Txix li đêx ar thax tsav muôx txơưv, xã Phổng Lái xair tsov chos yuôx zêx cov sâu nju nhiax txiax. Txix shông 2018, têx yuôx zêx tâu muôz ntơưr lo chiv “Yuôx zêx Phổng Lái Thuận Châu”, đros trâu têz chos yax 600 ha, muôx hâux lưv uô trâu yax 2.000 tus nênhs uô nuv, paz txo tâu cêr pluôs thiaz cxơưz pêx xênhv luz nênhx tâu jông.

Pos Nguyễn Thị Bình, Phó Giám đốc HTX Bình Thuận, thav pâuz: Tsi njênhk công bê “Yuôx zêx Phổng Lái”, HTX huôv nzir côngz bê lax luôv  “Yuôx zêx Trọng Nguyên - Phổng Lái Thuận Châu”, tâu OCOP 4 hnuz kuz cấp tỉnh shông 2019 thiaz tâu côngk nhav huv công nghiệp jêx jok nto mông cấp têz qơưk shông 2021. Chia cov tsưx truôx côngz bê lax luôv, HTX kria tuz kôngz uô tơưv trơưk faz hữu cơ, sir zôngv txơưx  fiv tsưr ziv, kriz đar thax tsav chos jê 500 ha thiaz khov yax 400 ziv chos yuôx zêx hâur zuk thiaz luôs tỉnh. Yênhx shông, HTX uô tâu txix 400-500 tấn yuôx zêx, muôs trâu cêr luôv Đài Loan.

Shông 2017, Cục Sở hữu trí tuệ (Bộ KH&CN) muôz Ntơưr chênhr nhav kria qơư chos trâu cà phê Sơn La, kriz tâu cêr muôx liv siz tưr yiaz trâu huv uô tâu. Nhiv no, HTX Cà phê Bích Thao zos iz hâur 8 đơn vị tâu muôz vax huôv sir zôngv kria qơư chos tơưv. Zơưs Nguyễn Xuân Thao, Giám đốc HTX, thav pâuz: Kria qơư chos tơưv tưz muôx truôv lox hloz txix li zuôr, uô  tơưv thiaz tso  vax huôv muôs trâu luôs têz qơư, HTX tưz muôx jâus muôs cias tiv njêx muôs trâu luôs têz qơư têx cà phê nôngz. Txix shông 2019 txos nhiv no, HTX khov yênhx puô ziv tuz kôngz  cxiv kho qơư chos jê 1.000 ha, uô tơưv cà phê kaz txơưr hlo, fiv huv cêr xair luôv li EU, Nhật Bản, Hàn Quốc. HTX cux huôv nzir 2 zav huv OCOP zos cà phê hmôngr tsênhv cuôz, zos tiz zav huv ntơưv tỉnh tâu 5 hnuz kuz têz qơư; yuôx zêx tơưr cà phê tâu 4 hnuz kuz cấp tỉnh.

Tuôr xav tsar nzir cêr siz tưr, huv kôngz txir tsuv muôx ntơưr lo côngz bê, qơư uô tơưv mênhx pêv, têx shông đhâu, tỉnh tưz fuô lês siz luôs jok têx tsưr ziv por hưv côngz bê, qơư chos tơưv, huôv nzir côngz bê lax luôv đros đraiv qơư thiaz cxiax cxênhv iz xã iz zav huv.

Pos Cầm Thị Phong, Phó Giám đốc Sở Kôngz lông thiaz Môi trường, thav pâuz: Cxiv tsa côngz bê lax luôv đros trâu uô jông têx huv, Sơn La tưz huôv tsar uô tơưv trơưk faz hữu cơ, tsa yênhx 9 thax tsav kôngz lông chuôz zênhx jông; 216 ntơưr chiv lêx qơư chos thiaz 8 ntơưr chiv lêx qơư ntiv uô poz muôs trâu luôs têz qơư têx huv li lưv tsiz, mo môngk, mắc ca, chaz thox hmaz, đros trâu têz qơư yax 3.140 ha. Tỉnh cux gruô hu cxiv tsa 560 luz tsêr máy, qơư jov uô. Nhiv no, hur si tỉnh muôx 214 zav huv OCOP; lês trơưr 262 zav huv kôngz lông hur, muôx hâux lưv uô trâu yax 11.000 tus uô nuv thiaz haik tsênhz qơư uô kôngz lông trâu cêr pâur muôs.

Têx nuv uô cxơưz lax luôv hâur zuk thiaz luôs têz qơư tâu fuô siz luôs jok, cxuô zav, paz tsêr luôv thiaz HTX kriz đar cêr pâur muôs. Sir zôngv hlôngr số thiaz chuôz  zênhx jông paz txuôk chuôs, muôz kôngz lông tso trâu têx jông ciaz, đruôz đrôngs pâur uô luôv thiaz tsêr thaz nzưr zôngx ziv hâur têz qơư. Ntơưv cêr luôv ntiax têz, tỉnh tưz uô ntâu tsar zav hlôngr, kriz đar muôs trâu luôs têz qơư, ndo njôngr zok nriar cêr pâur muôs yiaz; txos nhiv no, tưz kria thiaz muôs trâu luôs têz qơư 17 zav huv kôngz lông, huv trâu 21 luz têz qơư thiaz thax tsav trôngx têz, tsar 5 cêr pâur muôs njuôk li shông 2020.

Cxiv tsa côngz bê lax luôv tsik zos yôngv siaz nux gri kôngz lông Sơn La mak tsênhv zos truôv hla tsênhv cov tâu chia muk trâu ntiax têz, haik tsênhz jux juk qơư sơưr, kriz tâu cêr tênhv tov kaz trâu kôngz lông zuk thax tsav.