Ciaz tox siaz đriv têz shông 2024 tâu kriz hâur 3 hnuz (txix 31/8 - 2/9) ntơưv trung tâm xã Phiêng Khoài. 20 qar tsêr huv nthuôr muôs, kria pâuz têx huv jông txơưr hlo li: Tsôngk hnar hair nênhs tsơưs, huv saiz đaz muôs, huv xuôk têk uô; kar nox, kôngz, txir nox uô ntêx lông ntơưv 6 xã tox siaz, đriv têz: Phiêng Khoài, Chiềng Tương, Mường Lựm, Lóng Phiêng, Yên Sơn, Chiềng On thiaz iz cxia luz jok nhoz puôz đriv têz ntơưv huyện Xiềng Khọ, tỉnh Hủa Phăn (têz qơưk Lok Tsuôk).

Kriz ciaz tox siaz chia kria cxuô kror qơư pâuz thiaz pâur muôs hax huv hâur pêx xênhv oz saz đriv têz Việt Nam-Lok Tsuôk; chox tâu kror siz chos uô nox hâur têx ziv nênhs uô luôv thiaz pêx xênhv, cxơưz cêr huôv tsar kôngz lông, uô lax luôv. Đros ntơư, gruô hu tâu ntâu tus kruô hâur tỉnh thiaz oz chas tỉnh tuôx ndis shuôk, siz njiz, siz khov, siz chos muôz nhiax uô.

Jâus no tưz Nthuôr txux chi, đros trâu njiaz luk “Tox siaz jông jav tsư ha”, zos têx cưk haik cưr cxiax, sênhr chêr hâur Trung tâm Truyền thông-Txux chi huyện Yên Châu, Zênhx Đriv têz Chiềng On thiaz têx jok hâur xã Phiêng Khoài siz chos nthuôr, đros trâu têx jax cưr cxiax, sênhr chêr kruôk txos Đảng, zơưv Côngz Hôx, Sơn La hlôngr yiaz, cêr thôngx siaz siz trâus jông Việt Nam-Lok Tsuôk… muôx chôngz kruô nuôv zax, pêx xênhv tuôx saiz lov jêv ntưk.