Hâur cêr shir phaz thôngx siaz, thơưx car Sở Kôngz lông thiaz huôv tsar jêx jok Sơn La lok sik jông siaz, tâu tok Paz nênhs tuôx thiaz fuô kria cêr lês têx hâux lưv lok sâuv huôv tsar kôngz lông thiaz huôv tsar jêx jok thax tsav tỉnh Sơn La ntu 2020-2023 thiaz têx hâux lưv siz khov đros 3 tỉnh Hủa Phăn, Luông Pha Bang, Luông Nặm Thà.

Têx shông đhâu, Sở kôngz lông thiaz huôv tsar jêx jok tỉnh Sơn La tưz tsik tsês đros oz chas têz qơưk lês jông hâux lưv siz khov, siz nus têx tsưr ziv hâur saz kôngz lông, jêx jok đros têx tỉnh têz qơư Lok Tsuôk. Txix shông 2020 txos nhiv no, Sở Kôngz lông thiaz huôv tsar jêx jok  tỉnh Sơn La tưz kria nzir tsưr ziv thiaz paz tỉnh Hủa Phăn yax 17.900 tsoz kôngz; hâur ntơư, 5.330 tsoz mo môngk, yax 10.400 tsoz txir lưk pax thiaz yax 2.170 tsoz txir lưv tsiz siar lis. Têx txir nox tâu paz tưz hloz huôv thiaz txi txir piz tâu đê txir. 2 sở tưz kriz siz nus têx côngz xưv côngv por hưv, huôv tsar jôngr thiaz phax tar tuô hluôr tơưk cuz jôngr thax tsav đriv têz Sơn La - Hủa Phăn shông 2023.

Ntơưv jâus uô hâux lưv, thơưx car Sở Kôngz lông têx tỉnh: Hủa Phăn, Luông Pha Bang, Luông Nặm Thà (têz qơưk Lok Tsuôk ) tưz uô tsâus txos kror tok taz tsiv txiax los ntơưv Sở kôngz lông thiaz huôv tsar jêx jok tỉnh Sơn La. Đros ntơư, tok nrư tsik tsês tâu siz khov, siz nus mông lok sâuv kôngz, txir ntông; tsik so kriz têx paz côngz xưv siz njiz, siz nus tsưr ziv, shuôk têx qơư uô kôngz lông, siz chos cxiv kho, siz trâus jông đuô cêr siz khov lox hloz,  cêr thôngx siaz txơưr hlo thiaz siz côngv tas nro ntơưv têx tỉnh têz qơư Lok Tsuôk đros tỉnh Sơn La zênhv hnuz zênhv truôx khor thiaz tsik tsês huôv tsar.