Txos thax tsav pak đêx tênhz điện Sơn La hâur têx hnuz no, sơưr ntơưv qox Pá Uôn lox siaz njia đêx lox, pov yênhx puô luz guôx njêk siz txuôk jưk, ntaz blok sâuv blaiv đêx. Tsik pâuz tiv chak thax tsav tus đêx Đà lox ntưk nto thâuv ntêx nhiv no ho tênhs zênhk yênhx iz “iz luz pak Hạ Long nhoz đruôz đrôngs Tây Bắc".

Thax tsav pak đêx đar, muôx yax 2.800 luz guôx njêk tâu uô truôx khor, cxix cxuô ntơưv 24 hợp tác xã thiaz yênhx zis tu, zus tsơưs. Xav hur si têx njêk zus thiaz njêk suô hâur yênhx shông ntơưv xã tâu yax 1.000 tấn, hâur ntơư njêk zus mal tâu 750 tấn. Têx njêk zus ntơưv no muôx ntâu zav, phênhv ntâu zos têx njêk sơưr đơưk khênhr zuôr li njêk rô phi, pok naiz, njêk nox jâus txos trâu têx njêk kaz graix muôs tâu gri siaz li njêk nox jâuz đuz, njêk lăng, njêk chiên. Hâur têx shông lol no, iz chas muôs njêk chiax njêk nhôngk, mal têx HTX thiaz zis nênhs tsênhv kra kruôr thiaz jov yênhx hax huv chia muôs cov tâu gri đuô.

Uô ntêx hlo jov graix njêk thiaz kra kruôr ntơưv Quỳnh Nhai, mal zos zis uô lax luôv Đào Thị Hiếu, tiểu khu 3 nhiv no muôx 2 zav hax huv zos graix njêk jov puôz nduôr thiaz graix nzưv njêk đêx Đà tâu công nhav txâuk chai OCOP 3 luz hnuz kuz. Iz chas ntơư, nưk tsênhv uô trơưk li têx nênhs zuôr siaz nhiav li hmôngr njêk tuôr, chưk ciz, njêk kra kruôr…chia muôs trâu kruô hâur tỉnh thiaz oz chas tỉnh, xav iz luz hli muôs tas zuôr luôs 1 tấn. Niav lâuk Hiếu thav kria: Txix li tsưr ziv paz muôs pêx xênhv thax tsav xã têx njêk thiaz xar cov muôx nzir têx hax huv muôz njêk uô tơưv, zôngx ziv nox, fiv huv ntâu tus nênhs nhiav nox, yax hlo mal mê nhuôv zâuk trơưk li cur njuôk xav, mal zos graix njêk jov, graix njêk nzưv, hmôngr graix njêk… Txix têx hax huv uô no, cur zis nênhs tưz zuôr têx chuôz zênhx yiaz, nhav nxias uô tâu hax huv hur, tâu têx kruô nhiav zuôr thiaz mnôngs kruô ndâux lul haik thiaz xã têx lul kria chia tsik tsês uô tâu jông, muôx flâuz ntiv jông fiv huv.

Cxuô HTX, zis uô lax luôv thax tsav xã cux moz siaz tsưx truôx tsưr ziv zus njêk graix muôs thiaz muôz njêk jov graix, kra kruôr yênhx hax huv. Hâur ntơư, uô ntâu yax mal zos hax huv graix njêk txiar uô yênhx đaiv tsês tủ txiak, njêk ro poz cxa, njêk tép dầu jiaz kruôr, cxuô zav njêk kra kruôr... Iz cxia HTX lox li HTX tsiax đêx Hồ Quỳnh, An Bình, Độ Thiết... phênhv ntâu zos muôs têx njêk kaz graix txơưr hlo thiaz muôx gri li: Njêk lăng, njêk nox jâuz đuz, njêk chiên, mal muôs tâu gri thiaz truôx njês đuô.

Jê lol no, HTX tsiax đêx Sông Đà Xanh tưz njuôk xav, uô tâu yênhx côngz hax huv qir  njêk sinh học. Ntơư zos zav qir uô cuô, tâu muôz têx poz cxa njêk lol sik toz hâu njêk thâuv fais zuôr graix jov thiaz kra kruôr lol vâuv uô tâu. Qir njêk tâu zôngv tor uô cuô chia zưs trâu têx jâuz, ntông nox txir thiaz têx pax. Nhiv no, HTX taz tov uô qir njêk xav tâu 20 tấn hâur iz shông, chia muôs cuô qir njêk trâu têx tsưr vax txir nox, tuz kôngz hâur tỉnh. Dự án cuô qir njêk sinh học “Sông Đà Xanh” txix li têx poz cxa njêk lol sik toz hâu njêk thâuv fais zuôr graix jov thiaz kra kruôr uô tâu ntơưv HTX tâu kruôk zos muôx liv thiaz tưr tâu giải oz ntơưv jâus jâus Tưr suôx câuv “Chuôz jos huôv tsar uô lax luôv” zos Ban saiz car tiểu dự án GREAT 2 ntơưv Hội LHPN tỉnh kriz thâuv hli 4 nhiv kruôr đhâu.

Niav lâuk Đinh Thị Yến, Giám đốc HTX tsiax đêx Sông Đà Xanh, haik kria: Uô cuô qir njêk mal zos nzaz nzơưv têx poz cxa njêk, hnhur njêk, toz hâu njêk lol uô, cê por hưv tâu cêr nyiaz hur, cê muôx qir jông muôs trâu pêx xênhv zưs trâu kôngz lông txir nox. Đhâu luôs hâux lưv paz pox niav ntơưv Hội LHPN tỉnh, pêz xar cov ntu zuôr txos no zuôr kriz đar qơư uô qir, uô lax luôv, muôs tâu gri thiaz paz têx vir ndâuk hâur thax tsav muôx hâux lưv uô.

Đros trâu hâux lưv cxơưz paz, kria têx HTX thiaz pêx xênhv huôv tsar zus njêk, xã Quỳnh Nhai cux moz siaz txos côngz xưv por hưv thiaz huôv tsar njêk đhâu cxênhz yuôx, sox njis hâux lưv suô njêk hâur thax tsav; txưr tsik puz muôz yuôx tuô njêk, điện gruk njêk lol sik vak suô njêk zâu uô tu nôngz. Đros ntơư, kriz ntâu jias tso njêk nôngz cov muôx njêk trâu pak đêx lox.

Zơưs Tòng Xuân Trường, Phó Chủ tịch UBPX xã Quỳnh Nhai, haik pâuz: Quỳnh Nhai njuôk xav, zus tsiax đêx zos iz hâur têx zav paz pêx xênhv suô njêk, nzaz nzơưv têx zav muôx txơưv chia muôx hâux lưv uô, sâu nju nhiax truôx njês. Xã muôx tsưr ziv tror tsưx truôx thiaz uô jông đuô têx hax huv OCOP zos muôz njêk uô tâu thiaz đros têx ngành, đơn vị, tsêr luôv njuôk xav, uô tâu têx hax huv tsiax đêx trâu ntu zuôr txos. Đros ntơư, moz siaz lês jông têx hâux lưv cxơưz paz, fuô kria, siz chos paz HTX thiaz pêx xênhv muôs hax huv njêk.

Hâux lưv zus njêk suô njêk hâur đêx đros trâu uô tơưv têx hax huv yiaz, zuôr paz trâu saz zus tsiax đêx thiaz suô njêk ntơưv Quỳnh Nhai sâu nju nhiax. Zus njêk đros trâu uô tơưv hax huv, cxơưz têx hax huv muôz njêk uô tơưv muôs tâu gri đuô chia hâux lưv huôv tsar zus tsiax đêx thax tsav pak đêx lox truôx njês./.