Qơư nthuôr muôs muôx têx qar tsêr huv ntơưv Công ty CP Phúc Sinh Sơn La, Trung tâm tu jông jâuz txir Doveco Sơn La, Công ty TNHH Yuôx zêx Mộc Sương. Tsik tas li, Trung tâm tsênhv đros têx hợp tác xã nthuôr muôs ntâu kôngz txir nox nhôngk thiaz huv tu jông kaz txơưr hlo li: Na, vú sữa hoàng kim, chuôz thox hmaz, bơ, xaz lênhx tsar, mok mix, hồng gis, yuôx zêx cascara, hmôngr cà phê đo shơư đêx hâuk, txir khơưz, mo môngk, tsơưz kra kruôr... Chor huv tưz tâu uô jông xair tsov, kria pâuz têx kror uô tâu txix ntâu hâux lưv huôv tsar kôngz lông sir zôngv chuôz zênhx jông, huôv tsar kôngz lông hur thiaz cêr sik tưr OCOP hur si tỉnh.

Nthuôr muôs qar tsêr huv hâur ntu kriz Đại hội tsik zos paz cxơưz trâu cxênhx xưv no muôx txiax njis lok six zov chênhr xưz mak tsênhv zos jias kria pâuz têx hâux lưv uô tâu hâur hlôngr yiaz, muôx phaz nzưr, huôv tsar kôngz lông, jêx jok truôx njês ntơưv tỉnh Sơn La đros trâu txuôs jông txux chi cênhz cưv thiaz kria cxuô kror qơư pâuz nuôv zax thax tsav. Đhâu yênhx qar tsêr huv, đuôz Sơn La đrơưk đrôngk, muôx ntâu kror muôx liv tâu kria pâuz mênhx pêv đuô, đros ntơư nhav nxiak zos faz tsưr ziv tâu lês ndax fiv hâur cê huôv tsar nhiax txiax thiaz txuôs jông pêx xênhv cxuô hair nênhs txux chi.