Hâur tiểu khu vuôk har txir nkhơưz Nà Ka, phường Cờ Đỏ, thị xã Mộc Châu, muôx yax 100 ha txir nkhơưz, cias thâuv têx txir piz tơưs pax, cxuô zis tuz kôngz tưz zênhx max tso qir, cxênhz yuôx kaz nox hiav. Chox pêz muk shuôk luz vax txir nkhơưz đar yax 2 ha, muôv Nguyễn Thị Huyền haik pâuz: Tov kaz chia têx kruô nuôv zax ndis shuôk, cxaik zênhx zav thâuv tơưs pax, vax txir taz tov piz trâu ntu txi txir, zis nênhs tưz moz siaz tso qir, zưs đêx cov txâuk. Hâux lưv sir zôngv yuôx tuô caz, tuô đrox trơưk đraiv cêr chai “4 zos”, zos yuôx, zos chai, zos six hơưv thiaz trơưk đraiv tsưr ziv. Têx txir txi ndư đhâu zuôr tsuv đê por tsês cov tsơưs chia cov têx txir thiax li lox, tsik muôx caz nox, muôs tâu gri đuô.

Hok ntơưv HTX hluôs nênhs Mộc Châu taz tov fuô kria têx zis thành viên thiaz têx zis siz khov uô kôngz lông moz siaz tu yax 10 ha txir nkhơưz kaz jiz taz tov txi txir. Tix lâus Phùng Văn Khả, Giám đốc HTX, haik pâuz: Têx shông lok no, huôz chuô muôx ntâu zav txơưr txar, taz sik viv têx thành viên moz siaz tu, tso qir, phax tar caz nox hiav, đros trâu sir zôngv tsưr ziv tsuôs tsik xuôv đêx viv li têx txir puôr lênhx hloz jông. Cxuô shông, HTX sâu tâu yax 300 tấn txir nkhơưz kaz jiz, phênhv ntâu zos muôs hâur têx siêu thị, thaz nzưr muôs hax huv hur hâur tỉnh thiaz oz chas tỉnh; têx thành viên HTX tsênhv muôs sâuv mạng; livestream cias ntơưv vax txir chia fuô kria, muôs sâuv mạng xã hội.

Đros trâu zuôr luôs 3.500 ha, Mộc Châu zos thax tsav chos txir nkhơưz kaz jiz ntâu yax hâur tỉnh. Thị xã Mộc Châu tưz chox car têx phòng chuyên môn đros têx xã, phường kria têx HTX, zis chos tuz kôngz moz siaz lês jông têx tsưr ziv tu, phax tar caz nox hiav, txo tsơưs yax têx zav hiav txos txir nkhơưz hâur ntu piz txi txir.

Pos Nguyễn Thị Hòa, Giám đốc Trung tâm Kỹ thuật kôngz lông thị xã Mộc Châu, haik li no: Ntu no Mộc Châu lok six nông, ntơư zos ntu muôx ntâu zav caz nox hiav kôngz. Viv li, đơn vị tưz kria têx HTX, zis chos txir nkhơưz kaz jiz moz siaz tso qir; cxiv kho đuô têx đêx zưs, chia cov ar nông. Tror moz siaz yiz chês, đê têx txir tsik zâu por tsês, chia cov têx txir lox, jông gâux đuô.

Txix li luz siaz truôx bo, gruôs lês hâux lưv hâur ntâu shông đhâu, tuz kôngz Mộc Châu taz tov moz siaz sir jos chia cov têx txir hloz jông, fiv huv têx nênhs sir zôngv.