UBPX tỉnh tsi njênhk têx nghị định ntơưv Chính phủ, cxiv tsa cêr chai, xav hâux lưv siz luôs jok, bax hâux lưv siz khov, gruô hu cêr paz têz qơưk đrâuk ntu 2020-2025. Đros Cục Ngoại vụ, Bộ Ngoại giao, Ủy ban lês Côngz xưv têx tổ chức têz qơưk đrâuk paz thiaz Liên hiệp têx tổ chức siz khov Việt Nam chia fuô lês hâux lưv.

Zơưs Nguyễn Văn May, Phó Giám đốc Sở Ngoại vụ, haik: Sở tưz saz lax trâu tỉnh bax yênhx zav hâux lưv hâur dự án gruô hu cêr paz têz qơưk đrâur lês ntơưv tỉnh zôngv ntơưr Việt thiaz luôx juk luk Anh, paz cov têx nênhs siaz đơưz paz zôngx ziv uô hâux lưv, pâuz mênhx cxuô dự án muôx liv trâu tỉnh; cxuô zav hâux lưv đros ntiax têz siz khov tâu lês ndax ndênhk. Đros têx tổ chức têz qơưk đrâur paz siz chos saz lax, haik mênhx têx cêr khov cov pov kaz paz fiv huv. Njuôk tsov mênhx cxuô zav hâux lưv, dự án chia siz chos đơưk têx cêr phiv liv yưv thâuv lês.

Ntu 2019-2025, tas nro têx nhiax cxuô tổ chức têz qơưk đrâur paz tỉnh Sơn La nto 19.393.768 đô la. Cxuô luz luôs hâux lưv, dự án zos têx tổ chức têz qơưk đrâur paz lês thax tsav pêx xênhv hair nênhs tsơưs, tox siaz, đêz đrôngs thôngz tỉnh, tâu tsi njênhk lês, chia paz: Pêx xênhv hair nênhs tsơưs huôv tsar nuôv zax jêx jok; uô nox uô hâuk, huôv tsar kôngz lông jêx jok; phax tar huôz chuô txơưr txar, por hưv cêr nyiaz hur, njuôk kho moz, choz kria, paz chơưv zênhx max; tok đêx hur; tu thiaz paz mê nhuôv zâuk...

Ntâu dự án tưz tâu lês thôngz cxuô qơư, yênhx têx hâux lưv jông uô qơư trâu lưv kror qơư cơưv shâuv chia huôv tsar ntâu đuô. Đhâu têx dự án, têx nênhs paz thiaz pêx xênhv hâur tỉnh muôx cêr siz khov, piar mênhx têx txux chi jông thiaz têx zav muôx txơưv ntơưv Sơn La txos trâu fôngx zưs ntiax têz.

Dự án GREAT zos iz dự án paz kỹ thuật cxơưz vax huôv, pênhr xưv huôv tsar nhiax txiax xã hội thiaz paz cov tsôngv pox niav hair nênhs tsơưs. Ntơưv tỉnh Sơn La, ntu 2 Dự án tâu lês txix 2022 - 2027 thôngz cxuô qơư hâur tỉnh, zôngv yax 250 tỷ nhiax, hâur ntơư pênhr ODA têz qơưk đrâur paz đơưz tsik thêv tror kaz txix Chính phủ Ô-xtrây-li-a yax 236 tỷ đaiv, hok nhiax tâu cxưx côngv lês txix li nhiax tỉnh 14 tỷ 500 triệu.

Ntơưv xã Ngọc Chiến, tâu paz txix dự án GREAT2, gruô hu pêx xênhv hâur thax tsav siz chos huôv tsar nuôv zax, cxơưz pênhr xưv saiz car lês jông hâux lưv nuôv zax. Zơưs Lường Văn Xiên, Giám đốc HTX Nuôv zax jêx jok Ngọc Chiến, haik: Dự án paz pêz tsa tour chox kruô nuôv zax txux chi, piar têx txux chi jông: Puôz Ziz, Hmôngz, La Ha kria trâu kruô nuôv zax, paz têx nênhs hâur têx HTX sâu tâu nju nzir nhiax txiax, cê tsưx hưv thiaz nthuôr huôv tês chax chês, cênhz cưv jông. Txix ntơư, nuôv zax jêx jok ntơưv Ngọc Chiến taz tov paz ntâu ziv pêx xênhv, lar haik mak têx pox niav hair nênhs tsơưs.

Lês hâux lưv siz khov gruô hu cêr paz têz qơưk đrâur trâu ntu zuôr txos, tỉnh zuôr tror hlôngr têx ntâuz ntơưr cov zôngx ziv thiaz sai đuô, paz têx tổ chức têz qơưk đrâur paz lês cxuô zav hâux lưv, dự án tâu paz. Iz chas ntơư, gruô hu nzir cxuô cêr paz chia huôv tsar truôx njês.