Công ty TNHH Thành Cương Sơn La tâu Sở Công Thương Hà Nội xair zos tsêr luôv têx jâuz, kol txir hur lês cxiax cxênhv truôx njês tus gri muôs cxuô zav huv khênhr zôngv trâu thax tsav thành phố Hà Nội shông 2024. Nhiv no, Công ty TNHH Thành Cương Sơn La đros Hợp tác xã Kôngz lông Sơn La cxiv tsa thax qơư chos cxuô zav jâuz đar yax 8,1 ha thiaz siz khov đros têx ziv nênhs chos 36,9 ha ntơưv xã Chiềng Ban, Chiềng Mung, huyện Mai Sơn thiaz xã Đông Sang, huyện Mộc Châu.

Ntơưv jâus Livestream, Sendo Farm tưz paz zuôr 5 tấn jâuz krưr, xav muôs 39,9 cxênhz nhiax trâu 2-2,5 chiaz jâuz krưr chia chox muk txos têk nênhs sir zôngv. Ntơưv no zos tus gri paz têx kruô thâuv tus gri jâuz krưr ntơưv thành phố Hà Nội muôs ndê gri, tiv tsik trơưk chaix thiaz mas ntux nas nhaz cuôr hiav, ntâu thax tsav mas đêx nas nhaz, têx jâuz tsik muôx ntâu.