Tix lâus Lường Văn Tuấn, phường Thảo Nguyên, zos iz hâur têx nênhs xav tơưv cxênhx cxênhv livestream yênhx côngz paz muôs tas kôngz txir nox thax tsav, taz tov muôx yênhx triệu lênhx saiz sâuv Facebook, TikTok. Tix lâus Tuấn haik pâuz: Cur nhoz thiaz uô hâux lưv ntơưv Sơn La yax 30 shông, pâuz mênhx kôngz txir nox thax tsav kror muôx liv, xar kria cxuô kror qơư pâuz zuk têx huv kôngz txir nox jông. Cur tưz xav tơưv jax đuôz kria pâuz, đros kror qơư uô luôv điện tử thiaz têx thax tsav chia livestream muôs kôngz txir nox. Shông 2025, cur mul côngv Mega Livestream Ciaz trơưk chaix OCOP Sơn La đros Sở Công Thương thiaz Trung tâm Cxưx nhiax uô, cxơưz cêr lax luôv thiaz nuôv zax tỉnh livestream kria têx kôngz txir nox ndax jias Saiz hloz 130 shông hnuz tsa tâu tỉnh, paz siz chos muôs yênhx châuv tấn hax huv; kriz đar tsưr ziv đros cxuô HTX siz chos uô nox. Nhiv no, cur tror đros têx HTX, ziv tuz kôngz kria têx kôngz txir nox trơưk chaix.

HTX Uô luôv thiaz Huôv tsar kôngz lông 19/5, phường Vân Sơn muôx 25 shông huôv tsar, tsik tsês hlôngr yiaz tsưr ziv chos kôngz txir nox hloz jông thiaz muôx gri. HTX moz siaz tu jông têx hov txir nhôngk xav tsưx tâu txix 300 - 500 tấn/shông, xav tơưv ntâu huv jông, li: Chơưr txir khơưz kaz jiz, txir khơưz kâuz, txir khơưz kaz jiz thiaz txir khơưz kâuz muôz kra cov njôngx thiaz kruôr. Lar haik, HTX muôx 6 zav huv tâu công nhav OCOP txix 3 hnuz kuz tror sâuv thiaz tâu FDA ntơưv Hoa Kỳ công nhav shông 2024. Tâu kror paz max ntơưv tỉnh, HTX tưz xav tơưv trang web kria pâuz qơư uô tơưv hax huv. Đros ntơư, HTX tsênhv muôz têx huv tu jông lok muôs trâu qơư uô luôv điện tử, xav tơưv jax đuôz, livestream kria pâuz kror qơư chos thiaz tu jông kôngz txir nox. Viv li, muôx 40% kôngz txir nox tâu kria pâuz, muôs tas đhâu kênh online.

Đros trâu muôx ntâu kôngz lông, têx nênhs chos kôngz txir nox hâur tỉnh taz tov hlôngr pâur số hâur cêr lax luôv. Đros txuôs jông 262 tsưr ziv uô luôv kôngz txir nox hur, 214 huv OCOP thiaz muôs kôngz txir nox trâu 45 têz qơưk, ntâu tsêr luôv tưz tưx tso tơưv tsưr ziv hlôngr yiaz hâux lưv muôs huv. Lơưr tưz xav tơưv cxênhx cxênhv số, đros têx nênhs xav tơưv muôx phaz nzưr muôz têx huv kôngz txir nox lok muôs trâu têx qơư uô luôv điện tử: Facebook, TikTok, Shopee chia livestream. Kror hlôngr yiaz no tưz kria cxuô kror qơư pâuz têx huv jông txơưr hlo, OCOP ntơưv tỉnh thiaz paz ntâu tsêr luôv sâu nju nhiax txiax mênhx pêv.

Pos Nguyễn Phương Ly, Phó Phòng kria pâuz cêr lax luôv thiaz choz kria (Trung tâm Huôv tsar Cêr lax luôv điện tử thiaz Chuôz zênhx số, Cục Uô luôv điện tử thiaz Nhiax txiax số, Bộ Công Thương), thav tiak: Sir zôngv cêr lax luôv điện tử zos “zuôv six” paz tsêr luôv, HTX thiaz ziv nênhs muôs huv kriz đar cêr lax luôv, cxơưz hax huv zênhv hnuz zênhv muôx gri. Taz sik, ntâu huv OCOP Sơn La tsênhv lês trơưk cênhz cưv, tsik chos ntâu, tsik pâuz tsưr ziv uô luôv trực tuyến. Viv li, têx nênhs huôv tsar kôngz lông tsuv iz tus cơưv shâuv iz tus tsưr ziv số, moz siaz sik tưr. Đros ntơư, têx cơ quan chuyên môn tsênhv tsik so choz kria, đros têx qơư uô luôv điện tử, paz tsêr luôv, HTX, tuz kôngz pâuz cxuô tsưr ziv muôs huv yiaz, muôs huv truôx njês.

Tưx tsov xav tsưr ziv sir zôngv chuôz zênhx số, hlôngr yiaz huv OCOP thiaz nzaz nzơưv tsưr ziv livestream muôx kaz hâu chia tik bê lax luôv zuôr zos “qơư chuôz” chia kriz đar cêr lax luôv, paz kôngz txir nox zênhv hnuz zênhv muôx gri. Đros ntơư, tâu têx nênhs huôv tsar kôngz lông thiaz paz tsưr ziv uô ntơưv cơ quan Têz qơưk siz chos côngv lês, Sơn La txâuk chai cxơưz huôv tsar nhiax txiax số, muôz têx huv jông txơưr hlo lol muôs hâur têz qơưk thiaz oz chas têz qơưk.