Nhiv no, huyện Sông Mã muôx 75 hợp tác xã, muôx zuôr luôs 800 thành viên, lês hâux lưv trâu saz kôngz lông - chos jông - tu zus tsiax đêx, hur si pênhr nhiax lês hâux lưv 100 tỷ đaiv. Tuôr xav sâu tâu 1 tỷ đaiv/HTX/shông. Pos Lò Thị Bạch, Thơưx phòng Kôngz lông thiaz Môi trường huyện, haik pâuz: Têx HTX zos qơư zov chênhr hâur hlôngr tsưr ziv uô kôngz lông, tu zus tsiax cxu, sir zôngv tsưr ziv yiaz lok uô kôngz lông. Hur si huyện nhiv no muôx 52 HTX chos ntông nox txir trơưk VietGAP, xav qơư chos yax 982 ha, đê tâu yax 14.400 tấn; 1.000 ha ntông nox txir trơưk tsưr ziv jông; 1.000 ha chos trơưk faz hữu cơ; tsưx truôx 50 mã số kria pâuz qơư chos, hâu ntơư, 12 mã số kria pâuz qơư chos chia muôs muk trâu têz qơưk Mỹ; 25 mã kria pâuz qơư chos lưv tsiz, mor môngk chia muôs muk trâu Trung Quốc; 13 mã muôs muk trâu têz qơưk Úc, New Zealand, hur si qơư chos yax 710 ha.

Pâuz tâu têx nênhs sir zôngv siaz nhiav, têx HTX tưz moz siaz hlôngr yiaz têx tsưr ziv lês hâux lưv; moz siaz siz khov txix li tuz kôngz thiaz tsêr luôv, đros trâu 8 thax qơư siz khov huôv tsar hax huv; 31 kror qơư muôs hax huv hur; 10 mã số kria pâuz qơư chos, đros trâu yax 182 ha; cxơưz paz cxaz nzir hur si têx qơư tâu muôz ntơưr chứng nhận VietGAP txos yax 600 ha; 72 ha ntông nox txir sir zôngv tsưr ziv tsuôk tsik xuôv đêx; cxiv tsa 5 hax huv OCOP.

HTX Dịch vụ kôngz lông Bảo Minh, xã Chiềng Khoong, muôx 13 thành viên, chos 50 ha ntông nox txir, phênhv ntâu zos lưv tsiz, mor môngk, lưk pax. Hur si têx qơư chos ntông nox txir hâur HTX chos trơưk VietGAP, xav đê tâu 350 tấn/shông, têx txir tâu muôs hâur têx ciaz khư hâur têz qơưk thiaz muôs muk trâu têz qơưk Trung Quốc. Chiv txir lưv tsiz shông 2024, HTX sâu tâu yax 3,5 tỷ đaiv, paz muôx hâux lưv uô trâu yax 150 lênhx nênhs uô nuv hâur jêx jok; fênhx đraz têx thành viên sâu tâu zuôr 300 triệu đaiv/shông.

Zơưs Lê Danh Phúc, Phó Giám đốc HTX, haik pâuz: HTX moz siaz cxiv tsa côngz bê, cxiv tsa kria pâuz qơư chos, siz khov đros tsêr luôv, têx ciaz khư lox chia muôs. Hâur ntu zuôr txos, HTX kriz đar qơư muôs, chos luk siz khov đros têx đơn vị muôs hax huv chia cov muôx qơư muôs truôx njês trâu trâu têx txir.

HTX Dịch vụ kôngz lông Toàn Thắng, xã Nà Nghịu zos têx cựu chiến binh luô tsưr, taz tov tsi njênhk tâu qơư sơưr zov chênhr hâur faz tsưr ziv chos ntông nox txir. Nhiv no, HTX muôx 17 thành viên, chos 45 ha lưv tsiz, mor môngk, lưk pax, iz shông muôs tâu zuôr luôs 400 tấn txir trâu têx nênhs sir zôngv.

Zơưs Dương Tự Thanh, Giám đốc HTX Dịch vụ kôngz lông Toàn Thắng, thav pâuz: HTX tưz muôz nhiax cxiv puôz tsêr kra kruôr, paz trâu hax huv muôs tâu gri đuô, cxaz nzir six hơưv tsês, kriz đar qơư muôs hax huv. Hax huv mor môngk kra kruôr ntơưv HTX tâu công nhận OCOP 3 luz hnuz kuz. Iz chas ntơư, HTX tsênhv zuôr kok ntông, poz cưk chia muôs trâu têx tsêr mair hâur tỉnh thiaz oz chas tỉnh.

Hợp tác xã zênhv hnuz zênhv tsi njênhk tâu qơu sơưr zov chênhr hâur huôv tsar nhiax txiax - xã hội ntơưv huyện Sông Mã, paz trâu têx thanh viên sâu nju nhiax txiax, luz nênhx tâu jông đuô; cxơưz paz cxiv kho đuô têx qơư uô kôngz lông trơưk faz tâu jông, truôx njês.