Kaz shông 2022, zơưs Nguyễn Thế Công, thị trấn Hát Lót, huyện Mai Sơn, tưz muk txos xã Ngọc Chiến, huyện Mường La chia zok nriar, tsov xav đêx ar, huôz chuô, kôngz, txir ntông chos fiv huv. Hli 1/2023, zơưs Công tưz đros 7 ziv nênhs cxiv tsa HTX chos jâuz, pax sir zôngv chuôz zênhx jông Ngọc Chiến, xav hur si pênhr yax 3 tiv nhiax, tsuôk zos chos jâuz, tâuv thiaz pax sir zôngv chuôz zênhx jông. Nhiv no HTX muôx 6 ha, hâur ntơư 3 ha luz tsêr cuôr hlâu vor hnaz zak zưr, hur si tâu sir zôngv chuôz zênhx tưx zưs đêx uô nas yâur.

Hâur ntu huôv tsar kôngz lông, HTX tưz fuô lês ntov nti cxênhx cxênhv hur, sir zôngv qir tsiax cxu tưz tâu jiaz kruôr tsês ntêr hnuz nhôngs, trâu qir hữu cơ, tsuôs têx zav yuôx por hưv kôngz lông tâu tso chai zôngv, txâuk yuôx, zos yuôx trâu yênhx hov moz trâu kôngz, txir nox. Đros trâu 3 ha chos txir lưk suôr tsik trơưk chaix, xav sâu tâu 150 tấn/ha, xav fênhx đraz muôs tâu txix 13.000-14.000 nhiax/chiaz; 3 ha điz trâu đrênhk, xav hur si sâu tâu 60 tấn/ha, tâu gri li nhiv no xav fênhx đraz muôs tâu txix 7.000-8.000 nhiax/chiaz. Tov kaz đê tas txir lưk suôr, điz trâu đrênhk, HTX chos cias tâuv pâur chia tưx uô tơưv qir mfông hữu cơ.

Xav fênhx đraz yênhx shông, HTX sâu tâu zuôr luôs 600 tấn jâuz, txir cxuô zav, tsik xav nhiax pênhr tsênhv sâu tâu zuôr luôs 1 tỷ nhiax; paz 40 tus nênhs nhoz hâur thax tsav muôx hâux lưv uô tsik tsês, sâu tâu txix 5,5-10 triệu nhiax/hli.  HTX taz tov chos nzir 2 ha pax sir zôngv chuôz zênhx jông hâur tsêr vor vak thiaz 1 ha điz trâu đrênhk; siz chos muôs txir lưk suôr, điz trâu đrênhk trâu cxuô luz ciaz hâur thành phố Hà Nội.

Ntơưv huyện Mai Sơn, txix 5 tsưr ziv chos kôngz hữu cơ zos Têz qơưk paz shông 2019, txos nhiv no, muôx 51 tsêr luôv, HTX thiaz yênhx puô ziv nênhs sir zôngv cxênhx cxênhv chos kôngz trơưk faz hữu cơ,  xav hur si đar 2.245 ha. Tix lâus Nguyễn Đình Tuấn, thành viên HTX Đoàn Kết, xã Chiềng Mung, kria pâuz: Cur taz tov chos txir kiar đuz trơưk faz hữu cơ, vor tax kôngz lông paz ar nông; đrox tuô tsơưs; sir zôngv tơưr txir cà phê, cxa cưk thiaz xaz sinh học vâuv qir hữu cơ mfông trâu têz txir kiar, paz por hưv đêx ar huôz chuô nyiaz hur hâur chos thiaz luôv tơưr txir cà phê. Đros trâu yax 1 ha têz chos txir kiar, cur ziv nênhs tưz sâu tâu 700 triệu nhiax nju/shông.

Pos Cầm Thị Phong, Phó Giám đốc Sở Kôngz lông thiaz Huôv tsar jêx jok, haik tiak: Txix shông 2020 txos nhiv no, tỉnh pêz tưz paz 89 tsêr luôv, HTX cxiv tsa 24 tsưr ziv chos txir mo môngk, lưv tsiz, chuôz thox hmaz, txir na, xaz lênhx tsar, thênhx caz, lưk pax…xav hur si tas yax 15 tiv nhiax. Đros ntơư, tsênhv kriz têx jias kria pâuz sir zôngv yuôx por hưv kôngz lông zos chai; zaz zâuv, gruô hu sir zôngv têx hov yuôx tsuôs por hưv kôngz lông nhaz xênhz; pâuz nzaz nzơưv kuôr kôngz lông chia vâuv qir hur, tsik tas nhiax ntâu, por hưv đêx ar huôz chuô nyiaz hur.

Sơn La tưz muôx yax 8.200 ha kôngz, txir nox tâu công nhav huôv tsar trơưk faz hữu cơ. Hâur ntơư, 187 ha kôngz, txir nox tâu công nhav zos huv txâuk chai hữu cơ; zuôr luôs 400 ha thênhx caz, lưk pax, blêx tâu công nhav hlôngr chos hữu cơ; puz 216 mã số chiv thax tsav chos; cxiv tsa, txuôs jông 288 tsưr ziv huôv tsar kôngz, txir nox, tsiax đêx hur; cxiv tsa 7 thax tsav chos kôngz lông sir zôngv chuôz zênhx jông ntơưv huyện Mộc Châu, Mai Sơn thiaz Yên Châu.

Tsik tsês huôv tsar kôngz lông hữu cơ, ngành Kôngz lông thiaz Huôv tsar jêx jok tưz saz lax trâu tỉnh chox car tsov xav, huôv tsar thax tsav chos kôngz hữu cơ lox đar, muôx gri. Hâur ntơư, paz tus khênhx, paz nênhs siz chos huôv tsar trơưk faz muôx gri, đros trâu uô luôv txir mo môngk, thênhx caz, txir lê trơưk faz hữu cơ xav hur si đar yax 400 ha. Đros ntơư, tsênhv fuô lês 2 tsưr ziv uô nox yiaz, chos ntông txir na sầu riêng, mok mix Thai trơưk faz hữu cơ, siz chos uô nox muôx gri đros ntâu luz huyện uô lax luôv.

Sir jos uô cov tiar, muk zos txox cêr, đuôz huôv tsar kôngz lông hur, kôngz lông hữu cơ ntơưv tỉnh zênhv hnuz zênhv pov tâu mênhx pêv. Đros trâu cxiv tsa têx cêr chai zaz zâuv huôv tsar kôngz lông hữu cơ, tỉnh pêz tsênhv tsik tsês tso tơưv têx tsưr ziv uô luôv hax huv, siz txuôk cêr lax luôv. Đros ntơư, tror cxiv tsa tsưr ziv huôv tsar kôngz lông hữu cơ nhav nxiak fiv huv hâux lưv huôv tsar kôngz lông yênhx thax tsav, fiv huv tsov xav huôv tsar nhiax txiax- xã hội ntơưv tỉnh.