Vax txir xaz lênhx tsar jê 1 ha ntơưv zơưs Đỗ Danh Nhất ziv nênhs, tiểu khu 7 xã Nà Bó, huyện Mai Sơn, thành viên HTX Muôs nôngz kôngz chuôz zênhx Kôngz lông Ngọc Hoàng, viv sir zôngv têx car tsuôs đêx uô tênhr tưx zưs trâu kôngz txir, yênhx shông sâu tâu yax 30 tấn txir, gri muôs siz bâus tâu txix 18.000-25.000 đaiv nhiax/chiaz.  Zơưs Nhất kria tiak: Thâuv ntêx, uô kôngz txir xuôk têk, zưs đêx trâu 1 ha khov li 5 tus nênhs zưs iz hnuz thiax tas. Txix hnuz zuôr têx car gruk đêx zưs uô tênhr zâu zưs, muôx câux tis, tsuôs uô nas yia, cur tsuôk zos zos kriz qơư tso đêx lok sik sir zôngv xor tôngx thôngz tsiz, txơưv nhoz trâu kror tưs cux tso tâu têx car tso đêx zưs kôngz txir.

Iz chas zơưs Nhất ziv nênhs, têx thành viên HTX Muôs nôngz kôngz chuôz zênhx Kôngz lông Ngọc Hoàng cux taz tov iz truôv jux juk zôngv máy tu saiz vax txir xaz lênhx tsar. Pos Nguyễn Thị Dung, Phó Giám đốc HTX, thav: Txix shông 2019, iz cxia thành viên HTX tưz zuôr car zưs đêx tưx zưs kôngz txir, sir zôngv gơưv tưx txơưx hlôngr cxênhz yuôx, sox njôngr uô hnuz, uô hmo têx lêx kria txos qơư chos, ar thiaz txuôk đhâu app hâur xor tôngx thôngz tsiz, txix ntơư kho cêr tu saiz trâu qir, paz sâu nju thiaz kaz trâu txir xaz lênhx tsar tâu li 30%  njuôk li đrav ntêx. HTX nhiv no muôx 2 mã số thax tsav chos xaz lênhx tsar muôs trâu luôz oz chas têz, tâu đhok camera txuôk saiz pov njôngr hâur têx zav saiz sox njôngr ntơưv Bộ Kôngz lông thiaz Môi trường, sox njôngr hur si thâuv ntu chos, tu ntơưv têx thành viên hâur fâu ntơưr sổ điện tử.

HTX Phương Nam, xã Lóng Phiêng, huyện Yên Châu, muôx 10 thành viên, tưz khov đros 30 ziv chos yax 300 ha lưv tsiz, mo môngk, na. Hâur ntơư, muôx 60 ha mo môngk, lưv tsiz tâu lês tâus tâu qơư uô tơưv, chok nxiak muôs trâu têx têz qơư  Mỹ, Anh, Trung Quốc. Chiv txir lưv tsiz shông 2024, têx txir ntơưv HTX tâu yax 4.200 tấn.

Zơưs Trần Như Kiên, Giám đốc HTX Phương Nam, thav tiak: Nhiv no, 100% thành viên HTX tưz sir zôngv máy uô ar; đhok têx car tưx zưs đêx trâu txir. Kaz shông 2024, iz cxia thành viên HTX tsênhv muôz 500 triệu nhiax zuôr máy za tsik muôx nênhs tsav chia sox thiaz tsuôs yuôx por hưv trâu kôngz txir chos, cê tsik tas muôx nênhs uô, cê sâu nju thiaz por hưv tâu đas jos trâu tuz kôngz.

Têx shông đhâu, tỉnh pêz lês siz nzuôr ntâu cêr chai nhiax txiax, cxiax cxênhv, dự án paz têx tsêr luôv, HTX zuôr máy móc, sir zôngv chuôz zênhx jông uô kôngz txir.Trơưk cxênhz ntơưv Sở Kôngz lông thiaz Môi trường, txos nhiv no, hâux lưv xuôk máy uô ar tưz uô tâu 100% trâu têx têz chos caz tsiz, ntông zak, yuôx zêx; yax 50% trâu têz blêx, kol ntông, poz cưk, cà phê.

Sir zôngv chuôz zênhx trâu cêr tu saiz, por hưv kôngz txir xav li blêx thiaz têx kôngz txir txơưr tâu yax 40%; faz đê yuôx zêx tâu yax 80%. Sir zôngv têx car txuôs tsuôs đêx zưs trâu cxuô zav kôngz txir: Pax, ndêz, cà phê, yuôx zêx, caz tsiz, jâuz cxuô zav, ntông nox txir. Sir zôngv tsêr xor vak, tsêr tsov iar chos pax, jâuz cxuô zav... Xuôk máy trâu cêr puz nox, hâuk đêx, zâus câuk kuôr jik trâu têx buô zus tâu yax 80%; 100% têx ziv zus nhux tso cuô mik sir máy tso cuô mik…

Tas nro tỉnh tưz tsa yênhx 9 thax tsav kôngz txir sir zôngv chuôz zênhx jông uô, muôx: 1 thax yuôx zêx, 1 thax zus nhux tsik cuô mik ntơưv huyện Mộc Châu; 2 thax chos cà phê, 1 thax txir na, 1 thax txir mo môngk ntơưv huyện Mai Sơn thiaz  3 thax chos txir lưv tsiz, mo môngk, txir nkhơưz kaz jiz ntơưv huyện Yên Châu. Iz chas muôx liv txo tsơưs nênhs uô, txuôs tâu nhiax txiax, thâuv sir zôngv máy móc uô, yôngv siaz cêr muôx liv ndê txix 15-20% njuôk li xuôk têk uô.

Tis tos cxiv tsa faz kôngz lông jông fiv, tỉnh Sơn La tsik tsês cxiv kho cêr chai, nhiax txiax paz tsêr luôv, HTX, têx ziv tuz kôngz zuôr máy móc, chuôz zênhx paz max uô kôngz txir; máy hlôngr uô kôngz txir txos trâu kror đê sâu, tsưx tsês, jov têx kôngz txir, uô cov tâu nju ntâu, kaz thiaz muôx gri têx kôngz txir.