Tỉnh pêz tưz chox car têx ngành muôx vax huôv, thax tsav tsik so cxơưz cêr lax luôv; paz têx ziv nênhs huôv tsar kôngz lông, uô lax luôv cxiv tsa qar tsêr huv trâu têx qơư uô luôv điện tử; sox njôngr, pâuz mênhx jias kriz kror trôngx ntơưv têx trôngx lôngs đriv têz chia kria trâu têx đơn vị, tsêr luôv huôv tsar kôngz lông, uô luôv hâur thax tsav pâuz. Muôs hax huv trâu oz chas têz hur si tỉnh 7 luz hli sâu tâu 106,8 triệu nhiax đô la, tsar zuôr luôs 19,6% njuôk li chaix no tsaiz no. Têx huv muôs trâu oz chas têz qơưk phênhv ntâu mak zos: Xi măng thiaz clinker, cà phê, yuôx zêx, huv uô tơưv txix kok ntông, txir tsơưz, mo môngk, chuôz thox hmaz… muôs trâu têz qơưk Trung Quốc, đuô li mak muôs trâu têx têz qơưk Nhật Bản, Hàn Quốc, Đức, Mỹ, Phaz Cir, Pakistan, Afghanistan...