Thâuv hâu shông, Ban Chox car uô tơưv, uô tsês, pâur muôs, muôs trâu luôs têz qơư têx kôngz txir tỉnh Sơn La (Ban Chox car 598) tưz ndo njôngr côngv đơưk têx chor nhov, cxơưz uô tơưv, uô tsês thiaz pâur muôs kôngz txir trâu tuz kôngz, yax hlo mak txos chaix sâu. Kriz ntâu jâus uô nuv ntơưv qơư uô tơưv, fuô lês têx cxiax cxênhv cxơưz paz cêr luôv, li jâus Mega live ciaz trơưk chaix OCOP pâur muôs txir nkhơưz kaz jiz Phiêng Khoài; yâu mông têx kôngz txir đhâu têx cxênhx xưv txux chi, muôz txir plâux, txir nkhơưz kaz jiz tso trâu têx lưv yêz za VietNam Airlines thiaz têx jông ciaz Saigon Co.op, BigC, WinCommerce. Trâu siaz lês  Têx hnuz kriz muôs txir nkhơưz kaz jiz thiaz kôngz txir Sơn La ntơưv Hà Nội, TP Hồ Chí Minh; muôx njêx muôs ntơưv 14 luz ciaz kriz, tso tênhz hâur zuk thiaz luôs têz qơư, kriz cêr luôv zuôr muôs kôngz txir. Đros ntơư, sir zôngv chuôz zênhx, kria tsêr luôv muôz têx huv tso sâuv tsar uô luôv điện tử thiaz kriz cơưv nzir tsưr ziv livestream.

Iz chas ntơư, tror chox car têx thax tsav, HTX đros têx tsêr luôv lês trơưr uô tơưv, chok nxiak thax tsav muôx jâuz, kol txir trâu têx tsêr máy lox jov li Doveco, Nafoods, ICFood; paz ntâuz ntơưr chai têz qơư cik txos thax tsav chos, qơư ntiv uô poz  thiaz uô hâux lưv siz khov ntiax têz.

Zơưs Vũ Tiến Đĩnh, Phó Giám đốc Sở Kôngz lông thiaz Môi trường tỉnh, thav pâuz: Cov txâuk chai muôs trâu luôs têz qơưk, Sở tưz chox car sox njôngr ntov mã số thax qơư chos, đros Cục Chos kôngz thiaz Por hưv kôngz ntông, cơ quan têz qơư zuôr cxênhz yuôx thax chos, qơư ntiv uô poz thâuv khov ntiv.Đros ntơư, saiz ntâuz ntơưr thax chos, qơư ntiv uô poz trâu têx qơư têz qơưk, kria têx uô tsưr sir zôngv sâu nyik điện tử hâur faz tsưs farmdiary.online chia saiz car thax chos trơưk six hơưv mênhx pêv. Nhiv no, hur si tỉnh lês trơưr 216 mã số thax chos, hâur ntơư  muôx 211 mã paz muôs trâu luôs têz qơư, jê 2.912 ha; 16 mã paz saiz car kor jông hâur zuk têz qơư thiaz 8 mã qơư ntiv uô poz têx txir mo môngk, lưv tsiz, chaz thox hmaz, mắc ca...

Uô cov jông toz tâu xav zos zuôv six chia yôngv siaz gri kôngz txir.Cxênhx xưv Công ty CP Kar nox muôs luôs têz qơư Đồng Giao (Doveco) tưz kriz muôz lok zôngv lês uô têx tưx taik ntơưr trâu jâuz txir đros chuôz zênhx Thụy Điển (Tetra Recart) xuz thơưx ntơưv Việt Nam tâu đhok trâu ntơưv Trung tâm Uô jâuz txir DOVECO Sơn La.

Zơưs Đinh Cao Khuê, Chủ tịch HĐQT, Tổng Giám đốc Công ty CP Kar nox muôs luôs têz qơưk Đồng Giao, thav pâuz:Têx chuôz zênhx uôTetra Recart đas jos uô tâu 6.000 taik/six, paz truz ntêr six hơưv por hưv, tsưx tâu kror tsư ha li kuz, tus gri muôx cuôz, fiv huv txox chai têx qơư zuôr xair luôv. Txix hâu shông txos nhiv no, Trung tâm tưz zuôr, uô tsês 10.775 tấn jâuz, kol, txir, li: 4.125 tấn mo môngk; 4.000 tấn txir pôngr lux; 350 tấn chuôz thox hmaz; 750 tấn poz cưk kaz jiz; 50 tấn tâuv pâur thiaz 1.500 tấn jâuz kol txơưr.

Hâur 7 luz hli đhâu, hur si tỉnh tưz muôs tas yax 277.100 tấn txir, tâu 54,4% cêr xav hâur shông, sâu tâu yax 2.896 tiv đaiv nhiax. Iz cxia txir zov chênhr muôs tâu ntâu, li txir nkhơưz kaz jiz yax 100.000 tấn, sâu tâu jê 1.000 tiv đaiv nhiax, hâur ntơư 2,5 tấn muôs trâu EU; mo môngk 94.312 tấn, txênhz 94,3% cêr xav hâur shông, tâu yax 570 tiv đaiv nhiax; txir tsơưz 41.010 tấn, sâu tâu yax 160 tiv đaiv nhiax;  lưv tsiz tsik trơưk chaix ntơưv Sông Mã tâu 9.308 tấn.

Đồng chí Nguyễn Thành Công, Phó Chủ tịch UBPX tỉnh, Thơưx ban Chox car 598, thav pâuz: Sơn La tror sir jos sir zôngv txơưx fiv chuôz zênhx, huôv tsar muk toz cxuô zav kôngz chos, yôngv siaz uô tơưv huv kaz, cxơưz cxiv siz khov ntơưv tuz kôngz, tsêr luôv thiaz nênhs xav txơưx fiv cêr xav, kria tok txos faz uô kôngz njuôz hur, truôx njês. Zov chênhr mak sâu kôngz txir, muôs zênhx max txir lưv tsiz  chiv tsênhv chênhz, saiz car thax qơư chos txir thiaz tsik so cxơưz cêr uô lax luôv.

Txix li sir jos chox car, têx tsưr ziv siz luôs jok lok sâuv cxơưz cêr uô luôv, uô tsês jông thiaz saiz car ntov tưz paz yôngv siaz nux gri kôngz txir; đros ntơư, kriz cêr lox hloz trâu tuz kôngz, tsêr luôv ntơưv tỉnh, muôz ntâu kôngz txir Sơn La muôs trâu cêr luôv ntiax têz.