Poz cưk mok zos zav poz cưk thâuv zuôr luôs siar chia jov uô jâuz trâu nhux, tưv nox. Têx shông lok no, poz cưk mok taz tov tâu huyện Mộc Châu moz siaz kriz đar qơư chos, yax hlo zos têx xã muôx têz nxaz chos cxuô zav kôngz tsik jông. Yax hlo, nhiv no huyện muôx yax 25.000 tus nhux mik, cxuô shông nox tas 200 cxênhz tấn poz cưk mok, hâu ntơư, Công ty cổ phần Nôngz nhux mik Mộc Châu thiaz têx zis zus tsiax chos zuôr luôs 30 cxênhz tấn thiaz zuôr cxuô zis li tâu zuôr luôs 170 cxênhz tấn.

Shông 2023, hur si têx têz chos poz cưk ntơưv huyện Mộc Châu mal 10.238 ha, hâu ntơư qơư chos poz cưk mok zos 1.862 ha, phênhv ntâu zos chos trâu têx têz tiax tuk, jê cêr yêz lox, li: Thị trấn Nông Trường Mộc Châu thiaz têx xã Đông Sang, Mường Sang, Tân Lập, Phiêng Luông, Chiềng Sơn, Chiềng Khừa; hur si têx poz cưk sâu tâu 67 cxênhz tấn. Huyện Mộc Châu fuô lês qơư chos poz cưk mok ntơưv xã Tân Hợp đros trâu 47 zis côngv chos 34,4 ha ntơưv 2 luz jok Nà Sánh thiaz Nà Mường. Hâu ntơư, nhiax ntơưv huyện paz zuôr luôs 80 triệu đaiv; Công ty Cổ phần nôngz nhux mik Mộc Châu paz 207 tấn qir; Công ty Cổ phần poz cưk mok Việt Nam tso txaik nôngz, chuôz zênhx trâu têx zis px chos, paz nênhs uô hâux lưv thiaz muôx yêz za tsuôs yuôx phax tar caz nox.

Shông 2024, huyện Mộc Châu chox car chos, zuôr poz cưk mok; sir jos chos cov tâu yax 2.100 ha poz cưk mok, xav sâu tâu 40 tấn/ha, hur si sâu tâu 90 cxênhz tấn, cxơưz paz cxiv tsa qơư chos poz cưk mok trâu têx têz nxaz ntơưv 7 xã, li: Hua Păng, Nà Mường, Tà Lại, Tân Hợp, Quy Hướng, Lóng Sập, Chiềng Khừa. Cxuô xã tâu paz chos 10 ha, nhiax paz zos 3 triệu đaiv/ha; kriz cxiv tsa qơư zuôr poz cưk mok truôx njês đros trâu qơư sơưr HTX zos tus sơưr đros siz khov ntơưv thax tsav chia muôs hax huv trâu têx công ty thiaz yax 500 zis tu, zus nhux mik hâur thax tsav...