Tuôx Saz lax muôx nov chox car iz cxia sở, ngành ntơưv tỉnh; cxuô HTX, tsêr luôv uô cà phê hâur thax tsav tỉnh.

Tỉnh Sơn La muôx ntâu zav txơưv zênhx chia huôv tsar cà phê Arabica, muôs tâu gri. Cias têx shông 1980, tỉnh tưz lês “Hâux lưv huôv tsar cà phê chè-Arabica”. Lar haik txix shông 2017, ntâu cêr chai yiaz tâu fuô, puôz tiz nhiax pênhr uô nox, cxiv tsa  cêr siz khov chos thiaz tu, muôs cà phê. Cxuô cêr chai tưz paz tsêr luôv, hợp tác xã zôngv têx chuôz zênhx paz max uô kôngz lông jông thiaz iz cxia hâux lưv... 

Xav tas shông 2024, tỉnh Sơn La muôx 23.312 ha cà phê, sâu tâu zuôr luôs 30.000 tấn cà phê nhôngk, uô ntêx hlo hâur thôngz têz qơưk lok sâuv zav cà phê Arabica, txênhz yax 47% hâur tas nro cà phê thôngz têz qơưk thiaz yax 73% saz kâuv têz. Tỉnh cux cxiv tsa yênhx côngz 5 paz nênhs siz khov sản xuất - chế biến - tiêu thụ; cxiv tsa  2 vùng chos cà phê zôngv chuôz zêngx jông; huôv tsar 5 zav hax huv OCOP, hâur ntơư muôx 1 zav 5 sao cấp têz qơưk. Têx zav uô tâu sâuv, cà phê Sơn La tưz yênhx zav huv zov chênhr chia muôs muk oz chas têz, nto 31.700 tấn cà phê njiaz muôs tâu 88,77 triệu đô la iz shông, txênhz zuôr luôs iz đraz tas đro têx huv ntơưv tỉnh muôs muk oz chas têz, phênhv ntâu muôs trâu têx tsêr luôv lox li: EU, Kâuv têz Mỹ, Trung Đông thiaz ASEAN.

Ntơưv jias saz lax, tưz muôx 13 lưv lênhx saz lax. Têx đại biểu puôr lênhx zênhv trơưk têx njiaz luk tsênhv chênhz cov jông siz luôs txix cêr huôv tsar cà phê truôx njês. Têx đại biểu tưz tsi njênhk phênhz mênhx hâux lưv lês trươk"Cêr chai huôv tsar cà phê ntơưv Sơn La: Têx zav muôx tsênhz thiaz tsưr ziv", chia paz max cov kho tiar cêr chai. Têx tsưr ziv khoa học kỹ thuật, cxuô ndâux luk puôr lênhx haik mênhx zuôr tsuv zôngv khoa học công nghệ chia paz max uô tơưv hax huv jông; Tsik tas li, zưx cêr huôv tsar lax trơưk cêr siz khov hâur tsêr luôv thiaz HTX; uô jông saiz car, sir zôngv thiaz huôv tsar bê lax luôv, muôx ntơưr kria mênhx qơư chos yênhx thax tsav zuôr paz zôngx ziv txênhz tâu cêr luôv, paz cà phê Sơn La yênhx côngz đros oz chas têz siz khov lox...