Huôv tsar cêr yêz - kriz đar lax luôv

Trơưk txox chai “Pêx xênhv uô, Têz qơưk paz”, ntu 2021-2023, cxuô huyện, thành phố tưz luôv tâu 801 txox cêr khor kho, đêz 527 caik, uô tas yax 799 tỷ nhiax. Hâur ntơư, têx nhiax Têz qơưk paz yax 648 tỷ đaiv; pêx xênhv côngv tâu yax 151 tỷ đaiv. Nhiv no, 79 luz xã uô tiar cêr yêz trơưk Bộ tiêu chí cxiv tsa jêx jok yiaz.

Iz chas ntơư, tỉnh tưz kho, lênhv bê tông, trox ntôngk yax 164 caik cêr têz qơưk, lênhv trox ntôngk thôngz yax 50 caik cêr tỉnh, tu 8 kror qơư yêz khênhr ntos, siz đrâuk, 11 kror qơư tsik nhaz xênhz trâu yêz tâus cêr; sir zôngv thiaz saiz car têx nhiax zok kho tsik so têx cêr huyện, cêr xã, paz max hâux lưv muk lok uô lax luôv, gruô hu pênhr huôv tsar công nghiệp kôngz lông hâur thax tsav tỉnh.

Nhiv no, tỉnh taz tov chox car uô cov sai txox cêr yêz têz qơưk 37 huyện Bắc Yên yưv trâu txox cêr yêz têz qơưk 279D huyện Mường La, muk đhâu 5 luz xã tsênhv tsik tâu luôv cêr khor hâur thax tsav tỉnh, zos: Xã Chim Vàn, Pắc Ngà, huyện Bắc Yên thiaz xã Chiềng Công, Chiềng Ân, Chiềng Hoa, huyện Mường La, yênhx txox cêr tâus ntus đêx Đas, paz zôngx ziv trâu cêr lax luôv têx tỉnh Hòa Bình, Yên Bái, Lai Châu.

Lar haik, tỉnh Sơn La taz tov uô Dự án cêr yêz muk chênhr Hòa Bình - Mộc Châu, ntu đhâu tỉnh Sơn La, xav zuôr uô tiar lok zôngv trâu shông 2028. Dự án Yar yêz za Nà Sản tâu njuôk tsov hâur cêr huôv tsar têx Yar yêz za thôngz têz qơưk ntu 2021-2030, bax txos shông 2050, taz tov bax iz thênhv jux juk xair đơn vị kria, uô đồ án njuôk tsov mênhx.

Muôz nhiax uô cêr, vax tsê têx qơư công nghiệp

Trơưk Quyết định 1676/QĐ-TTg hnuz 25/12/2023 ntơưv Thủ tướng Chính phủ tso chai lok sâuv njuôk tsov tỉnh Sơn La ntu 2021-2030, bax txos shông 2050, tỉnh Sơn La muôx 5 kror qơư công nghiệp. Hâur ntơư, ntu txix nhiv no txos 2030, muôx qơư công nghiệp Mai Sơn thiaz qơư công nghiệp Vân Hồ; ntu txos 2050 muôx nzir qơư công nghiệp Yên Châu, qơư công nghiệp Lóng Sập, huyện Mộc Châu thiaz qơư công nghiệp Chiềng Khương, huyện Sông Mã.

Lês trơưk Bộ Kế hoạch thiaz Đầu tư njuôk tsov, Tỉnh ủy, UBPX tỉnh chox car cxuô cơ quan, đơn vị, tsi njênhk gruô hu nhiax uô thax qơư công nghiệp muôx liv. Txix shông 2021 txos nhiv no, Ban Saiz car qơư công nghiệp tỉnh tưz txaik tâu 5 thov ntâuz ntơưr khov dự án Muôz nhiaxuô qơư công nghiệp Mai Sơn, yôngv têx dự án tưz tâu tso chai Muôz nhiaxuô nto 7 dự án, têx nhiax tas nro 923 tỷ đaiv, txênhz 37%. Hâur ntơư, 3 dự án tưz tiar lok zôngv, zos: Tsêr máy tu kôngz lông BHL Sơn La; Qơư cxuôr gas Petrolimex; Tsêr máy tu kôngz lông Thanh Nhung.

Đros ntơư, tỉnh chox car, njuôk tsov kriz yiaz, kho têx cêr muk trâu têx qơư công nghiệp hâur thax tsav tỉnh, cxaz nzir trâu hâur ntơưr njuôk tsov tỉnh ntu 2021-2030, bax txos shông 2050, tsênhr cov jông siz luôs thâuv lês. Txos nhiv no, txox cêr muk trâu kror qơư công nghiệp Vân Hồ tưz tâu tso chai thiaz taz tov uô; txox cêr muk trâu kror qơư công nghiệp Mai Sơn tưz sâu côngv trâu dự án uô cêr, vax tsê ntơưv qơư công nghiệp Mai Sơn ntu 3 saz lax trâu Thủ tướng Chính phủ tso chai lês. Têx cêr muk trâu qơư công nghiệp Gia Phù, huyện Phù Yên, qơư công nghiệp Bó Bun, huyện Mộc Châu tâu kho tsik so.

Huôv tsar têx qơư công nghiệp tsưx tsês kôngz lông cov muôs nju nhiax txiax

Nhiv no, tỉnh Sơn La muôx 87 luz ciaz, 1 kror qơư lax luôv, 4 luz siêu thị, 3 paz nênhs siz khov kriz thaz nzưr muôs huv, siêu thị uô lax luôv thiaz 16 luz thaz nzưr muôs huv WinMart+... Tỉnh taz tov njuôk tsov 2 kror qơư logistics ntơưv huyện Mai Sơn, Mộc Châu, iz kror qơư đar 10 ha; 2 luz ciaz muôs kôngz ntơưv thành phố Sơn La, đar 6 ha thiaz ntơưv huyện Mai Sơn, đar 10 ha. Têx pak đêx nhiv kruôr tâu muôz nhiax uô yiaz, li Pak tâur jok Mòng, trâu tâu 10 triệu m3 đêx, pak Chiềng Dong ntiv txos 3 triệu 900 cxênhz m³...

Thôngz tỉnh muôx 9 kror qơư luôv tơưr cà phê trơưk công nghiệp; 7 kror qơư uô yuôx zêx trơưk iz txưv; 3 kror qơư uô yuôx zêx zôngv chuôz zênhx jông; 2 luz tsêr máy liv cuô kok ntông, iz hnuz tâu 300 tấn; 6 kror qơư tu jâuz, txir; 2 luz tsêr máy liv mik nhux; 1 luz tsêr máy uô suôz thax njêr... Têx kôngz lông uô tâu shông 2023 ntơưv tỉnh xav yax 4.960 tỷ nhiax, tsar yax 6%; Têx kôngz lông tu tâu muôs trâu oz chas têz qơưk zuôr luôs nto 160 triệu đô la, tsar yax 6% njuôk li shông 2022.

Tuôr xav shông 2025, têx kôngz lông muôs tâu 6.500 tỷ nhiax; gruô hu nhiax txiax paz max, uô tiar 9 luz tsêr máy tsưx tsês têx kôngz lông; cxuô sở, ban, ngành, cxuô qơư zuôr saz lax trâu tỉnh njuôk tsov, zôngv têx nhiax uô cxuô dự án huôv tsar cêr, vax tsê huôv tsar kôngz lông, têx qơư tsưx tsês kôngz lông, zuôr chuôz jos cxiv tsa tỉnh Sơn La yênhx đrôngs tsưx tsês kôngz, txir nox Tây Bắc.