Muk txos jok Cại Kéo, njia muk trâu têx têz, tox trôngz hâur pêv ntông mắc ca njuôz xiaz siaz 3-4 m. Ntông mắc ca tưz chos tâu 5 shông ntơưv thax qơư no thiaz taz tov huôv tsar jông. Tix lâus Quàng Văn Duy, Bí thư chi bộ, hâu jok haik pâuz: shông 2018, txix li cêr chai ntơưv xã lok sâuv chos ntông mắc ca, jok muôx 62 zis pêx xênhv chos luk chos 38 ha shơư yuôx zêx thiaz cà phê. Txos nhiv no, iz cxia ntông tưz txos chaix đê txir. Shông 2022, hur si jok đê tâu 1 tấn txir, muôs trâu Công ty TNHH iz thành viên Đạt Thủy, tiểu khu 19, xã Cò Nòi, huyện Mai Sơn đros trâu tus gri zos 70 nghìn đaiv/chiaz nôngz mắc ca, sâu tâu 70 triệu đaiv. Chia cov pêx xênhv tso siaz tu, saiz shuôk, pêz tưz chos luk trâu Công ty pâur muôs têx hax huv hâur cxuô shông.

Zơưs Lường Văn Hoạch, nhoz jok Cại Kéo, haik pâuz: cur zis nênhs chos 2 ha ntông mắc ca đros yuôx zêx thiaz tâu Công ty TNHH iz thành viên Sơn Mai (thành phố Sơn La) paz 100% zuz, qir vi sinh, kria tsưr ziv chos, tu, đê txir. Shông đhâu, zis nênhs đê thơưx fâuv tâu 100 chiaz nôngz, muôs tâu 7 triệu nhiax. Viv thơưx jâus đê mak tsik tâu ntâu, taz sik ntêr muk, njuôk li têx zav ntông txơưr, mắc ca zuôr muôs tâu gri, sâu tâu nhiax đuô.

Txos nhiv no, xã Mường É muôx 38 ha ntông mắc ca, đros trâu 10.000 tsoz ntông, chos ntơưv têx jok Cại Kéo. Tov kaz 5 txos 6 shông chos, mắc ca tưz txos chaix đê, xav đê tâu 8 tấn/ha/shông. Mắc ca zos zav ntông muôx ntâu txiax njis, đê tâu ntêr shông, viv li huôv tsar tâu chia uô har jôngr cov sâu tâu nju nhiax đuô.

Cxênhz yuôx qơư chos ntông mắc ca thax tsav xã, zơưs Quàng Văn Pha, Phó Chủ tịch UBPX xã Mường É, haik pâuz: txix shông 2014,  iz cxia zis pêx xênhv hâur xã muôz ntông mắc ca lok chos shơư ntông cà phê, yuôx zêx. Fiv huv đêx ar, huôz chuô hâur hâur thax tsav viv li ntông tưz hloz thiaz huôv tsar jông. Mắc ca zos zav ntông tir tâu ntux yar, ntux nas, caz tsik nox hiav ntâu thiaz chos siz shơư tâu uô cê, chos chia nzôngr yuôx zêx, cà phê, tsik hiav txos cxuô zav ntông txơưr. Nhiv no, xã muôx 300 ha yuôx zêx thiaz cà phê, pêx xênhv chos tâu si shơưk thiaz tâu sâu nhiax txôngx.

Txix li ntông mắc ca têx txiax njis, xã Mường É tror zaz zâuv pêx xênhv chos ntông mắc ca shơư cxuô zav ntông txơưr zuôr luôs 100 ha ntơưv 2 jok Chiềng Ve thiaz Cả Vai. Đros ntơư, đros cơ quan chuyên môn ntơưv huyện kriz kria nzir tsưr ziv chos saiz shuôk, paz pêx xênhv hâur xã sâu nju nhiax txiax đuô.