Têx hax huv OCOP nto mông

Luz 8/2018, huyện Mai Sơn tưz fuô ntơưr ntâuk chiv nhav txir “Na Mai Sơn”, ntơư zos iz kro tsênhv chênhz, paz trâu cêr uô tơưv, uô luôv zôngx ziv, por hưv thiaz cxơưz paz côngz bê huv jông, por hưv vax huôv trâu nênhs uô tơưv thiaz nênhs sir zôngv. Txos nhiv no, huyện muôx 681 ha txir na; hâur ntơư, jê 335 ha uô trơưk jông chuôz zênhx, nhoz trâu têx xã: Cò Nòi, Mường Bon, Nà Bó thiaz thị trấn Hát Lót, xav sâu tâu li 5.250 tấn txir/shông. Huyện taz tov muôx cêr chai paz têx HTX lok sâuv nhiax, txơưx fiv tsưr ziv, cxênhz yuôx têx hax huv.

HTX Mé Lếch, jok Mé Lếch, xã Cò Nòi, tsa tơưv luz 4/2018, đros 26 thành viên, zos iz hâur têx HTX xuz thơưx hâur huyện chos thiaz tu txir na trơưk lưv ciz VietGAP. Têx txir “Na Lox” ntơưv HTX tâu côngk nhav tu trơưk VietGAP thiaz tâu nênhs njênhs xar zuôr. Shông 2023, têx txir “Na Lox” ntơưv HTX công nhav zos huv OCOP. Yênhx shông, HTX muôs trâu cêr luôv 150 tấn txir, xav hur si nhiax muôs txir tâu yax 6,5 tiv đaiv.

Tix lâus Nguyễn Hữu Tứ, Giám đốc HTX Mé Lếch, thav tiak: Nhiv no, HTX muôx 70 ha na dai, 70 ha na Thaiz, 60 ha na Đài kaz jiz kâuz, kaz li txir sầu riêng, tâu chos trơưk lưv ciz VietGAP. Têx txir na ntơưv HTX muôs trâu cêr luôv puôr lênhx lo ntơưr chiv “Na Lox”, paz HTX muôx côngz nto mông, kriz đar cêr pâur muôs thiaz tâu ntâu nhiax trâu thành viên. HTX taz tov kria têx thành viên uô tơưv txir trơưk faz hữu cơ, sir zôngv txơưx fiv tsưr ziv trâu cêr tu saiz, sâu nju, kaz, tâu sâu trơưk hnuz nhôngs xav, fiv huv cêr khov vav zuôr sir.

Zos thành viên HTX Mé Lếch cias thâuv têx hnuz tsa tơưv, tix lâus Lò Văn Sao, thav pâuz: Nưk ziv nênhs chos 6 ha na, thâuv tâu côngk nhav huv OCOP, muôs zôngx ziv trâu ntâu tỉnh, thành phố thiaz têx đrôngs uô luôv, gri siaz đuô, tâu nhiax txiax truôx njês.

Hok ntơưv xã Chiềng Chung, HTX Ara - Tay Coffee, tsa tơưv luz 3/2020, muôx 14 thành viên, chos tâu 70 ha cà phê. Lês cxiax cxênhv OCOP, HTX tâu têx cơ quan chuyên môn ntơưv huyện, tỉnh kria tiar faz uô lax luôv, paz cxênhz, uô tiar têx hax huv. HTX chos luk têx huv cà phê nôngz njuôz Natural, cà phê Honey nôngz njuôz tâu têx cơ quan muôx chai chênhr nhav jông, qơư uô tơưv thiaz chia yâu mông muk đêz đar, paz yôngv siaz nux gri, cêr siz tưr muôs trâu cêr luôv.

Muôv Cầm Thị Mòn, Giám đốc HTX Ara - Tay coffee, thav pâuz: Chia chos luk, cxiv tsa huv OCOP, têx thành viên HTX lês trơưk lưv ciz uô tơưv, muôx ntơưr sâu tsês six hơưv hnuz nhôngs tso qir, sir zôngv yuôx por hưv têx txir. Thâuv jov, chok nxiak huv hur. Shông 2022, têx huv cà phê ntơưv HTX tâu côngk nhav zos zav hur nto mông, chênhr nhav huv OCOP 4 hnuz kuz.

Tsênhv chai fiv huv OCOP

Shông 2023, huyện Mai Sơn muôx 9 zav huv tâu cxênhz phênhz hov huv OCOP; hâur ntơư muôx 2 zav huv tâu 4 hnuz kuz, 7 zav huv tâu 3 hnuz kuz. Têx huv tâu cxênhz zos hov jông, ntâu tsar zav, hnaz ntiv, xav ntơưr lo, chiv, pâuz qơư uô tơưv têx huv. Lês cxiax cxênhv OCOP, nriar cêr trâu têx tuz luôv uô tơưv hax huv tâu zôngv ntơưr lo chênhr nhav huv OCOP muôx ntơưr ntơưr lo đros têx hnuz kuz chia niak tơưv, lo ntơưr sâuv flâuz, muôx ntơưr chiv têx huv thâuv zuôr pâur muôs hâur zuk thiaz luôs têz qơư.

Tror lês cxiax cxênhv OCOP, shông 2024, huyện Mai Sơn muôx 8 zav huv zuôr trơưk chai chia chênhr nhav zos huv tâu 3 hnuz kuz. Hâur ntơư, muôx 3 côngs huv uô tơưv; 2 zav huv tsênhv nhôngk; 1 zav huv lav uô đhâu, jov kro njik; 1 zav huv txux lov; 1 zav huv cà phê.

Huyện taz tov kria têx tsêr luôv, HTX thiaz tus khênhx sir jos hlôngr tsênhz chai uô zos lưv ciz, cêr xav trâu huv côngv trơưk têx bộ tiêu chí OCOP. Têx huv yiaz uô tơưv zos sir zôngv têx jông chuôz zênhx txơưx fiv, tsưx tsias zuk thax tsav txơưv pênhv, jông, tsar tus gri, đros đraiv huôv tsar tsôngv nênhs. Cxơưz paz têx tsưr cxiv tsa hlôngr yiaz, sir zôngv txơưx fiv chuôz zênhx jông uô tơưv, tsưx tsês, jov chia têx huv, uô tâu nju, jông, fiv huv cêr pâur muôs.

Huv cà phê kra kruôr jov ntơưv Công ty cổ phần jov uô cà phê Sơn La, jok Thống Nhất, xã Mường Bon, tâu cxiv tsa zos huv OCOP tâu 3 hnuz kuz shông 2024. Zơưs Nguyễn Như Hùng, Chủ tịch Hội đồng quản trị, Giám đốc tsêr máy, fuô mông: Công ty taz tov tâu huyện paz, kria, lês cxiax cxênhv OCOP, cxiv tsa, uô tiar ntâuz ntơưr hax huv. Đros ntơư, choz kria, cxaz nzir pênhr xưv lok sâuv quản trị, muôx tus uô khov zuôr (marketing) cán bộ saiz car, chox lês ntơưv tsêr máy; yâu mông, cxơưz cxiv cêr luôv;sir zôngv chuôz zênhx jông fuô mông, hlôngr pâur số hâur cêr uô tơưv, chuôs tâu cêr pâur muôs, tâus tâu qơư uô tơưv huv. Ntơư zos sênhv cêr chia têx huv cà phê ciz ntơưv tsêr luôv tâu chênhr nhav huv OCOP;  sir jos cxiv tsa qơư chos, cxơưz paz cêr sir têx tsưr ziv lok sâuv por hưv, kriz cêr uô tơưv muôx nux gri trâu huv OCOP, fiv huv cêr pâur muôs hâur têz qơư, muôs trâu oz chas têz.

Zơưs Nguyễn Khắc Hào, Thơưx phòng Kôngz lông thiaz Huôv tsar jêx jok huyện Mai Sơn, thav pâuz: Tror cxơưz paz cov uô tâu jông, muôx liv, truôx njês trâu têx huv OCOP, huyện taz tov paz têx tsêr luôv, HTX lok cêr xav zos, tsưr ziv hâur cêr uô tơưv, uô huv; đros têx cơ quan chuyên môn kria nzir trâu px lok sâuv cxiv tsa têx qơư uô kôngz txir trơưk tsưr ziv VietGAP; yênhx thax tsav uô tơưv uô cê, sir jos siz khov uô tơưv, paz cxơưz huôv tsar nhiax txiax kôngz lông, jêx jok.

Txix têx cêr sir jos ntơưv têx cơ quan tâu chai, tsêr luôv, HTX thiaz nênhs uô tơưv, huyện Mai Sơn muôx 20 zav huv OCOP; hâur ntơư, 10 zav huv tâu 4 hnuz kuz. Têx huv OCOP taz tov iz thênhv jux juk haik tsênhz côngz mông cêr pâur muôs hâur zuk tỉnh thiaz luôs tỉnh, paz max cêr xav trâu saz kôngz lông, đros trâu cxiv kho jêx jok yiaz thiaz huôv tsar uô tơưv kôngz txir đros cêr muôx hâux lưv uô, sâu nju nhiax txiax trâu pêx xênhv. Đros ntơư, tsa yênhx cêr huôv tsar têx thax tsav uô tơưv kôngz txir njuôz – hur, kôngz lông sir zôngv jông chuôz zênhx trâu thax tsav huyện./.