Txix li têx tsưr ziv jê 40 shông chos txir nkhơưz kaz jiz, zơưs Nguyễn Khánh Toàn, jok Hang Mon 1, xã Phiêng Khoài, huyện Yên Châu pâuz tsênhz chaix lox, hloz ntơưv cxuô zav caz, hmoz hiav kôngz, txir chos. Ntu no, txir nkhơưz kaz jiz tsênhv muôx njik mok, đhâu yuôx, zơưs pov nưk ziv nênhs têx txir nkhơưz kaz jiz muôx hmoz đơưz ndê. Zơưs Toàn kria pâuz: Cur tưz txiar têx chês, blôngx ndê hmoz por tsês, tsik chia hiav nzir ntâu têx txir nkhơưz kaz jiz. Đros ntơư, ruôr yêv têx qơư njâuv nhoz đros hmoz. Sir zôngv têx yuôx đrox tsuôs trơưk lưv ciz  4 zos thiaz chok nxiak hnuz nhôngs siz đrus.

Zơưs Vũ Hải Yến, Giám đốc Trung tâm Dịch vụ kôngz lông huyện Yên Châu, kria pâuz: Sha hnuz, đơn vị txiz cán bộ muk yuôx, fuô kria pâuz têx caz, hmoz; kria px, HTX têx tsưr ziv tu saiz, phax tar trâu yênhx zav kôngz, txir chos.Xav li têx thax tsav chos ntông nox txir trơưk VietGAP, pêz kria tuz kôngz sir zôngv cxuô zav qir tuô caz, hmoz  trơưk chai tsik chia hiav txos têx kôngz, txir. Xav li têx ntông nox txir, thâuv tưz txi txir zâu, tsuv đê têx txir tsik jông por tsês,tsik so cxênhz yuôx caz hiav chia muôx tsưr ziv phax tar zênhx max, chok nxiak txir jông gâux, kaz.

Ntơưv huyện Mai Sơn têx ntông nox txir, li: Mo môngk, lưv tsiz, txir lưk pax tưz pov muôx iz caz hmoz , li: Txaix blôngx, caz trâuk ndê, ndê hmoz đơưz, caz tho chês, hiav siz baus 0,2-0,5%  têx ntông mo môngk, lưv tsiz, lưk pax... Zơưs Vũ Văn Hưởng, Giám đốc Trung tâm dịch vụ kôngz lông  huyện, thav pâuz: Chia cov ntông hloz, huôv jông, Trung tâm tưz tsik tsês cxênhz yuôx, sox njôngr thax tsav thiaz xav fuô kria têx zav hiav txos kôngz, ntông chos. Hâu shông txos nhiv no, tưz kriz 33 jâus cơưv nzir tsưr ziv phax tar caz, hmoz hiav cxuô zav kôngz, txir trâu zuôr luôs 1.300 lưv tus tuz kôngz.

Hur si tỉnh nhiv no muôx yax 82.000 ha ntông nox txir.Trơưk cxênhz yuôx caz hmoz hiav kôngz, txir chos ntơưv têx cơ quan chuyên môn, nhiv no muôx 100 ha txir mo môngk, lưv tsiz, ntông nox txir uô txâux mas caz , hmoz hiav, li: Caz trâus xiar, hmoz đơưz, hmoz liaz ... hiav txir mok jênhs;muôx trâu têx huyện Mai Sơn, Yên Châu, Sông Mã, Thuận Châu, Vân Hồ... Zos tsik phax tar zênhx max, mak zuôr hiav txos têx txir.

Chi Cục chos kôngz thiaz Por hưv kôngz, ntông tỉnh tưz saiz hloz côngz xưv tuôr xav, cxênhz yuôx, zênhx max pov caz hmoz hiav têx kôngz, txir chos.Viv li, tiv tsôngv têx caz, hmoz tsơưs đuô chaix no tsaiz no, muôx tsơưs, hiav kôngz, txir tsơưs.  Zơưs Dương Gia Định, Chi cục trưởng Chi cục Por hưv kôngz, ntông tỉnh, fuô kria: Chia cov caz, hmoz tsik lox, hloz, tuz kôngz tsuv saiz njôngr ntu tơưs pax thiaz txi txir mok,thâuv pov caz, hmoz tsuv tuô cias tsik chia cik đêz đar. Txo chês cov nkra đris trâu têx ntông nox txir, tsik chia vax nông. Thâuv pov caz hmoz , mak tsuv xair cias têx yuôx đrox tsuôs chia phax tar caz, hmoz trơưk lưv ciz 4 zos thiaz chok nxiak hnuz nhôngs chaik đrus.

Trơưk tsov xav, ntu no muk,ntux yar cuz đros têx jâus ntux nas hloz, nông toz zôngx ziv trâu iz cxia caz hmoz hiav ntông nox txir hloz, vav. Chia txo tsơưs têx caz, hmoz hiav kôngz, txir, saz kôngz lông fuô kria tuz kôngz trâu qir nzir trâu têx ntông nox txir.Cxuô huyện tsik so cxênhz yuôx, tsov xav, tưr txos têx caz, hmoz, sox njôngr ntux yar, ntux nas; fuô kria sai têx caz hmoz txos têx ziv tuz kôngz chia ndo njôngr phax tar zênhx max.