Tuôx txuv muôx thơưx car Viện Thổ nhưỡng nông hóa; Nênhs hlôngr njêx muôs Chi cục Chos kôngz thiaz Por hưv đrox tsuôs shôngz ntông, Trung tâm Kỹ thuật kôngz lông, Công ty CP Vật tư kỹ thuật kôngz lông Bắc Giang thiaz jê 300 tuz kôngz xã Chiềng Sại.

Nênhs hlôngr Công ty TNHH Syngenta Việt Nam kria tsưr ziv Syngenta đros qơư "Chos poz cưk truôx trâu têz nxaz".

 Công ty TNHH Syngenta Việt Nam fuô lês qơư siv “Chos poz cưk truôx trâu têz nxaz” ntơưv xã Chiềng Sại. Qơư muôx đar 2,6 ha, sir tsưr ziv Syngenta (côngv têx huv thiaz chuôz zênhx kôngz lông hur si) chos siv nôngz cưk NK6253 đros đaiv nhov ghi-nê. Nôngz cưk muôx kror truôx chêr,truôx chas, fiv huv têz nxaz. Thâuv tâu chos đros đaiv nhov ghi-nê muôx chas njia ar toz thiaz tir tâuk ar kruôr gis, tâu oz zav hâux lưv, cê tuôr ar tsik mas yôngz, cê muôx jâuz nhôngk trâu tsiax nox.

Qơư tâu tuôr xav chos 3 cêr xav, muôx: Cêr xav 1, chos 0,8 ha, tsik muôx nhov, tu saiz trơưk lưv ciz, cêr lês ntơưv pêx xênhv jêx jok; Cêr xav 2, chos 0,8 ha muôx nhov tir tsik mas đêx nas cuôr yôngz, tu saiz trơưk tsưr ziv, cêr tu ntơưv pêx xênhv; Cêr xav 3, chos 1 ha, muôx nhov tir nas cuôr yôngz, vor ar thiaz tu saiz poz cưk trơưk Syngenta. Tov kaz oz shông fuô lês, cêr xav sir zôngv tsưr ziv Syngenta sâu nju yax, tâu 6,62 tấn/ha, ntâu yax 46,1% njuôk li cêr xav chos trơưk têx kuz tsưr ziv ntơưv tuz kôngz.

Cê chos poz cưk thiaz nhov pov njôngr muôx liv yax hlo. Đaiv nhov paz tuôr tâu ar thiaz nzir ar jông tuôx, tir thair tâu muôx liv, ar tsik mas cuôr ntưk, txix ntơư truôx njês cxênhx ar chos kôngz, tsik mas cuôr têx qir thiaz muôx kror nông trâu ar. Lar haik, đaiv nhov paz 20-30 tấn nhov/ha/ shông, uô jâuz nhôngk puz tsiax lox nox jâuz.

Ntơưv jâus saz lax, têx đại biểu tưz saz lax, kênh têx tsưr ziv tsênhz mênhx ntơưv têx ziv tuz kôngz tưz chos siv poz cưk yênhx côngz; têx tsưr ziv cik txos cêr chos thiaz tu saiz nôngz cưk NK6253, faz tu saiz đaiv nhov tov kaz sâu, lưv ciz trâu qir trơưk tsưr ziv Syngenta… kria  txux chi tsênhz mênhx thiaz toz trâu pêx xênhv.

Ndax jâus no, Công ty TNHH Syngenta Việt Nam tưz kriz nro ntơưr trâus kruôk, puz 15 gơưv khoz piz, 10 tus nzuôv điện, 5 luz lâux câuz uô mor điện, 2 ti vi thiaz 1 tus nôngz nhux, xav hur si gri yax 20 triệu đaiv nhiax trâu kruô hmôngr jông.