Jâus Kriz ciaz muôx 100 qar tsêr huv ntơưv 39 đơn vị, tsêr luôv, thax tsav; hâur ntơư 19 đơn vị, thax tsav hâur tỉnh thiaz 20 tsêr luôv nhoz têx tỉnh Hưng Yên, Ninh Bình, Yên Bái, Hà Nội, Đăk Lăk, Gia Lai...Phênhv ntâu têx qar tsêr huv tưz nthuôr muôs têx huv li: Cà phê njiar, hmôngr cà phê ciz jov, hmôngr cà phê đo đêx hâuk; đros têx huv OCOP, kôngz, txir nox hur, huv tu jông, huv txux chi, nuôv zax, chuôz zênhx uô liax têz…

Têx qar tsêr muôs huv tưz tâu uô jông nthuôr muôs jông jav, tsik zos kria bê lax luôv haik tas nro, huv cà phê Sơn La haik khênhx trâu têx kruô hâur têz qơưk thiaz oz chas têz pâuz xưz mak tsênhv zos jias chia tsêr luôv, tuz luôv muôz nhiax tâu siz njiz, siz khov huôv tsar, kriz đar tsưr ziv uô nox, hlôngr yiaz hâux lưv chos, tu jông kôngz, txir nox.

Iz chas fuô kria txos têx huv, cxơưz cêr lax luôv, kria trâu sơưr đơưk pâuz thiaz kruôk têx huv zos cà phê, jias Kriz ciaz tsênhv nthuôr ntâu hâux lưv paz trâu đại biểu, kruô nuôv zax tuôx shuôk lov jêv ntưk li tâu siz njiz, kria zôngv hax huv; hâuk cà phê kaz tsik tas nhiax zuôr. Jias kriz ciaz zuôr tâu kriz txix hnuz 20 tax tas 23/10/2023.