Lês cxiax cxênhv “Iz luz xã iz zav hax huv”, huyện Mường La sir jos fuô luk thiaz kria chai, nhiax txiax lok sâuv huôv tsar têx faz nuv, huôv vav nhiax txiax kôngz lông, jêx jok, cêr muôx liv thâuv lês cxiax cxênhv OCOP. Zơưs Nguyễn Văn Tâm, Phó Chủ tịch UBPX huyện,  haik tiak: Huyện tưz paz yax 1,7 tỷ nhiax trâu têx ziv nênhs, uô kôngz, HTX muôx nzir cêr uô tiar, uô tâu jông 6 hax huv lok sâuv xav têx flâuz ntiv, niak tơưv ntơưv ntâuk chiv, vax huôv tsưr ziv xav tơưv, xav tâu website... Đros têx  ngành kriz nzir, kria têx đơn vị, paz pơưs, tus khênhx zuk thax tsav sâu ntơưr ntâuk chiv hax huv, lêx chiv, lêx cok; Chos luk lês cxiax cxênhv. Sir jos têx hâux lưv cxơưz cxiv cêr pâur muôs, paz trâu têx  HTX, tsêr luôv lês têx jâus kriz ciaz hâur zuk thiaz luôs tỉnh chia kriz đar cêr zuôr, muôs.

Thâuv lês cxiax cxênhv OCOP, têx ziv tuz kôngz, hợp tác xã, tsêr luôv tsênhv tâu huyện, tỉnh paz kria txơưx zôngs chuôz zênhx; paz cxiv tsa qơư uô kôngz lông sir zôngv chuôz zênhx jông, đros đraiv jov, kra uô ntêx thiaz saiz car cov jông trơưk cêr xav yiaz. Cxơưz paz têx tsêr luôv, HTX, ziv uô luôv lês cêr siz khov uô tơưv zav muôx gri  thiaz cxiv tsa ntâuk chiv trâu têx hax huv sđ uô tơưv. Txix li kror moz siaz paz ntơưv cxuô ngành chuyên môn  thiaz thax tsav , têx ziv px, HTX, tsêr luôv tưz siz chos kriz đar têz chos kôngz, txir trơưk faz hữu cơ, uô  kôngz, txir trơưk cêr xav VietGAP  thiaz  GlobalGAP.

HTX Hưng Thịnh, xã Mường Bú muôx 16 ha têz chos tuôz ziz tâu côngk nhav trơưk cêr xav VietGAP,  đê nju siz bâus 18 - 22 tấn/ha, tus gri muôs tâu 50 cxênhz đaiv nhiax/chiaz. Ntơưv no zos hax huv OCOP nto mông ntơưv huyện tâu tus nênhs pâuz txos. Zơưs Nguyễn Đình Hướng, Giám đốc HTX, thav pâuz:  Têx txir tuôz ziz lox ntơưv HTX  tâu li cêr xav  OCOP  hax huv 3 hnuz kuz thiaz tâu muôs trâu têx zav siz khov jông ciaz, thaz nzưr txir hur ntơưv zuk thiaz luôs tỉnh. HTX taz tov kriz đar nzir têz chos, uô jông tu têx txir cov kaz chia fiv huv cêr pâur, muôs.

Cxur blâuv tan Ngọc Chiến tâu px Poz Ziz ntơưv xã Ngọc Chiến tsêz chos ntâu tiav txos nhiv no, viv têx cxur tsư ha, kaz, tưz yênhx hax huv OCOP 4 luz hnuz kuz cấp tỉnh. Zơưs  Lò Văn Thoa, Phó Chủ tịch UBPX xã Ngọc Chiến, thav pâuz: Xã tưz xav thax tsav chos thiaz kria tsưr ziv trâu tuz kôngz trơưk faz hữu cơ chia muôx nux gri, zos zav huv txơưr hlo, đros đraiv huôv tsar nuôv zax tsôngv nênhs.

Cxiv tsa têx hax huv OCOP tưz kriz tâu cêr muk chia têx HTX,  tsêr luôv , ziv tuz kôngz lês têx zav côngv uô tơưv, yôngv siaz nux gri têx kôngz, huôv tsar nhiax txiax kôngz lông, jêx jok  trơưk faz muôx liv, truôx njês, muôx cêr siz txênhz uô lax luôv. Mường La taz tov chox car uô tiar, yôngv siaz têx hax huv zuk thax tsav txơưv zênhx thiaz huôv tsar cxuô zav hax huv chos luk yiaz; sir jos yâu mông, pâur muôs, cxiv tsa qơư tênhv tso saiz, kria , muôs hax huv OCOP hâur cêr luôv zuk thiaz luôs tỉnh./.