Tsênhz tias,qơư uô kôngz cux li têx kôngz kaz yênhx thax tsav hâur tỉnh muôx kror tsik siz thôngx. Iz phênhv luz cênhz zos tiv huôz chuô, đêx ar ,cux li cêr txơưx chos kôngz ntơưv tuz kôngz tsik siz thôngx . Li ntơư, Hội Tuz kôngz  tỉnh tưz đros têx huyện cxênhz yuôx, cxênhz txos pênhr xưv, tsưr ziv uô kôngz ntơưv tuz kôngz. Txix li ntơư, fuô lês chos luk cơưv faz uô kôngz lông  trâu têx hội viên, tuz kôngz khov cơưv pov  njôngr ntơưv Trung tâm paz tuz kôngz tỉnh. Đros ntơư, đros trung tâm dịch vụ kôngz lông têx huyện kriz têx jâus kria tsưr ziv uô kôngz trâu hội viên, tuz kôngz ntơưv xã,jok.

Zơưs Lường Trung Hiếu, Chủ tịch Hội Tuz kôngz  tỉnh,thav pâuz: Chia yôngv siaz muôx liv côngz xưv choz kria uô hâux lưv kôngz lông thiaz kria tsưr ziv uô kôngz trâu nênhs uô hâux lưv jêx jok, Hội tuz kôngz tỉnh tưz tsi njênhk trâu cêr khov vav ntơưv  hội viên, tuz kôngz thiaz  cêr txơưv pênhv mênhx pêv yênhx thax tsav. Txix ntơư, tưz chox car  Trung tâm paz tuz kôngz cxênhz hur si têx nênhs khov trơưk yênhx thax tsav chia kria cơưv trơưk yênhx jâus, kria têx txơưx fiv tsưr ziv uô kôngz. Iz chas ntơư, Hội tưz taix khov trung tâm dịch vụ kôngz lông têx huyện ndo njôngr kria tuz kôngz kho đuô têx tsưr ziv hlôngr chos kôngz fiv huv, chia têx kôngz kaz , sâu nju.

Txix shông 2022 txos nhiv no, Hội  Tuz kôngz  tỉnh tưz chox car Trung tâm paz tuz kôngz tỉnh kriz 20 paz kria uô kôngz lông; chos, tu saiz cxuô zav ntông nox txir uô txâux ; Vâuv zuz ntông chos trâu jê 800 tus hội viên, tuz kôngz. Hâur ntơư, 20% têx nênhs cơưv , cơưv tas, tưz tâu  Trung tâm  kria muk uô hâux lưv ntơưv têx tsêr máy, qơư uô jov kôngz , txir  thiaz iz cxia HTX  uô hâux lưv kôngz lông thax tsav tỉnh.

Tix lâus Chinh Xênhv Zax, jok Nậm Lộng, xã Hang Chú, huyện Bắc Yên, tov kaz cơưv tas  cêr uô kôngz, por hưv kôngz, txir zos Trung tâm paz tuz kôngz tỉnh kria, tror muk tsêr tưz tsuôr, por hưv txir tuôz ziz Hmôngz, paz muôs cov tâu gri. Tix lâus Chinh thav tiak:  Jok Nậm Lộng phênhv ntâu zos chos txir tuôz ziz Hmôngz, jông gâux, kaz ; tiav sik, tiv tsik tâu muôx qơư jov, por hưv txir tsês thâuv đê tas, li ntơư, px khênhr muôs txir nhôngk fênhx zis. Tâu cơưv, cur tưz cơưv tâu têx tsưr ziv đê por hưv, uô tsês.Cur cux kria px hâur jok thiaz côngv nhiax zuôr tsêr txiak por hưv 20 tấn txir, li ntơư, pêz tưz muôx txir tuôz ziz thiaz têx kôngz txơưr hâur yênhx shông , muôs tsik pôngz gri li đrav ntêx.

Hok zơưs Nguyễn Văn Ngân, Giám đốc HTX  kôngz lông  Văn Phúc Yên, xã Mường Thải, huyện Phù Yên, thav pâuz: HTX chos 20 ha txir thênhx caz thiaz txir lưl pax trơưk faz hữu cơ. Chia trơưk lưv ciz , cêr xav tsưr ziv , HTX xuz xair tsov têx nênhs uô hâux lưv tưz tâu cơưv txux chi Trung tâm paz tuz kôngz tỉnh  kria, li ntơư, pâuz têx hâux lưv uô thiaz  cêr uô jông tu têx kôngz, txir chos tâu jông đuô.

Nhiv no, Hội Tuz kôngz tỉnh tsik tsês chox car Trung tâm paz tuz kôngz tỉnh  cxênhz yuôx  cêr khov cơưv hâux lưv ntơưv hội viên, tuz kôngz, cux li cêr khov  uô nuv ntơưv têx tsêr luôv , HTX zuk thax tsav,chia côngv kriz kria têx paz cơưv uô hâux lưv, yôngv siaz cêr pâuz, tsưr ziv chos kôngz, txir , chia fiv huv cêr khov uô kôngz, txir jông.