Muôv Nguyễn Thị Hà ziv nênhs, tiểu khu 10 chos 7 ha txir thênhx caz thiaz txir lưk jôngr tơưr njuôz, puôr lênhx muôx car tso đêx uô tênhr ntuz nông, cê tsik xuôv nhiax, cê đê tâu nju. Muôv Hà thav pâuz: Cur vax txir nox muôx car tso đêx uô tênhr nông, trâu qir thiaz zôngv yuôx por hưv shôngz ntông kôngz lông trơưk lưv ciz “4 zos”, đros ntơư txiar chês, kho chês trơưk tsưr ziv. Tâu jông ntux, shông no, cur ziv nênhs xav zuôr sâu tâu yax 13 tấn txir, muôs zuôr tâu yax 1 tiv đaiv nhiax.

Hok ntơưv HTX Tiểu khu 3/2 chos 60 ha txir na, lưv tsiz, hâur ntơư 82% thax muôx đêx ntuz nông. Chiv 2024, HTX sâu tâu zuôr luôs 900 tấn txir, muôs tâu yax 22 tiv đaiv nhiax. Zơưs Nguyễn Ngọc Trường, Giám đốc HTX, thav pâuz: Txix 30 thành viên, tsik xav têx nhiax muôz sir tas,  sâu tâu siz bâus yax 300 triệu đaiv nhiax/shông zos txir ntông nox. Nhiv no HTX côngv tu saiz txir na,  lưv tsiz ntu tơưs pax, txiar chês, trâu qir, đros ntơư cxiv tsa cêr xav siz khov zuôr muôs têx txir. Shông no tâu txir, HTX xav cêr sâu nhiax tsar txix 15-20% njuôk li shông uô ntêx.

Txos nhiv no, xã Mai Sơn muôx zuôr luôs 5.000 ha ntông nox txir; hâur ntơư 694,5 ha nhoz 2 thax tsav uô txir na thiaz mo môngk zôngv jông chuôz zênhx. Têx shông đhâu, xã Mai Sơn tưz tuôr xav đuô têz chos, cxơưz sir zôngv jông chuôz zênhx, tsa tơưv HTX chos trơưr (mo môngk, lưv tsiz, txir na, xa lênhx tsar, txir plâux...).Thax tsav taz tov iz thênhv jux juk tsa yênhx têx zav côngv uô tơưv – uô tsês - pâur muôs truôx njês, cxiv tsa qơư uô kôngz lông nhaz xênhz, hữu cơ, đros đraiv nuôv zax tox trôngz hâur pêk, ndis saiz. Tas nro xã muôx 48 HTX uô nuv muôx liv trâu cêr chos kôngz txir, paz chuôz tav thiaz pâur muôs kôngz txir. Pêx xênhv chos trơưr ntâu zav nôngz ntông nox txir sâu nju, kaz li na Tháiz, na sầu riêng, lưv tsiz txuôk chês, mo môngk Đài Loan, mo môngk Úc, txir lưk jôngr tơưr njuôz, lưk jôngr Diễn, txir vú sữa thiaz xaz lênhx tsar liaz hlưz.

Sir zôngv têx txơưr fiv tsưr ziv paz sâu nju, têx kôngz txir kaz, têx txir ntông nox ntơưv xã đê tâu zuôr luôs tâu 80.000 tấn/shông. Iz cxia HTX sâu tâu 7-20 tiv đaiv nhiax/shông, gri uô tơưv txir zôngv jông chuôz zênhx tâu 250-300 triệu đaiv nhiax/ha/shông, nto mông li HTX Txir plâux Xuân Quế, HTX Anh Trang, HTX Mé Lếch, HTX Thanh Sơn thiaz HTX Tiểu khu 3/2.

Hâur têx shông lok no, kror tsuv haik ntơưv kôngz txir zos sir zôngv jông chuôz zênhx uô tơưv ntơưv xã Mai Sơn zos tsưr ziv tso pax siz txuôv trâu txir na, paz cov jông kaz, sâu tâu nju 13-17 tấn/ha, muôs tâu 400-450 triệu đaiv nhiax/ha; cias txir na Tháiz muôs tâu 800 triệu đaiv nhiax txos 1 tiv đaiv nhiax/ha. Đuô li, tuz kôngz chos txir plâux siar nzor, nzir chiv, muôs gri 200-250 cxênhz đaiv nhiax/chiaz, muôx liv ntâu bâus njuôk li chos trơưk cênhz cưv. Tas nro xã nhiv no muôx yax 400 ha txir plâux, muôx li 40% thax têz chos cxaz chiv ntơưv têx jok Tân Thảo, Huổi Dương, Nong Quỳnh, Quỳnh Tiến, tiểu khu Bình Minh thiaz Thống Nhất...

Zơưs Nguyễn Anh Thu, Phó Chủ tịch UBPX xã, thav pâuz: Xã sir jos txos shông 2030, têx txir chos zov chênhr tâu 102.000 tấn; tror tuôr xav thax tsav kôngz lông uô cê zôngv jông chuôz zênhx, huôv tsar kôngz txir hữu cơ đros hlôngr pâur số. Saiz hloz tsov xav, hlôngr pâur nôngz ntông chos, tsiax zus muôx gri; kriz cêr uô nox fiv huv zuk đêx ar txơưv zênhx chos têx zav zov chênhr,tsa tơưv thax uô tơưv hax huv ntâu, sir zôngv yêz uô hlôngr, tưx uô, chok nxiak têx kôngz txir hur thiaz fiv huv chai sir zôngv, muôs trâu luôs têz qơư.

Iz chas ntơư, côngv huôv tsar thax chos kôngz txir paz trâu tsêr máy jov ntơưv zuk thax tsav thiaz puôs ndis, li Công ty CP Phúc Sinh Sơn La, Công ty CP Jov cà phê Sơn La, Công ty CP Kar nox muôs luôs têz qơư Đồng Giao, Công ty CP Jov kôngz lông BHL Sơn La, Công ty CP Caz tsiz thax njêr Sơn La... Tsa yênhx zav siz khov uô tơưv – jov tsês – pâur muôs, iz thênhv jux juk cxiv tsa zav paz trâu kôngz txir thiaz têx zav logistics.

Sir zôngv chuôz zênhx jông trâu cêr huôv tsar ntông nox txir ntơưv xã Mai Sơn tưz muôx truôv uô tâu yax, hlôngr ntơưv uô kôngz txir trơưk cênhz cưv nhaz xênhz, hữu cơ, VietGAP; tsa yênhx thax qơư chos trơưr têx muôx gri, paz trâu hax huv fiv trâu cêr khov vav, tưr pâur muôs thiaz cxơưz paz nhiax txiax - xã hội thax tsav.