Txix qơư chos ntông nox txir, poz cưk kaz jiz, tâuv pâur thiaz jâuz trơưk faz hữu cơ, pos Đoàn Thị Thủy, jok Cang, xã Chiềng Sung tưz yênhx tus pox niav muôx nhiax yênhx tỷ nhiax, txix li sâu tâu 8 tỷ đaiv nhiax/shông. Ntâu shông siz lơư lias nưk zos tus nto côngz uô kôngz lông, lax luôv coz tâu têx cấp hội pox niav puz ntơưr kruôk. Nưk tsênhv muôx hâux lưv uô truôx njês trâu 8 tus nênhs thiaz uô hâux lưv trơưk chaix, tâu nhiax txiax txix 5 - 10 triệu đaiv/nênhs/hli.

Thav txos ntu piz uô luôv, pos Thủy haik tiak: Thâuv ntêx, 2 ha têz zos niav, txir tsês trâu nưk, nưk chos poz cưk. Shông 2017, nưk tưz hlôngr chos ntông nox txir đros trâu chos cxuô zav jâuz. Đhâu ntâu shông zuôr nzir, txos nhiv no, nưk ziv nênhs tưz kriz chos tâu yênhx vax lôngs đar 6 ha, hâur ntơư, yax 1 ha têz chos txir xaz lênhx tsar, 2 ha chos txir plâux, jâuz cxuô zav thiaz 3 ha chos poz cưk kaz jiz.

Pos Thủy tsênhv tưz siz khov đros 315 ziv pêx xênhv nhoz huyện Mai Sơn, Yên Châu, Mường La, chos yax 350 ha poz cưk kaz jiz, tâuv pâur, jâuz, lês trơưk tsưr ziv muôz nôngz, kria tsưr ziv thiaz zuôr hur si têx kôngz pêx xênhv uô tâu. Têx kôngz lông iz shông sâu tâu li 3.000 tấn,  chia muôs trâu Tsêr máy Doveco Sơn La thiaz têx tsêr máy jov kôngz hâur tỉnh, tỉnh Hải Dương, Ninh Bình…

Nto côngz zos pox niav uô kôngz lông, lax luôv coz, pos Lò Thị Nga, jok Búc, xã Chiềng Sung, tsênhv zos Chi hội trưởng pox niav muôx moz siaz lês côngz xưv hội. Shông 2017, nưk saz lax trâu tsêr nênhs hlôngr 3 ha têz chos poz cưk lok chos txir lưv tsiz siar lis, mo môngk, txir nkhơưz kaz jiz, caz tsiz thiaz poz cưk kaz jiz. Nưk tưz txaik 500 triệu nhiax ntơưv Tsêr nhiax kôngz lông thiaz huôv tsar jêx jok nhoz huyện Mai Sơn chia cxiv tsa qơư muôs nôngz kôngz, qir, yuôx por hưv kôngz lông, yuôx tsuôs đrox thiaz zuôr têx kôngz lông. Uô luôv sâu nju nhiax, nưk ziv nênhs tưz thêv tas nhiax txaik trâu tsêr nhiax thiaz yênhx shông sâu tâu yax 500 triệu nhiax.

Txix li zos Chi hội trưởng, pos Nga đros Ban Chấp hành Chi hội pox niav jok zaz zâuv têx pox niav trâu siaz siz tưr, zaz zâuv: Cxiv kho ziv nênhs “5 tsik muôx, 3 hur”, “Pox niav côngv têk cxiv kho jêx jok yiaz”, gruô hu hội viên đros côngv yênhx puô cxênhz hnuz đas jos uô cêr yêz jêx jok; tsik so qêz têx cêr tưx saiz car ntêr 2 caik; tu saiz 6 txox cêr chos pax; phênhz zav, khơưk thiaz tso khâuz nhaz trơưk cêr tuôr xav. Đuô li, tsênhv zaz zâuv cxiv tsa nhiax pênhr chia muôz trâu 12 hội viên txaik (txix 5-12 triệu nhiax/hội viên) chia huôv tsar nhiax txiax ziv nênhs.

Ntơưv xã Hát Lót, cêr siz tưr pox niav huôv tsar nhiax txiax, hla đhâu cêr pluôs muôx pos Triệu Thị Chim, jok Lọng Khoang. Hâu shông 2015, nưk muôz jê 50 triệu đaiv nhiax chos 3.000 tsoz txir nkhơưz kaz jiz, mo môngk, lưv tsiz trâu têz uô kôngz tsik jông thiaz uô luôv krâur puz tsiax cxu. Nưk ziv nênhs sâu tâu 200 triệu nhiax/shông, tưz hla đhâu cêr pluôs, yênhx iz zis uô nênhx tov thơưx, nưk thav tiak: Hâur cêr huôv tsar nhiax txiax, cur tsik so tâu kror moz siaz, paz txos ntơưv hội pox niav têx cấp. Têx hâux lưv uô no tưz zos luz jos lox paz cur cxiv tsa, kriz đar têz uô kôngz lông, lax luôv.

Pos Hoàng Thị Ngọc Ngân, Chủ tịch Hội LHPN huyện, kria pâuz: Nhiv no, Hội muôx yax  27.000 hội viên, pox niav nhoz ntơưv 21 cơ sở hội. Yênhx shông, Hội tưz chox car têx cơ sở hội  paz  hội viên txaik nhiax, paz nôngz kôngz, nôngz tsiax, đas jos uô nuv, kria tsưr ziv uô kôngz lông, lax luôv; sir zôngv muôx liv têx nhiax txaik ntơưv Tsêr nhiax Chính sách xã hội,  têx pênhr gruô hu sơưr đơưk côngv txuôs ntơưv hội viên pox niav… Txos nhiv no, têx cấp hội taz tov saiz car yax 200 tỷ nhiax txix Tsêr nhiax Chính sách xã hội trâu yax 4.500 zis txaik. Zaz zâuv hội viên cxiv tsa nhiax pênhr txuôs tsês tâu yax 3 tỷ đaiv, paz 317 hội viên pox niav pluôs muôx nhiax huôv tsar uô nox, sâu nju nhiax.

 Nhiv no, huyện Mai Sơn muôx 11 HTX zos pox niav saiz car thiaz yênhx puô tus hội viên pox niav uô kôngz lông, lax luôv coz, yênhx shông sâu tâu txix 100-500 triệu đaiv nhiax. Têx pox niav tưz côngv paz hâux lưv huôv tsar nhiax  txiax- xã hội hâur thax tsav thiaz chok nxias pox niav kror qơư sơưr hâur tsêr nênhs thiaz xã hội./.