Hiệp hội tưz moz cxiv tsa tsưr ziv sir jos lês tiar 5 zav hâux lưv li: Saiz hloz qơư sơưr, lês jông hâux lưv ntơưv Hiệp hội Tsêr luôv tỉnh, têx chi hội thiaz tổ chức thành viên; cxơưz tsêr luôv hlôngr yiaz tsưr ziv uô lax luôv; cxơưz hlôngr pâur số, hlôngr yiaz tsêr luôv muôx phaz nzưr; paz kria tiz nênhs xar uô nuv - xar ntiar tiz nênhs uô nuv, hlôngr yiaz tiz nênhs uô hâux lưv hâur tsêr luôv; tsik so fuô lês jông têx cêr chai, tiz nênhs thiaz nhiax txiax chia paz tsêr luôv hlôngr yiaz tsưr ziv sik tưr, đros oz chas têz qơưk siz khov uô luôv truôx njês.

Zơưs Nguyễn Quốc Khánh, Chủ tịch Hiệp hội Tsêr luôv tỉnh, haik mênhx: Hiệp hội tưz moz siaz fuô kria têx xor mông, cxênhx xưv cik txos kôngz lông, uô luôv; vax huôv thiaz cêr muôx liv zos chai ntơưv tsêr luôv; cêr chai ntơưv nênhs uô nuv, zênhx max kria xor mông trâu têx tsêr luôv pâuz mênhx chia cxiv tsa tsưr ziv huôv tsar kôngz lông, uô lax luôv.

Cxơưz hlôngr pâur số, hlôngr yiaz muôx phaz nzưr hâur tsêr luôv, txix hâu shông txos nhiv no, Hiệp hội tưz đros Cục Huôv tsar tsêr luôv, Bộ Kế hoạch thiaz Đầu tư, Sở Kế hoạch thiaz Đầu tư tỉnh kriz jias kria tsưr ziv “Hlôngr pâur số: Tsov xar tsưr ziv thiaz hâux lưv uô lax luôv trâu thơưx car tsêr luôv zâu thiaz tov thơưx tỉnh Sơn La” trâu yax 70 lênhx thơưx car tsêr luôv zâu thiaz tov thơưx. Đros Sở Thông tin thiaz Truyền thông siz chos kriz jias cơưv “Tsưr ziv cxơưz hlôngr pâur số trâu tsêr luôv thiaz pêx xênhv hâur thax tsav tỉnh Sơn La shông 2023”. Siz chos kriz jias Saz lax “Iz cxia tsưr ziv huôv tsar nhiax txiax trâu têx tsêr luôv, uô kôngz lông thiaz uô lax luôv”.

Zơưs Lộc Mậu Triển, Giám đốc Công ty cổ phần kôngz lông Chiềng Sung, kria pâuz: Công ty tưz moz siaz côngv trâu têx hâux lưv, saz lax zos Hiệp hội kriz, ntơư zos jias chia trâu siz njiz, cơưv shâuv, kria nzir tsưr ziv, cxiv tsa ntâu kror siz chos côngv lês hâur têx tsêr luôv huôv tsar kôngz lông, đros fuô lês tsưr ziv huôv tsar nhiax txiax trơưk li tỉnh cêr tuôr xav.

Paz tsêr luôv zok nriar tâu têx nênhs côngv uô luôv, sir zôngv hax huv, Hiệp hội tsêr luôv tỉnh chos luk “Saz lax siz chos uô nox cov sâu tâu nju” hâur Hiệp hội tsêr luôv têx tỉnh, thành phố thiaz Hiệp hội Huôv tsar huv sir zôngv Việt Nam (VACOD); chos luk saz lax siz chos côngv lês hâur Hiệp hội tsêr luôv 4 tỉnh Tây Bắc (Sơn La - Hòa Bình - Điện Biên - Lai Châu) thiaz Trung tâm Trọng tài ntiax têz Việt Nam lok sâuv paz cêr chai trâu têx tsêr luôv… Zaz zâuv têx tsêr luôv hội viên hlôngr yiaz tsưr ziv huôv tsar kôngz lông, tsik so hlôngr yiaz flâuz, hnaz ntiv, hax huv fiv huv tiz nênhs siaz nhiav.

Muôx cêr siz khov, paz tsêr luôv hội viên hâur hâux lưv siz chos huôv tsar kôngz lông, Hiệp hội tsêr luôv tỉnh thiax pâuz têx cêr txov nhêv, zênhx max kria trâu têx cấp, têx ngành pâuz tsov xav, paz txos, chia paz tsêr luôv zôngx ziv hla đhâu cêr txov nhêv, paz cxơưz nhiax txiax- xã hội thax tsav tsik tsês huôv tsar./.