Jâus piz muôx đồng chí Nguyễn Thành Công, Phó Chủ tịch UBPX tỉnh; thơưx car Tổng Công ty Hàng không Việt Nam; thơưx car iz cxia sở, ban ngành ntơưv tỉnh; UBPX huyện Mai Sơn, xã Cò Nòi thiaz têx hợp tác xã, thành viên ntơưv  hợp tác xã chos txir plâux thax tsav xã Cò Nòi.

Shông 2025 zos shông tiv 2 tỉnh Sơn La lês Biên bản “Chos lul tas nro ntơưv UBPX tỉnh Sơn La đros Tổng công ty Hàng không Việt Nam ntu 2024-2028. 

Chiv txir plâux shông 2024 - 2025 tỉnh pêz chos tâu 743,2 ha, xav têx txir zuôr đê tâu yax  9.369 tấn, têx txir muôs zuôr tas li 2.094 tấn zov chênhr nhoz ntơưv têx huyện Mai Sơn, Mộc Châu, Yên Châu. Ntơưv huyện Mai Sơn muôx 557,4 ha txir plâux, đê tâu li 7.506 tấn. 

Txir plâux Sơn La txâuk têx cêr chai xav: Sir zôngv qir hữu cơ trâu, tsik muôx moz, tsik muôx yuôx por hưv đrox tsuôs, tâu hlơưr tsov caz moz nhoz đros, muôx ntơưr chứng chỉ nhaz xênhz kar nox ntơưv cơ quan muôx vax huôv thiaz pâuz qơư uô tơưv, chok nxiak kaz, hur, txâuk têx chai muôs hâur têz qơưk thiaz oz chas têz qơưk. 

Fuô luk ntơưv jâus piz muôz txir, đồng chí Nguyễn Thành Công zok trâu Trung tâm Cxơưz paz cxiv tsa, Lax luôv thiaz Nuôv zax đros Tổng công ty Hàng không Việt Nam kriz saiz mông, đuôz txos têx qơư muk txos, cxênhx xưv nuôv zax, têx hâux lưv đros oz chas têz qơưk siz thav, txux chi, cxơưz paz cxiv tsa, lax luôv yênhx shông ntơưv tỉnh chia paz yâu mông sâuv têx ntâuz ntơưr ntơưv Vietnam airlines; têx cxênhx xưv cxơưz paz nuôv zax hâur zuk thiaz oz chas têz qơưk thiaz iz cxia cơ quan hlôngr njêx muôs ntơưv Vietnam airlines ntơưv iz  cxia têz qơư zos cêr pâur muôs zov chênhr muôx cêr yêz za tâu Vietnam airlines kriz txos ntuô pov njôngr; kria têx huv nuôv zax txơưr hlo, têx cxênhx xưv grâuv pax, huv OCOP, kôngz lông hur ntơưv tỉnh Sơn La.

Ntơưv jâus piz muôz, yax 500 chiaz txir plâux Sơn La tưz tâu tỉnh Sơn La zok choz trâu Tổng công ty Hàng không Việt Nam chia kria, yâu mông sâuv têx lưv yêz za ntơưv Vietnam Airlines paz max têx kruô sir zôngv.