Têx hội viên tuz kôngz tâu cơưv têx njiaz lul, li: Cxuô zav kôngz chos hâur têz cà phê; saiz têx đrox, jâuz chos vor bông ar trâu hâur pâuk cov tsik tas zôngv yuôx tsuôs tuô đrox; sâu nju nhiax txix li chos têx đrox, jâuz; viv têx zav no uô trâu ar tros nông; tsưr ziv zôngv qir, txiar yiz chês cov nkra, tsuôs yuôx tuô caz cov tsik hiav txos txir cà phê...

Jâus kria nzir tsưr ziv zos iz hâur têx hâux lưv nhoz trâu Dự án qơư “Chos cà phê trơưk faz hưu cơ chia cov sâu nju nhiax, paz iz phênhv tưs huôv tsar truôx njês” shông 2023 zos Hội tuz kôngz tỉnh Sơn La muôz nhiax fuô lês. Tsưr ziv tâu fuô lês hâur 3 shông (2023-2026), muôx 20 zis tuz kôngz côngv lês, xav đar 10 ha.

Đhâu jâus kria nzir no, zuôr paz trâu têx tuz kôngz pâuz nzir tsưr ziv chia chos thiaz cxiv kho têx têz cà phê chia cov fiv huv trâu thax tsav qơư nhoz, jêx jol cov tu tâu fiv huv trâu ntu huôz chuô txơưr txar, paz iz phênhv tưs trâu têx chos cà phê sâu tâu nju thiaz muôs tâu gri.