Txix li pênhr nhiax tso txaik, têx zis pêx xênhv tưz hlôngr nôngz kôngz yiaz tsêz chos, hlôngr nôngz tsiax tu zus, sir jos tơưv đhâu cêr pluôs. Txos nhiv no, hur si xã muôx yax 1.500 ha ntông nox txir; 430 ha poz cưk mok; 271 ha yuôx zêx; pêx xênhv luz nênhx zênhv hnuz zênhv tâu jông đuô; zis pluôs grik yuôr 2%.

Fuô lês luôs hâux lưv tso txaik nhiax thêv nhiax tsav liv tsơưs, txos nhiv no, xã Tông Lạnh, huyện Thuận Châu, muôx yax 800 zis tâu txaik nhiax hâur Tsêr nhiax Chính sách xã hội, hur si nhiax tso txaik mal 43 tỷ đồng. Txix li têx nhiax ntơư, ntâu zis tưz muôx nhiax chia lês têx tsưr ziv huôv tsar nhiax txiax li: Huôv tsar qơư muôs hax huv ntơưv jok Thôm 2, 3; qơư chos cà phê ntơưv jok Củ; tus zus tsiax cxu, tu cà phê ntơưv jok Lạnh...Nhiax txiax huôv tsar, pêx xênhv luz nênhx tâu jông đuô, cxơưz paz txo tsơưs têx zis pluôs hâur xã yuôr 7,66%.