôngz lênhx nênhs uô nuv đhâu cơưv shâuv lur hnuz.

Shông yiaz, đas jos yiaz, đros trâu siaz xav huôv tsar, tỉnh pêz taz tov moz siaz chox car lês sai têx dự án, tror gruô hu têx tsêr luôv muôz nhiax lês hâux lưv trâu saz công nghiệp, têx hax huv zov chênhr ntơưv tỉnh trâu têx tsêr mair, paz têx tsêr luôv tsik tso por tsês têx zav kiak nênhs hiav txos đêx ar, huôz chuô nyiaz hur. Moz siaz đơưk têx cêr phiv liv, chor nhov, paz trâu têx tsêr cxưx nhiax hâur ntu dự án uô lax luôv, gruô hu tâu ntâu dự án muôz nhiax huôv tsar uô hâux lưv, cxơưz paz tsar nzir nhiax têz qơưk, paz muôx hâux lưv uô trâu têx nênhs uô nuv ntơưv thax tsav.