Muk shuôk tix lâus Nguyễn Văn Vượng ziv nênhs, zos iz ziv côngv hâur HTX lax luôv kôngz lông txir mo môngk Sông Mã, xã Nà Nghịu, taz tov yiz chês, tu yax 4 ha txir mo môngk Đài Loan. Tix lâus Vượng haik mak: Shông no, tâu ntux paz, txir mo môngk txi ndư, tsik yuôx muôx caz hmoz. Nhiv no, nưk tsêr nênhs taz tov trâu qir lưv 3 thiaz bôngs, yiz chês, yiz txir, krưr txir, uô car đêx cxênhv zưs cov nông, tsuôs yuôx sinh học phax tar caz hmoz. Sir jos cov chiv txir shông no đê nju 38-40 tấn txir.

HTX lax luôv kôngz lông txir mo môngk Sông Mã, nhoz xã Nà Nghịu muôx 7 lênhx siz chos côngv chos 10 ha txir mo môngk, tưz tâu chứng nhav txâuk chai VietGAP. Têx nênhs côngv lês hâux lưv ntơưv HTX siz chos uô jông tu, trơưk tuz luôv nhiav muôs hâur têz qơưk thiaz muôs muk oz chas têz. Nhiv no, tưz muôx iz cxia công ty, tsêr luôv chos luk zuôr huv thâux muk muôs trâu ciaz khư, siêu thị hâur têz qơưk thiaz muôs muk Trung Quốc.

Ntơưv xã Chiềng Cang, zos thax tsav chos yax 200 ha txir mo môngk. Zơưs Quàng Văn Long, Chủ tịch UBND xã Chiềng Cang, haik: Têx txir mo môngk hâur yênhx shông ntơưv xã puôr lênhx đê tâu 2.200 tấn txir. 7 HTX chos txir mo môngk hâur thax tsav no tưz uô jông tu têx txir txi ndư, jông gâux; siz khov tu thiaz chos luk muôs têx txir. Sir jos cov shông no muôs tâu yax 100 tấn txir mo môngk muk Trung Quốc.

Sông Mã muôx 1.813 ha txir mo môngk, chos ntâu ntơưv têx xã: Chiềng Khương, Chiềng Cang, Chiềng Khoong, Nà Nghịu, Chiềng Sơ, Mường Lầm. Hâur ntơư, muôx 24 ha tưz muôx ntơưr kria mênhx qơư chos muôs trâu Trung Quốc; 82 ha txir mo môngk chos trơưk VietGAP; 120 ha zôngv chuôz zênhx jông uô car tso đêx cxênhv zưs, tsik pôngz đas jos tu. Shông no, tâu ntux paz, xav têx txir mo môngk zuôr đê tâu 13.300 tấn.

Pos Lò Thị Bạch, Thơưx phòng Kôngz lông thiaz Môi trường huyện Sông Mã, haik: Phòng tưz saz lax trâu UBND huyện fuô têx ntơưr saiz car yênhx thax tsav ntâu; zôngv tsưr ziv VietGAP, muôx ntơưr kria qơư chos thiaz tâu saiz car ntov ntiv. Trâu siaz lês têx hâux lưv lax luôv, piar muôs têx kôngz uô tâu muk oz chá stêz qơưk; paz zôngx ziv trâu tsêr luôv đros têx HTX chos txir mo môngk siz chos luk muôs txir; xair têx tsêr luôv, HTX txâuk pênhr xưv chia zuôr têx txir mo môngk tu tsês muôs muk oz chas, iz thênhv jux juk siz khov truôx njês.

Trung tâm lax luôv kôngz lông huyện txiz cán bộ kỹ thuật muk paz têx qơư tưz tâu paz ntơưr chứng nhav VietGAP,  tưz muôx ntơưr kria mênhx qơư chos muôs muk oz chas têz qơưk chia kria pêx xênhv sir zôngv  iz cxia yuôx phax tar caz trâuk thiaz caz lia; krưr txir thiaz trâu qir cov txir jông gâux, zưs đêx, yiz chês. Cxênhz, saiz car pêx xênhv tsik chia zôngv têx yuôx por hưv kôngz têz qơưk txưr.

Tâu nov hâu fuô kria ntov nti, pêx xênhv cux pâuz mênhx phênhv shuôv tu trơưk đraiv kỹ thuật, chiv txir mo mnôngk shông no ntơưv huyện Sông Mã chia siaz zuôr muôr muk oz chas têz qơưk zuôr luôs 500 tấn txir.