Ntu 2021-2025, tỉnh Sơn La tưz fuô lês Cêr chai Sở hữu trí tuệ, tâu ntâu zav hâur luôs hâux lưv saiz car jông. Hâur ntơư, tỉnh tưz kriz 92 lưv cơưv hội đồng, công nhav 181 faz tsưr ziv nthuôr phaz nzưr, paz max tsa têx ntơưr kria mênhx qơư uô tơưv 62 zav huv zos kôngz lông, 69 zav huv txơưr. Lar haik mak, tsi njênhk huôv tsar pênhr xưv tsưr ziv txơưx njê đhâu phênhv shuôv khoa học thiaz công nghệ, chia chos luk zôngv têx ntơưr por hưv bê lax luôv chứng nhav kôngz lông jông, li: Txir xaz lênhx tsar, mắc ca, pôngr lux Sơn La, yuôx zêx Tà Xùa Bắc Yên, muôx ntơưr kria mênhx qơư chos txir mo môngk Yên Châu thiaz bax chos luk zôngv ntơưr por hưv bê lax luôv "Sơn La" hâur cêr luôv Trung Quốc por hưv txir mo môngk thiaz lưv tsiz. Sir zôngv khoa học công nghệ paz max, cxiv tsa têx thax tsav chos ntâu uô cê trơưk chai VietGAP, GlobalGAP thiaz têx chai jông iz zav, bax tu trơưk hướng hữu cơ thiaz zôngv kỹ thuật tu txir, yiz chês, cov txir txi ntâu fâuv siz hlôngr, muôs tâu gri.

Txos nhiv no, thôngz tỉnh tưz muôx 29 zav hax huv zos kôngz gra bê tỉnh tưz tâu Cục Sở hữu trí tuệ muôz ntơưr tso chai por hưv, tsar 8 zav njuôk li shông 2020, muôx: 3 zav tâu kria mênhx qơư chos, 23 bê chứng nhav thiaz 3 bê lax luôv sơưr đơưk tus. Lar haik mak, têx kôngz ntơưv tỉnh tsik zos tâu ntơưr por hưv hâur rêz qơưk xưz, tsênhv muôx 2 zav huv tâu por hưv têz qơưk đrâuk, ntơư zos yuôx zêx Shan tuyết Mộc Châu tâu por hưv ntơưv Thái Lan, hax huv yuôx zêx Shan Tuyết thiaz txir mo môngk khênhx Yên Châu tâu tsênhv tâu por hưv trơưk cêr luôv châu Âu trơưk Hiệp định lax luôv siz chos luk zos Việt Nam (EVFTA) ntơưv Việt Nam thiaz liên minh Châu Âu.

Thôngz tỉnh muôx yax 4.000 ha ntông nox txir tâu chos zôngv car tso đêx zưs; 5.596 ha ntông nox txir chos trơưk chai VietGAP, GlobalGAP; 8.217 ha tu trơưk hữu cơ; yax 19.200 ha cà phê tâu chứng nhav trơưk chai 4C, UTZ thiaz têx chai jông iz zav ntơư. Công nhav 9 thax qơư chos kôngz zôngv chuôz zênhx jông zos hax huv tsênhv chênhz, li: yuôx zêx, zus nhux mik, cà phê, na, txir mo môngk, lưv tsiz, txir khơưz kaz jiz; cxiv tsa bê lax luôv muôx 308 paz nênhs siz khov hur, 218 mã thax tsav chos yax 3.142 ha; tsa 241 zav huv OCOP cấp tỉnh thiaz têz qơưk.

Hâur têx shông lok no, "Cà phê Sơn La" tror huôv tsar đar, muôx bê lax luôv thôngz cxuô qơư hâur ntiax têz. Txos nhiv no, tưz muôx 7 tổ chức tâu Cục Sở hữu trí tuệ tâu vax huôv sir zôngv ntơưr kria mênhx qơư chos, li: Công ty cổ tu cà phê Sơn La, Công ty cổ phần Phúc Sinh Sơn La, Công ty cổ phần Tập đoàn Minh Tiến-Chi nhánh Sơn La, HTX Bích Thao Sơn La, HTX Aratay Coffee...

Niav lâuk Cầm Thị Mòn, Giám đốc HTX Aratay Coffee, xã Mường Chanh, haik: Tâu tso chai sir zôngv ntơưr kria qơư chos “Cà phê Sơn La” zos iz thênhv zov chênhr paz HTX, tsik zos côngk nhav zuk têx hax huv jông xưz tsênhv paz pêz truôx siaz siz khov muôs muk oz chas têz. Hax huv cà phê tâu uô jông tu cias HTX Aratay tưz tâu tuz luôv xair huv yax xair zuôr. Shông 2024, HTX tưz muôs 10 tấn cà phê njiaz cxuô zav. Tus gri muôs tâu truôx njês paz têx thành viên HTX luz nênhx jông yax. Pêz chos luk zuôr tror uô jông tu trơưk chai jông chia tsưx hưv thiaz yôngv bê lax luôv cov jông đuô.

Por hưv bê lax luôv tsik zos zôngv chai xưz, tsênhv zos “Kror hlôngr yiaz" chia têx kôngz jông ntơưv Sơn La muôx bê hâur têx kôngz jông ntiax têz.