Niav lâuk Đinh Thị Mây, Giám đốc Hợp tác xã Kiên Cường zos iz lênhx xuz chos txir lê Tai Nung ntơưv Phiêng Khoài txix shông 2014. Niav lâuk Đinh Thị Mây haik: Thâuv cur muôz zuz txir lê lok chos ntơưv no, ntâu lênhx tưz đros cxơưx tsav tsik yênhx côngz. Cê chos, cê cơưv tsưr ziv, têx txir lê xuz chos chiax thiaz hloz jông, txi txir ndư. Txos nhiv no, tưz chos tâu yax 6 ha, xav iz chiv đê tâu yax 35 tấn txir, tsar yax 30% njuôk li shông uô ntêx, iz chiaz muôs tâu txix 25.000-50.000 nhiax, sâu tâu yax 900 triệu nhiax.

Txir lê Tai Nung ntơưv Phiêng Khoài jông gâux, khênhx siz luôs, tơưr nhiak, nox gis thiaz kaz jiz txơưr hlo. Lê tơưs pax trâu luz 2 hli, siar trâu thâuv luz 5 hli gris tax txos luz 7 hli đra, kruô nhiav viv kaz jiz, nox lax siaz, viv trâu qir hữu cơ tas nro.

Hợp tác xã Kiên Cường muôx 10 lênhx, siz khov chos yax 60 ha lê. Chia cov muôs tâu gri, HTX lênhk zuôr lok xair lox, zâu nhiak trâu nhiak, lo ntơưr kria qơư chos thiaz paz pêx xênhv muôs đhâu cêr luôv điện tử. Shông 2024, HTX tưz muôs yax 100 tấn lê muk thôngz têz qơưk.

Tix lâus Lê Văn Đức, zos tuz luôv nhoz Hà Nội, tưz siz khov zuôr yax 3 shông ntơưv Phiêng Khoài, haik: Cur pâuz têx lê Tai Nung đhâu têx fôngx zưs kria. Thâuv nox siv, kaz lax siaz thiaz gis. Txix ntơư, cur tưz tuôx nus ti gâuk ntơưv xã, chos luk zuôr têx txir ntơưv Hợp tác xã Kiên Cường, fênhx đraz iz chiv zuôr yax 20 tấn txir.

Njuôk tsov tâu cêr lax luôv, lê Tai Nung tưz tâu muôs đhâu Tiktok, Buudien.vn… tsik zos paz pêx xênhv chos txir lê xưz tsênhv tâu gri. Nhiv no, têx kruô lok six chênhr phax têx huv zuk zuôr tsuv pâuz qơư chos kror tưs. Phix huv tưs cux muôx mã QR kria mênhx qơư chos, tâu chos luk tu hur, li ntơư, zênhv hnuz zênhv tâu kruô nhiav thiaz njênhs.

Chia huôv tsar truôx njês, pêx xênhv tưz siz khov trơưk cov têx ziv chos lê uô jông tu, zôngv qir hữu cơ, li ntơư têx lê hur. Zơưs Bùi Văn Quân, Phó Chủ tịch UBPX xã Phiêng Khoài, huyện Yên Châu, haik: Thôngz xã nhiv no muôx yax 70 ha lê, shông no zuôr đê tâu yax 150 tấn txir. Nhiv no, 70% txir lê tưz muôx đơn vị, tus khênhx chos luk muôs đhâu cêr luôv điện tử. 

Lê Tai Nung tâu xav mênhx zos zav ntông nox txir zov chênhr chos fiv huv đêx ar, huôz chuô, paz pêx xênhv txo cêr pluôs. Xã tưz đros Phòng Kôngz lông thiaz Môi trường huyện Yên Châu chia huôv tsar ntâu yênhx thax tsav. Fuô chai cxiv tsa cêr nuôv zax kôngz lông thâuv tơưs pax thiaz đê txir lê; chox muk muôs ntơưv têx jias kriz ciaz chia gruô hu têx tsêr luôv cxưx nhiax uô qơư tu pêx xênhv têx txir nox cov muôs tâu gri.