Đros trâu cêr tuôr xav huôv tsar hax huv OCOP trơưk faz txơưr hlo cxuô thax tsav, huyện tưz cxênhz têx hax huv kôngz txir nox jông, zov chênhr ntơưv têx xã, thị trấn; kria têx HTX, zis nênhs uô ntâuz ntơưr côngv cxiv tsa hax huv OCOP trơưk cêr chai. Shông 2024, huyện tưz cxênhz, tuôr xav 8 hax huv zov chênhr thiaz tsa tơưv Hội đồng cxênhz yuôx, phaiz têx hax huv OCOP. Chox car cơ quan chuyên môn kria têx paz pơưs, tổ uô kôngz lông, HTX cxiv tsa ntơưr lo hax huv kria pâuz qơư uô tơưv…fuô kria thiaz muôs hax huv ntơưv têx qơư muôs huv, jias kriz ciaz muôs hax huv hâur tỉnh thiaz oz chas tỉnh.

Shông 2024, đhâu cxênhz muôx 3 hax huv OCOP 3 luz hnuz kuz, muôx: Hmôngr kaiz đuz graix tuôr thiaz kaiz đuz graix ntiv hnaz ntơưv HTX kôngz lông Cha Mạy; hmôngr mắc khén ntơưv HTX kôngz lông Phổng Lập. Muôx 4 hax huv OCOP 4 luz hnuz kuz, muôx: Hax huv nuôv zax ntơưv HTX nuôv zax Pha Đin, yuôx zêx Gaba, yuôx zêx njuôz thiaz yuôx zêx Ô long ntơưv Công ty TNHH yuôx zêx Thu Đan.

Shir phaz thâuv hax huv tâu OCOP 3 luz hnuz kuz, zơưs Lò Văn Hoan, Giám đốc HTX kôngz lông Phổng Lập, haik: Mắc khén zos zav kaz txơưr hlo, tâu sir zôngv hâur têx kak nox cxuô hnuz. Nhiv no, xã Phổng Lập muôx 30 ha ntông mắc khén, chos ntâu ntơưv têx jok: Nà Ban, Ta Tú, Nà Khoang, Mầu Thái, Pá Sàng, jok Lập. Hâux lưv cxiv tsa hax huv mnôngs mắc khén yênhx hax huv OCOP paz cxiv tsa tâu hax huv txơưr hlo ntơưv thax tsav, paz trâu pêx xênhv sâu tâu nju nhiax txiax sir zôngv.

Tix lâus Lâu Xênhv Vưx, Giám đốc HTX kôngz lông Cha Mạy, xã Long Hẹ, haik tiak: Nhiv no, HTX taz tov tu zuôr luôs 1.000 tus kaiz đuz graix. Shông 2024, HTX chos luk hax huv graix kaiz ntiv hnaz thiaz hmôngr graix kaiz tâu hax huv OCOP 3 luz hnuz kuz. Ntơư zos qơư chuôz jos chia HTX tror moz siaz muôz nhiax kriz đar qơư tu, zus thiaz zuôr tror moz siaz cxiv tsa kê kaiz đuz graix tâu hax huv OCOP.

Luôs hâux lưv cxiv tsa hax huv OCOP tưz paz sir zôngv tâu jông têx zav muôx txơưv hâur thax tsav, paz uô tâu têx hax huv muôs tâu gri. Zơưs Hà Trung Thắng, Phó Chủ tịch UBPX huyện Thuận Châu, Chủ tịch Hội đồng cxênhz yuôx hax huv OCOP huyện, haik pâuz: Têx hax huv tov kaz tâu công nhav tâu sir zôngv côngz bê OCOP, têx côngz bê ntơưv đaiv ntơưr lo trâu hax huv zos hâux lưv zov chênhr chia hax huv tâu muôs trâu ntơưv têx ciaz khư lox. Iz cxia hax huv OCOP tâu xair 3 luz hnuz kuz tror sâur tưz paz muôx cêr njênhs trâu têx nênhs sir zôngv. Ntơư cux zos kror paz max trâu têx HTX, zis nênhs kriz đar qơư uô hâux lưv, muôx ntâu têx ntơưr lo, chia muôz hax huv OCOP muôs trâu têx cêr luôv hâur tỉnh thiaz oz chas tỉnh.

Nhiv no, huyện fuô lês Dự án “Uô hax huv OCOP txix li txir tuôz ziz, đros trâu huôv tsar qơư chos, yênhx qơư siz khov truôx njês trâu tuôz ziz” ntơưv xã Long Hẹ. Dự án chia cxiv tsa txir tuôz ziz yênhx zav chos zov chênhr; cxơưz paz siz khov nuôv zax đhâu têx hâux lưv ndis shuôk uô si jias grâuv pax pax txir tuôz ziz thiaz muôz txir tuôz ziz uô tâu têx hax huv, li: Cuô txir tuôz ziz, txir tuôz ziz jiaz kruôr, hmôngr txir tuôz ziz…

Lês jông luôs hâux lưv cxiv tsa hax huv OCOP, huyện tưz moz siaz tuôr xav, kria têx HTX, zis nênhs cxiv tsa ntâu zav hax huv, fiv huv trâu têx nênhs sir zôngv. Đros ntơư, lês jông hâux lưv fuô kria têx hax huv OCOP txix 3 luz hnuz kuz txos trâu 4 luz hnuz kuz; fuô kria, muôs têx hax huv; zok nriar, kriz đar qơư muôs hax huv, cxơưz paz têx kôngz muôs tâu gri đuô, cxơưz paz nhiax txiax hâur thax tsav huôv tsar./.