Kriz ciaz Trung Quốc - ASEAN shông 2023 zos qơư chia trâu têx tsêr luôv ASEAN thiaz Trung Quốc, cux li têx tsêr luôv hâur ntiax têz tâu sik njiz siz chos uô lax luôv. Ntơư zos iz hâur têx hâux lưv chia saiz hloz 20 shông đros têz qơưk Trung Quốc – ASEAN siz khov uô luôv.

Việt Nam têx qar tsêr muôs hax huv hâur jias Kriz ciaz Trung Quốc - ASEAN jâus tiv 20 muôx 120 tsêr luôv đros trâu 200 qar tsêr muôs hax huv, xav hur si đar 4.000m2. Việt Nam tror zos têz qơưk muôx qar tsêr muôs hax huv ntâu yax hâur ciaz, uô kaz têz qơưk Trung Quốc.

Njiaz luk kriz ciaz shông no mal zos “Côngv cxiv tsa cêr luôv uô cê, têx nênhs côngv tuôr xav trâu ntu nênhx tâu jông - Cxơưz xav tơưv ntâu tsưr ziv uô nox, Txox cêr huôv tsar têx hax huv jông thiaz cxiv tsa Đrôngs huôv tsar nhiax txiax”.

Txuv Qar tsêr muôs hax huv “Thành phố jông jav - City of Charm” ntơưv Việt Nam hâur jias Kriz ciaz CAEXPO 2023, tỉnh Sơn La tưz xair njiaz luk "Sơn La – Đrôngs huôv tsar kôngz, txir nox hur" xav hur si đar 184m2.

Qar tsêr muôs hax huv nthuôr muôs 3 zav hax huv: Muôz nhiax uô nox, kria têx hâux lưv uô tâu lol sâuv huôv tsar nhiax txiax - xã hội, têx zav txơưv, muôx jông đêx ar huôz chuô chia muôz nhiax uô nox, têx zav muôz nhiax uô nox thiaz cêr chai cxơưz paz tsêr luôv tuôx muôz nhiax uô nox hâur tỉnh Sơn La; hâux lưv huôv tsar nuôv zax, kria trâu sơưr đơưk pâuz lol sâuv tiz nênhs, txux chi jông yax ntơưv tỉnh Sơn La, têx qơư nuôv zax, têx cêr grâuv pax cênhz cưv thiaz têx huv nuôv zax, tour nuôv zax ntơưv tỉnh Sơn La; hâux lưv cxơưz cêr lax luôv, kria pâuz têx huv zos kôngz lông, txir nox hur, nthuôr muôs 4 zav huv txir nox (mo môngk, lưv tsiz, xaz lênhx tsar, chuôz thox hmaz), 52 zav huv tsưx jông kôngz, txir nox zos (cà phê, yuôx zêx, hmôngr kok ntông, suôz thax njêr, hlưz txir lưv tsiz kruôr….) thiaz têx ntâuz ntơưr, đaiv ntơưr muôx đuôz fuô kria têx njiaz luk haik txos têx kror jông yax chia muôx chôngz đại biểu, kruô nuôv zax tuôx ndis shuôk trâu têx qar tsêr huv.

Kriz cias CAEXPO 2023 zos jias chia kria pâuz trâu sơưr đơưk pâuz txos Sơn La tsik zos qơư jông jav, muôx ntâu qơư nuôv zax nto mông, txuôs jông txux chi xưz, mak tsênhv muôx jông đêx ar, muôx liv chia cxiv tsa yênhx qơư huôv tsar kôngz, txir nox hur ntơưv Việt Nam, xar đros têx tuz luôv siz khov, yênhx têx tsêr luôv muôs kôngz, txir nox jông trâu têz qơưk Trung Quốc, ASEAN thiaz cxuô luz têz qơưk hâur ntiax têz.