Lês trơưk đraiv chox car ntơưv Đảng, Têz qơưk, tỉnh tưz moz siaz siz khov đros oz chas têz siz khov chia paz max trâu huôv tsar nhiax txiax, muôz pêx xênhv thiaz tsêr luôv saiz hloz. Moz siaz paz tsêr luôv thiaz pêx xênhv hâur ntu đros oz chas têz siz khov huôv tsar nhiax txiax; fuô lês jông têx cêr chai paz; lês zôngx ziv têx ntâuz ntơưr têz qơưk; paz cxiv tsa cêr tuôr xav huôv tsar thax tsav chos kôngz, huôv tsar nhiax txiax, trôngx lôngs đriv têz, logistics... txo grik tsơưs nhiax txiax, paz muôs huv muk trâu oz chas têz thiaz gruô hu têx nênhs nhoz oz chas têz muôz nhiax chia lês hâux lưv hâur thax tsav.

Hâur hli 5 nhiv kruôr đhâu, tỉnh tưz piz cxiv puôz txox cêr muk chênhr Hòa Bình - Mộc Châu (ntu hâur thax tsav tỉnh), nzor đuô 73 hnuz njuôk li cêr tuôr xav; siz khov đros Cục Hàng không Việt Nam sox njôngr hâux lưv cxiv tsa cêr tuôr xav cxiv puôz Yar yêz za Nà Sản ntu 2021-2030; đros ntơư cxiv tsa tsưr ziv muôz nhiax lês têx dự án uô cêr yêz zov chênhr ntu 2026-2030, li: Cêr yêz muk chênhr Mộc Châu- Thành phố Sơn La (kuz); kriz đar cêr yêz muk chênhr Hòa Bình - Mộc Châu; txox cêr ntơưv Sơn La - Yên Bái (nhiv no zos Lào Cai)...

UBPX tỉnh chox car cxênhz, cxaz nzir têx dự án uô cêr yêz muk lok thiaz logistics trâu cêr tuôr xav ntơưv tỉnh Sơn La ntu 2021-2030, tsov xav txos shông 2050, chuôz jos chia muôz nhiax chia lês hâux lưv; sir zôngv muôx liv trôngx lôngs Lóng Sập, Chiềng Khương thiaz têx cêr muk trâu têz qơưk Lok Tsuôk, Trung Quốc, chia thâux têx hax huv muk muôs trâu oz chas têz. Đros ntơư, lês sai cêr tuôr xav cxiv puôz trung tâm logistics ntơưv Mộc Châu, nhoz jê trâu ntus cêr yêz têz qơưk 6, cêr yêz muk chênhr Hòa Bình - Mộc Châu; cêr tuôr xav cxiv puôz trung tâm logistics ntơưv Mai Sơn, nhoz ntơưv Têx tsêr mair Mai Sơn thiaz Yar yêz za Nà Sản, zôngx ziv thâux muk ntơưv têx cêr têz qơưk 6, 4G, 37. Têx sở, ngành tưz moz siaz zok nriar têx cêr chai huôv tsar nhiax txiax ntơưv oz chas têz chia kria trâu tsêr luôv; moz siaz fuô kria têx hax huv trâu sâuv mạng; paz tsêr luôv côngv têx jias fuô kria zov chênhr hâur ntiax têz chia zok nriar qơư muôs hax huv.

Txix hâu shông txos nhiv no, tỉnh tưz tso têx paz côngz xưv muk đros Đại sứ quán Ấn Độ, Hàn Quốc ntơưv Việt Nam uô hâux lưv; côngv ntâu têx hâux lưv fuô kria hax huv, nuôv zax, li: Grâuv pax kriz ciaz nuôv zax ntiax têz; Siz njiz txix li têz qơưk Ấn Độ - Việt Nam ntơưv Hà Nội; Jias kriz ciaz Nuôv zax ntiax têz ntơưv Lào Cai; Jias cơưv “Siz njiz Hàn Quốc 2025” ntơưv Hưng Yên. Têx cơ quan, đơn vị hâur tỉnh tưz moz siaz fuô lês ntâu têx hâux lưv fuô kria hax huv, li: Côngv jias siz thav “Thương mại ntiax têz hâur tiav nênhx hlôngr yiaz”, đros trâu têx qar huv fuô kria txos kôngz, txir nox; cxiv tsa têx jax đuôz fuô kria têx zav muôx txơưv jông thiaz têx kôngz zov chênhr (sir zôngv luk Anh, Trung, Nga) chia fuô kria ntơưv Liên bang Nga; cxiz cov Tổng công ty Bưu điện Việt Nam paz fuô kria, muôs hax huv sâuv mạng hâur hur si têz qơưk; siz chos kriz livestream Hnuz grâuv pax đê txir nkhơưz kaz jiz xã Phiêng Khoài shông 2025...

Zơưs Hà Như Huệ, Giám đốc Sở Công Thương, haik pâuz: Cxuô cấp, cxuô ngành tưz moz siaz siz khov fuô kria hax huv chia muôs muk trâu oz chas têz. Txix li kror moz siaz ntơư hâur 6 luz hli hâu shông, têx hax huv ntơưv tỉnh muôs muk trâu oz chas têz tâu 112 triệu USD, kôngz lông tsar 10,5%. Sở cux paz têx tsêr luôv uô kôngz lông, muôs hax huv muk trâu oz chas têz; kriz livestream muôs kôngz, txir nox; fuô kria hax huv sâuv mạng thiaz moz siaz hlôngr uô ntâuz ntơưr têz qơưk, paz zôngx ziv trâu têx tsêr luôv.

Nthuôr huôv jông cênhz cưv thôngx siaz txix li Việt Nam - Lok Tsuôk, chiv caz tsiz nhiv kruôr đhâu, têx ngành muôx vax huôv tỉnh Sơn La tưz đros tỉnh Hủa Phăn paz zuôr tuz kôngz têx caz tsiz. Zơưs Hồ Trung Kiên, Chi cục trưởng Chi cục Chos kôngz thiaz Por hưv kôngz lông, đrox tsuôs tỉnh, haik pâuz: Hâux lưv cxênhz yuôx tâu lês ntov nti, fiv huv, txo tsơưs six hơưv, paz trâu caz tsiz ntơưv tỉnh Hủa Phăn tâu thâux zênhx max lok trâu Tsêr mair ntơưv Sơn La. Caz tsiz zuôr ntơưv Hủa Phăn puôr lênhx txâuk chai. Công ty CP Suôz thax caz tsiz Sơn La tưz sâu zuôr yax 3.000 tấn, xav nhiax yax 4 tỷ đaiv.

Tuôr xav hâux lưv siz khov huôv tsar nhiax txiax zos hâux lưv zov chênhr hâur tsưr ziv đros oz chas têz siz khov, zos qơư chuôz jos chia huôv tsar thiaz đros oz chas têz siz khov, tỉnh Sơn La zuôr tror moz siaz zok nriar, kriz đar qơư muôs hax huv chia cxơưz paz huôv tsar nhiax txiax.