Tỉnh Sơn La muôx yax 85.000 ha ntông nox txir thiaz tuôz ziz, xav iz shông đê tâu 493.000 tấn txir. Tas luz 3/2024, thôngz tỉnh tưz muôx 211 mã kria chos chia muôs muk oz chas têz qơưk hur tiz si đar yax 3.000 ha; 28 zav huv tâu Cục Saiz car cêr txơưx njê muôz ntơưr por hưv. Tỉnh Sơn La tưz muôx iz cxia tập đoàn, tsêr luôv tuôx cxưx nhiax uô qơư tu, têx zav li: Yuôx zêx, hmôngr kok ntông, cà phê, suôz thax njêr…. Tas nro têx hax huv muôs muk oz chas têz qơưk shông 2023 sâu tâu 186,8 triệu nhiax đô la, hâur ntơư, têx kôngz, txir, kar nox muôs tâu 177, 84 triệu nhiax đô la...

Ntơưv jias uô hâux lưv, têx đại biểu Thương vụ Việt Nam nhoz oz chas têz tưz saz lax, haik mênhx têx zav zov chênhr hâur cêr luôv ntiax têz, têx hax huv uôk iz cxia têz qơưk lox nhiav, têx huv tsênhv chênhz cxuô tỉnh, thành hâur têz qơưk muôs muk oz chas têz; haik mênhx têx huv jông ntơưv tỉnh Sơn La, lar haik yax mak cà phê, cxuô zav txir ntông; chai tu têx hax huv muôs trâu oz chas têz qơưk…

Sở Công Thương thiaz cxuô tsêr luôv ntơưv tỉnh tưz khov cov paz tỉnh Sơn La cov pâuz mênhx têx xor xưv lok sâuv cêr luôv, cêr chai muôs thiaz zuôr huv trơưk cêr luôv châu Âu, châu Mỹ; kria pâuz, cxênhz yuôx têx hax huv zov chênhr ntơưv tỉnh; têx tsêr luôv muôs huv nto mông muk oz chas têz; tsưr ziv siz chos uô luôv kôngz lông; cxiv tsa bê lax luôv thiaz muôs têx hax huv zos kôngz lông…