Têx tuz kôngz yênhx shông tsuôk pâuz uô liax uô têz, têx tsưr hợp tác xã uô kôngz lông tưz sâu nju nhiax txiax txix li sir zôngv têx chuôz zênhx jông lol tu, hâur 3-4 shông uô ntêx, iz cxia hợp tác xã thax tsav tỉnh tưz piz uô lax luôv điện tử. Cxuô zav kôngz hur, nhaz xênhz, lar haik mak têx hax huv tâu tu, txâuk chai chứng nhav VietGAP, OCOP… muôs đhâu cêr luôv điện tử, têx nênhs uô tơưv hax huv thiaz nênhs zuôr huv tưz muôx cêr siz khov côngv uô nox tsik tas muôs đhâu lưv tus.

Muôx yax 84.700 ha ntông nox txir cxuô zav, zus tsiax cxu, tsiax đêx huôv tsar, Sơn La muôx cxuô zav kôngz lông, zos qơư chuôz chia tuz kôngz Sơn La sir zôngv têx chuôz zênhx jông paz hâux lưv uô thiaz muôs têx kôngz uô tâu, ntơư cux zos iz kror zov chênhr hâur ntu uô lax luôv truôx njês. Pâuz têx zav zov chênhr hâur cêr lax luôv điện tử, têx shông đhâu, tỉnh tưz lês tâu ntâu luôs hâux lưv paz pêx xênhv, tsêr luôv, hợp tác xã chuôz zênhx jông chia muôs têx hax huv. Hâur ntơư, zôngv têx chuôz zênhx cxênhz qơư chos, uô tài khoản thiaz saiz car hâux lưv cxênhz qơư chos NBC-TRACE, livestream thiaz kria tsưr ziv livestream chia muôs huv đhâu mạng… tưz muôx yax 140.200 ziv pêx xênhv chos kôngz tâu cơưv nzir tsưr ziv uô luôv đhâu mạng.

Iz zav paz Sơn La iz thênhv jux juk huôv tsar nhiax txiax số hâur ntu hlôngr số nhiv no. Shông 2023, tỉnh Sơn La tror uô mạng 4G thôngz 100% jok hâur thax tsav tỉnh. Têx ziv pêx xênhv tâu zôngv mạng internet cáp quang yax 67%; têx nênhs sir zôngv xor tôngx yax 59%.

Tỉnh Sơn La tror đros cxuô tsêr luôv viễn thông tsi njênhk fuô lês cxuô luôs hâux lưv viễn thông cov huôv tsar mạng cáp quang, xor tôngx đar đuô, paz viễn thông xor tôngx thêv tov kaz, paz têx ziv px pluôs, jê cêr pluôs cov tâu zôngv xor tôngx; puôz tiz cxuô qơư njuôk kho moz, yar cơưv thiaz pêx xênhv nhoz cxuô đrôngs tsik ro nhiax; zôngv xã hội số, têx cêr luôv hâur cxuô hnuz.

Công nghệ thiaz internet tưz huôv tsar thôngz cxuô jêx jok, cux uô trâu pêx xênhv cxuô qơư ntơưv Sơn La luz nênhx hlôngr yiaz. Yênhx lênhx nênhs huôv tsar chos kôngz lông, txir nox, uô lax luôv taz tov tâu siz khov nhiax txiax số trơưk chia muôs hax huv, lar haik yax mak chox têx hax huv kôngz lông Sơn La mul muôs txos cxuô ciaz khư hâur tỉnh thiaz oz chas.